ممكن اللي عندها خبرة بخلطات الشعر وطبيعته تتفضل

السلام عليكم جميعا حبايبي....
بغيت أستشيركم في موضوع عن الشعر بعد ما احترت من كثرة الخلطات و وصفات الشعر..ولو سمحتو لا تتجاهلون موضوعي..الله يسعدكم..
أنا أبغي خلطة زيوت تفيد شعري وتكون بسيطة و متوفرة.. ما أحب أحط خلطات واايد على شعري مثل الروب والمايونيز وغيره..

بقولكم طبيعة شعري والزيوت اللي أفكر أستخدمها.. وأتمنى من اللي عندها خبرة بالزيوت والخلطات تفيدني برايها..
أنا شعري ما شاء الله كان زين وما أشتكي منه يعني مب جاف ولا دهني وغليظ..
بس من عدة سنوات يمكن سنتين أو ثلاث استوا باهت ومتقصف وجاف ويتساقط يعني استوا خفيف.. وفيه قشرة ..يعني وايد اتغير..
أنا استغربت كيف فيه قشرة وجاف .. بس من كثرة بحثي عالمواقع اكتشفت أنه هذا يسمونه الشعر المختلط...ما أدري صح ولا غلط.. هذا اللي استنتجته..

والحين بقولكم جدولي اللي أفكر امشي عليه وأبغي رايكم فيه للي عندهم خبرة..
بستخدم خلطة زيوت: زيت اللوز (للترطيب) - زيت الخروع(للتكثيف) - وزيت زيتون(ما أعرف شو فايدته بس لأنه متوفر)...كنت أبغي أحط معاهم زيت الصبار بس ما حصلت لانه عرفت أنه مفيد للقشرة ..
وهذي الخلطة بستخدمها مرتين في الاسبوع..
وبستخدم زيت دابر أملا الذهبي مرة في الاسبوع
يعني ثلاث مرات في الاسبوع بحط زيت..
وبعد ما أتغسل منه بحط على شعري ملعقة خل تفاح مع الماء على شعري لأنه مفيد حق القشرة..
وبعد ما أغسل شعري من خل التفاح بحط بلسم للشعر..

* شو رايكم ممكن هالجدول يفيد طبيعة شعري؟؟؟؟
* وأقدر أحط جل الصبار الطازج (لأنه زارعينه في بيتنا) مع الزيوت في زجاجة وأخليها لفترة لين ما تخلص ولا يخترب؟؟؟
* هل خل التفاح بيسويلي جفاف في شعري ولا عادي..؟؟
* هل الزيوت اللي بستخدمها تزيد القشرة؟؟
* شو تقترحون أحط على شعري بعد ما يجف من الكريمات لانه استخدمت وايد كريمات وأحسها تنشف الشعر؟؟؟

لو سمحتو اللي تقدر تجاوب على تساؤلاتي ما تبخل عليي لأنه محتاجة شي زين حق شعري..
ويزاكم الله خير..