مشكلتي اهلكتني

مساء الخير
كيفك اخصائيه شريفه لماعرفت ان في قسم يحل مشاكلنا فرحت الله يكتب لك الجنه بهالعمل انا متزوجه وحامل ع 17 وعندي ثلاث اخوات اكبر مني اكبر وحده متزوجه واللي بعدها 2 وحده عمرها 21والثانيه 19 اهم شي ان اختي اللي عمرها 21 تدرس في الكليه من قبل لا اتزوج كان كل وقتها ع الجوال في خدمه دردشه كانت تراسل بنات وشباب وعائلتنا محافظه مره وبعدين بالصدمه اعطتني جوالها اتسلى عليه لان ماعندي جوال شفت فيه رسايل من واحد محادثه جرييييييئه بينهم كلمت اختي الكبيره ووكلمتها ومانفع كلمتها انا وخوفتها بماما وبابا واعترفت لي بكل شي وانه بيجي يخطبها المصيبه اعطته اسمها بالكامل والمنطقه اللي ساكنين فيها اهم شي وبعدين اختلفو وقالت خلاص قطعت العلاقه انا ارتحت كثير وجا موعد زواجي وتزوجت بعد فتره احسها رجعت لعادتها وانا علمت ماما ومامات كلمتها وحسيت انها بطلت والحين صارت تقضي وقتها ع لعب البلياردو في النت مع شباب ونصحتها وبابا يهاوشها اذا جلست عليه كثير وماما بعد بس صارت تعلي صوتها ع ماما وبابا وتحترمهم وهم عاطينها ثقه عمياء واذا قلت لماما تقول ماابي اعاملها زي الصغار ابيها تفهم وتخليها برغبتها و البارح كنت ماره من غرفتها سمعتها تكلم كنها تكلم شاب لما انتبهت قامت قفلت الباب وبعدين رجعت الغرفه ولا كأن شي صار كدا اتاكد انها من جد تكلم شوري علي والله تعبت نصحتها بالطيب وخوفتها بربي ومن هالشباب وهاوشتها وقلت بافضحها عند ماما مره ثانيه ومافاد وش اسوي ابي طريقه اكسبها وماتكذب علي هي تحب الاغاني كثير والجنس وكلامها مع اعمامي جريء ويعرفون طبعها كيف اغيرها ع فكره هي تصلي وتصوم
اسفه طولت عليك بس انت الوحيده اللي حسيت ان مشكلتي بتنحل بسببها بعد الله واعطيك وعد اذاتغيرت ماراح انسى فضل الله اللي دلني عليك وفضلك
سااااااعديني حيل تعبااانه منها والتفكير فيها وفي حملي لان هذا شهري ماراح انساك من دعواتي وقت الولاده ان شاء الله واي شي مافهمتيه اساليني وراح اجاوب