الصراحه انا طولت مانزلت موضوع جديد لاكن على قولتهم من طول الغيبات جاب الغنايم
اليوم جبت لكم طريقه كيكه سهل وسريعه وحده الله يجزاها خير علمتني ولما سويتها وطلعت تمام قلت لازم اروح اخبر العرايس
المقادير اللي راح اكتبها تسويلك مقدار يكفيك لحالك..الصراحه يكفيني انا وبنتي
الفكره هنا انا الكيكه ماتتسوى في صينيه تسويها في زبديه صغيره
المقادير:
4ملاعق دقيق(انا افضل الكويتي لاكن ينفع العايدي)
ملعقه زيت
نص ملعقه صغيره باكنج باودر
3ملاعق سكر واللي تحب تكثر
5ملاعق حليب سايل انا افضل حليب بالفانيليا يعطي ريحه حلوه بدل الفانيليا الباودر
بيضه
واخلطي المقادير مزبوط داخل الزبديه واذا حسيتيه ثقيل شويه زيدي الحليب
ويطلع شكله بعد الخلط كذا..
وتدخليه المايكرويف والوقت3دقايق ونصف وخليها وراقبيها راح تلاحضين انها قاعده تنتفش بعد مايخلص الوقت طلعيها وبالملعقه شوفيها اذا من الداخل استوت طلعيها اذا باقي شوي زيديها دقيقه
انا قلت هذا الكلام عشان كل وحده حراره المايكرويف حقها يختلف عن الثانيه انا اللي قالت لي الوصفه تستوي عندها بدقيقتين لاكن انا استوت ب3دقايق ونص راقبيها اول مره بعدين راح تسويها وانتي مغمضه المهم لازيدي عليها الوقت بعدين ماتصيرهشه انتي راقبيها لين ماعاديزيد حجمها واختبريها..
بعد ماتخرجيها يكون هذا شكلها...
اذا تحبين تاكلينها من الصحن بالعافيه اصلا كذا انا اسوي اغلب الاحيان
او اذا عندك ضيوف وحابه تزينيها او لزوجك اقلبيها في صحن وزينيها باي شي تحبيه احنا نحب الشوكلاته ..
وقسمتها عشان اوريكم قد ايش لذيذه وهشه..
اللي بتجربها ماراح تندم انا من يوم ما تعلمتها يمكن اسويها شبه يومي بنتي تحبها العصر مع العصير
وبعدين سهله وسريعه ولافي صحون ولاصواني ولا شي اخلطي وكلي في نفس الصحن واذا حابه تسويها كبيره دبلي المقادير و ودبلي عدد الدقايق
انا الصراحه ما سويت كذا بس راح اسويها ان شاء الله..
وبالهنا والعافيه على قلوبكم انا الصراحه كل شي يعجبني احطه بهذا المنتدى وابغى الكل يستفيد
وما ابغى الا دعوه حلوه لان باقيلي اسبوعين واولد ادعولي ربي يحفظ لي زوجي وعيالي يارب.
