من بشرة نااااشفة الى بشرة دهنية من غير مقدمات؟! ساعدووني

مرحبا صبايا,

انا طول عمري اشتكي من بشرتي الناااشفة لدرجة اني ما اقدر ابتسم الا لما احط كميات رهيبة من المرطب
ولكن من تقريبا ثمان شهور بشرتي صارت تزيت بشكل غير طبيعي, يعني لو اغسل بغسول الصبح وانتظر ربع ساعه
راح الاقي زيوت طالعة من خشمي, جبهتي, شوية ناحية الخد.. يالهوووي!! :-o

حاااااولت وجربت كل شي..
رحت لدكتور عطاني ادوية ما فادتني نهائيا, رحت لدكتور ثاني عطاني كريمات وبعد ماغيرت ولا شي.
تقريبا لفيت على كل الدكاترة الي انصحوني فيهم اهلي.
الزيوت هيا هيا..

انا ما استخدم ادوية ولا عندي ضغوطات حياة ولا شي علشان ممكن اقول ان السترس هو السبب.
وماعندي بثور ولا حب شباب ولا مشاكل. بشرتي صافية

المشكلة فالاعراس والمناسبات المكياج بعد ساعه او ساعتين يسيح والكحل نصة داخل عيني وعيني تحمر وحالة هههههههه
ما اصدق على الله ارجع البيت عشان انظف كل شي واريح عيني واغسل اللوك الدهني.

قولولي ايش اسوي؟ انصحوني بروتين معين.
انا فكرت اني انشف وجهي بعد الغسيل وما احظ اي مرطب عشان ينشف
بس سويت سيرج وعرفت ان هالشي غلط ومشكلة الزيوت بتزيد اكثر
طيب استخدم تونر وخلاص من غير مرطب؟

الله يوفقها الي ماراح تبخل علي بشوية نصايح :L: