31 مرة نقول يا تري بتعملي الأكله دي ازاي؟ مبدعات مصر القمرات شهر ذو الحجه 1432

B

Boody we zady

عروس ماسية

30-10-2011 | 09:30 AM

السلام عليكم و رحمة الله و بركاته

ازيكم يا قمراااااااااااااااااااااااات كل سنة و انتن طيبات و عيد سعيد علينا و عليكم و ان شاء الله كلنا السنة اللي جايه نكون في عرفااااااااااااااااااااااااااااااااااااااااات

عايزة الشهر ده بقه صور اللحمة تملي الموضوع هههههههههههههههههه

بسم الله نبدأ

ن

نور التقوى

عروس ذهبية

30-10-2011 | 09:56 AM

هيييييييييييه اول واحده ترد

كل سنه وانتم طيبين يابنات ويارب يكون عيد سعيد على الجميع ويحقق لكل واحده كل الى نفسها فيه يارب

ومبروك الجزء الجديد

وان شاء الله احاول اشارك معاكم زى زمان

m

manafola

عروس مبدعة

30-10-2011 | 11:28 AM

انا كمان مبسوطه اني اكون معاكم من بدايه الجزء كل سنه و احنا طيبين عايزة بقي في العيد اقضيه اكل و بس

ف

فراشة الإيمان

مشرفة سابقة

30-10-2011 | 12:47 PM

كل سنه وانتوا طيبين وربنا يعيد عليكم بصحه وسعاده

ومبروك الجزء الجديد

خدوا دول بقى بمناسبه الجزء الجديد

ده كشرى اصفر ب البيض العيون بس عامله اتنين لجوزى لانى من اول الحمل وانا قطعت علاقتى بالبيض هههههههههههههههه

ودى بقى كيكه هشه وطريه وطعمها اممممممممممممممممممممممم مغلفه بصلصه التوفى شفتها على النت وعملتها بالحليب اللى كان مدوخنى

دى قبل ماتدخل الفرن قعدت العب فى الوش بالخله علشان يتشخبط كده

هنا فى الفرن بقيت خايفه لاحسن تدلق لما عليت ههههههههههه

بصوا اتنفخت ازاى ماشاء الله

هنا لما قلبتها من القالب

هنا رجعتها لوشها تاااااااانى

شايفين الارتفااااااااااااع ماشاء الله

وهنا بقى صبيت صوص التوفى

اممممممممممممممممممممم

هنا زينتها بشيكولاته فارماسيل

وده طبقى

ودى بعد التقطيع

وبجد الطعم حكاااااااااااااااااااايه والكيكه طعمها يجنن

بفكر المره الجايه اعملها بصوص الشيكولاته وحتى لو ساده م مع الشاى طعمها خطير

طلعت لحماتى عجبتها قوووووووووووووووووووووى

وماما جت قدمتها مع الشار قالتلى كأنها جااااااااتوة

B

Boody we zady

عروس ماسية

30-10-2011 | 01:28 PM

شيري تسلم ايدك بجد وااااااااااااااااااو نفس القالب بتاعي ههههههههههههه بعملها كده بس بحط صوص شيكولاته

ف

فراشة الإيمان

مشرفة سابقة

30-10-2011 | 01:41 PM

تسلمى يا ام بودى المره الجايه بقى بصوص الشيكولاته

المهم انى خلصت من علبه الحليب صلاحيتها كانت هاتنتهى امبارح

هههههههههههههههههه اهى انتهت فى بطننا

B

Bossy22

عروس رائعة

30-10-2011 | 06:26 PM

جميلة اوى يا شيرى تسلم ايدك
صوص التوفى ده بيتعمل ازاى بقى؟؟
و كل سنة و انتو طيبين

ف

فراشة الإيمان

مشرفة سابقة

30-10-2011 | 07:14 PM

Bossy22;15706641:
جميلة اوى يا شيرى تسلم ايدك
صوص التوفى ده بيتعمل ازاى بقى؟؟
و كل سنة و انتو طيبين

جبت علبه حليب محلى وحطيتها فى حله ميه وسبتها تغلى ساعتين وكل الميه ماتنقص ازود لغايه ماتغطى العلبه بالمايه

وسيبتها تهدى شويه وبعدين فتحت وصبيت بقى على الكيكه بس الطعم رووووووووووووووووووعه
بس اوعى تفتحى وهى سخنه لا تتحرقى:-#

وفى طريقه تانيه

تجيبى 6 معالق سكر وتحطيهم على النار يتكرملوا ولما يبقى لونهم كراميل تنزلى بعلبه قشطه وتقليب سريع قبل مايكلكع بالمضرب اليدوى وهاتبقى نفس النتيجه

بس الاولى اسهل:rolleyes::rolleyes:

s

sweetyronaaa

عروس رائعة

30-10-2011 | 10:39 PM

شيري ما شاء الله الكيكه شكلها وهمى
طريقتها ايه بالظبط

و بمناسبه الكيك انا عملت كيكه زبادي و كانت مرفوعه و عاليه و هى في الفرن
و لما طلعت هبطت و كانت من جوة عامله زى الموس مع انى اختبرتها كويس قبل ما اطلعها من الفرن و كانت مستويه كويس
حتى جوزى افتكر انها موس مانجه هههههههههههههههههههههههههه

و كمان بقي عايزة مقادير التورته بتاعت يا شيري و ادخلها على فرن حرارته اد ايه
مع العلم ان الفرن عندى حامى اوى اظبط حرارته ازاى عشان التورته

n

nanoo99

عروس فضية

31-10-2011 | 01:42 AM

مبروك على الجزء الجديد

تسلم ايديك ياشير
انا بقى عايزه طريقه الكشرى ابو بيض داااااااااااا

ب

بيرق أمل

عروس برونزية

31-10-2011 | 07:11 AM

السلااااااااااام عليكم
وكل سنة وانتم طيبين يا حبايب قلبي، انا كل ده مش عايزة اعمل مشاركات مستنية الجزء الجديد
ادعولي يا بنات الا بقالي 3 ايام تعبانة قوي وامبارح من الساعة 10 وانا في المستشفى مروحتش الا السااعة 7 بالليل :(
واشاعات ومن دكتور يحولني للتاني ... انهرده هتبان النتيجة ادعولي بالله عليكم

ام جوووودي ماشاء الله الاكل يجوع على الصبح ... مستنية صور بقى اطباق الفتة :D

شيري جااااااااااااااااامده الكيكة دي
قولي بقى طريقة الكيك نفسها عشان عايزة نوع كيك مختلف بمقادير مختلفة وجديدة اعملها الحلو للعيد ان شاء الله

B

Boody we zady

عروس ماسية

31-10-2011 | 10:13 AM

نوووووووووووووووووووور مالك يا جميل ألف سلامة عليكي؟؟؟؟؟؟؟؟

رورووووووووووووو اين انت يا وليه ؟

s

sweetyronaaa

عروس رائعة

31-10-2011 | 12:52 PM

نوووووووووووووور مالك الف سلامه عليكي

م

مدام/اشرى

عروس برونزية

31-10-2011 | 12:55 PM

شيرى
انزلى بطريقة الكيكة بالتفصيييييييييييييييييل
ما شاء الله عليها تحفة
نور الف سلامةي ا موزة بعد الشر عليكى وابقى طمنيناااا

~

~OM-ADAM~

عروس مبدعة

31-10-2011 | 01:17 PM

كل جزء و أنتم طيبين وعيد سعيد عليكم وعلي اولادكم يارب

.

.. Hopes

عروس مبدعة

31-10-2011 | 03:32 PM

كل سنه وانتم طيبين يابناات

نووور
سلامتك يابنتي ألف سلامه عليكي ايه اللي حصلك :(

ف

فراشة الإيمان

مشرفة سابقة

31-10-2011 | 10:42 PM

بيرق أمل;15708496:
السلااااااااااام عليكم
وكل سنة وانتم طيبين يا حبايب قلبي، انا كل ده مش عايزة اعمل مشاركات مستنية الجزء الجديد
ادعولي يا بنات الا بقالي 3 ايام تعبانة قوي وامبارح من الساعة 10 وانا في المستشفى مروحتش الا السااعة 7 بالليل :(
واشاعات ومن دكتور يحولني للتاني ... انهرده هتبان النتيجة ادعولي بالله عليكم

ام جوووودي ماشاء الله الاكل يجوع على الصبح ... مستنية صور بقى اطباق الفتة :D

شيري جااااااااااااااااامده الكيكة دي
قولي بقى طريقة الكيك نفسها عشان عايزة نوع كيك مختلف بمقادير مختلفة وجديدة اعملها الحلو للعيد ان شاء الله

مالك يانور ايه اللى جرالك ياقمر ربنا يطمنا عليكى

ياريت لما تطلع النتيجه تيجى تطمنيناF:

ف

فراشة الإيمان

مشرفة سابقة

31-10-2011 | 10:49 PM

طريقه الكيكه للى سألونى عنها

4 بيضات فى درجة حرارة الغرفة
1 و نص كوب سكر
3/4 كوب زيت نباتى
2 كوب دقيق ( ممكن يزيد او يقل حاجة بسيطة على حسب نوع الدقيق )
1 و ربع كوب حليب
فانيليا
معلقة بكنج بودر
3 ملاعق طعام كاكاو بودرة

الطريقة :

اولا نشغل الفرن على درجة حرارة متوسطة
و نجهز قالب الكيك و ذلك بدهنة بالزيت و رشة بالدقيق

نضع البيض و الفانيليا فى اناء عميق و نخفق بمضرب البيض حوالى 3 دقائق لحد ما يبقى لونة فاتح

نضيف السكر كلة و نستمر فى الضرب حتى يذوب السكر تماما

نبدا فى اضافة الزيت على 3 دفعات ( مش كلة مرة واحدة ) و نستمر فى الخفق 3 دقائق اخرى

نضيف نصف كمية اللبن و نخفق ثم نضيف قليل من الدقيق مع الاستمرار فى الخفق

و نضيف مزيد من الدقيق تدريجيا حتى نضيف نصف الكمية تقريبا و نستمر فى الخفق

نضيف باقى الحليب و نخفق ثم باقى الدقيق بالتدريج ( كل الخطوات السابقة مع الخفق بمضرب البيض )

بعد الانتهاء من الدقيق كلة نضيف البكنج بودر و لا نخفق بالمضرب الكهربى ( نستعمل معلقة او المضرب اليدوى )

نقوم بالتقليب جيدا

نضع 2/3 الكمية فى الصينية المعدة للخبز

و الباقى نضيف علية 2 ملعقة كاكاو و نقلبه جيدا ثم نضع خليط الكاكاو فوق الخليط السابق بجعلة خيط رفيع فى وسط القالب هكذا

بعد ذلك بأستخدام عود خشبى او ظهر المعلقة نقوم بتحريك المزيج سويا بحركات دائرية مع عدم لمس اسفل القالب

تدخل الفرن الساخن مسبقا لمدة 45 دقيقة تقريبا ( درجة حرارة متوسطة حوالى 180 )

و نختبرها بطرف السكين للتاكد من النضج لكن منفتحش ابدا عليها قبل 40 دقيقة على الاقل

ما شاء الله يا جماعة هششششششة و تحفة جدا

و ممكن تتاكل كدة و هتبقى جميلة

وطبعا عارفين طريقه التوفى واللى مش عارف يقولى وانا احطها

طريقه الكشرى الاصفر بالبيض العيون لعيون نونا

هانجيب عدس اصفر وننقيه والرز ننقيه بس يكون العدس اكتر من الرز حبتين ونقلبهم على بعض فى طبق واحد ونغسلهم

ونكون فارمين كام فص توم

نحط على النار شويه زيت ونحط التوم المفروم ولما ياخد لون دهبى فاااااااتح ننزل بالرز والعدس المغسولين ونقلب تقلبتين

وبكون غاليه مكعبين مرقه دجاج فى كنكه مع كوبايه ونص مايه

اخدهم واحطهم على الرز والعدس واكمل ميه عاديه لو لسه محتاج كانك بتعملى رز بالظبط شوفى بتحطى مايه قد ايه للرز بتاعك بس متكتريش علشان مش يعجن

وظبطى ملحك وشويه كمون وعامليه معامله الرز لما يشرب المايه وطى عليه وحطى الشياطه

لغايه لما تلاقيه استوى وقربتى تطفى عليه

تجيبى كوبايه وتغرزيها في الحله بحيث تعمل حفره بس خليها غويطه شويه وتعملى نفس الخطوه بعدد البيض اللى انتى عايزاه

وتجيبى البيضه تكسريها وتحطيها فى الحفره دى وتغطى وتسيبيها تستوى على البخار وتعملى الحركه دى قبل ماتطفى بحوالى 5 دقايق ولما تلاقى البيض استوى وبقى جامد اطفى واغرفى

وطبعا بتعملى جمبه صلصه

اقولك طريقتها

بتفرمى شويه توم محترمين وتحمريهم فى ىالزيت لما لونهم بيبقى دهبى وتنزلى بالطماطم المضروبه فى الخلاط

وشويه ملح وكمون وسيبيها تتسك ولما تتسبك تحطى مايه بس بسيط بحيث ان الصلصه قوامها مايبقاش خفيف مايه لا تبقى تقيله شويه وتظبطى ملحك ولما تغلى تطفى عليها

وممكن تاخدى حبه منها تحطى عليهم شطه ناشفه فى طبق كده مع الاكل للى عاوز شطه

m

marioum27

عروس متألقة

01-11-2011 | 12:13 AM

ازيكو يابنات فاكرني ولا لأ انا كنت معاكو في الأجزاء اللي فاتت بس بقالي كتير مادخلتش عشان كنت حامل وولدت وانشغلت أوي المهم وحشتوني ووحشني أكلاتكو اللذيذه وتسلم ايديكو يا قمرات

ع

على خطى الحبيب

مشرفة سابقة

01-11-2011 | 12:31 AM

كل سنة وانتوا طيبين :)

♥ عيد سعيد عليكم جميعا ♥

فراشة الإيمان;15705846:
كل سنه وانتوا طيبين وربنا يعيد عليكم بصحه وسعاده

ومبروك الجزء الجديد

خدوا دول بقى بمناسبه الجزء الجديد

ما شاء الله يا شيري كالعادة اطباقك تحفة تسلم ايدك F:

بيرق أمل;15708496:
السلااااااااااام عليكم
وكل سنة وانتم طيبين يا حبايب قلبي، انا كل ده مش عايزة اعمل مشاركات مستنية الجزء الجديد
ادعولي يا بنات الا بقالي 3 ايام تعبانة قوي وامبارح من الساعة 10 وانا في المستشفى مروحتش الا السااعة 7 بالليل :(
واشاعات ومن دكتور يحولني للتاني ... انهرده هتبان النتيجة ادعولي بالله عليكم

ام جوووودي ماشاء الله الاكل يجوع على الصبح ... مستنية صور بقى اطباق الفتة :D

شيري جااااااااااااااااامده الكيكة دي
قولي بقى طريقة الكيك نفسها عشان عايزة نوع كيك مختلف بمقادير مختلفة وجديدة اعملها الحلو للعيد ان شاء الله

الف سلامة عليكي يا نور ربنا يعفو عنك

ومبروك الجواز نعرف بالصدفة كده :(

ربنا يسعدك ويوفقك ويرزقك بالذرية الصالحة يا حبي :L: