الحمل بعد القيصريه بمده قصيره

معقوله ولا رد !!؟؟ وينكم بنات عرووس

السلام عليكم
أنا اللي أعرفه أذا كان الحمل صار بسرعة تكون الولادة بالعملية مثل أختي صار عليه والدة بالعملية سنة و3 شهور وهي الان حامل بعد الولادة بستة شهور وقالولها لازم عملية
الله يسهل عليك يارب

يوووه حبيبتي انتي مثلي

انا ولدت ولدي قيصريه بسبب الدكتوره وارادة رب العالمين الحمدلله

وحملت على ولدي بغير اراده يعني وكان عمره 8 شهور

والحمدلله ولدت بنتي طبيعي وحملت على بنتي وكان نفس الشي 8 شهور ولدت طبيعي

لاتخافين حبيبتي نصيحه مني لج اذا دخلتي شهرج الثامن صلي يوميا بعد العشاء او ا لليل ركعتين بنية ان الله سبحانه يسهل ولادتج

وهاي اللي كنت اسوي ادعي ربي وايد واصلي يوميا ركعتين والله استجاب دعاي وماخيب رجاي


لاتخافين اطمني دام الله رزقج هاي الحمل الله بيرزقج السلامه

وخلي املج بالله قوي وحطي في بالج انج بتولدين طبيعي باذن الله

السلام عليكم ,,
حبيبتي ان شاء الله تولدين طبيعي وماعليك من اللي يقول انه شرط لازم تولدين قيصري لأن اختي حملت على ولدها بأقل من 7 شهور والحمدلله جابت الكتكوته طبيعي بس المشكلة بالدكتورة اللي بتروحين لها ! لأن اختي اول دكتورة راحت لها خوفتها وقالت ان الجرح بينبط وليش حملتي و ممنوع الحمل ولازم تنزلين الجنين !! بس اختي توكلت على الله وراحت لدكتورة خاصه وكانت هالدكتورة مصرة انها تولدها طبيعي والحمدلله ولدت طبيعي والجرح ماصاده أي شي !! .. الله يكتب اللي فيه الخير ان شاء الله ومبروووووووووووووك على الحمل و تحملي بالكتكوووت اللي عندك ..

الله يسهــــــــل عليك اختي ....

ماعندي خبره بالموضوع
الله ييسر أمرك وتولدين طبيعي

والله حتى انا ولدي الاول قيصري
بس الله يكتب لنا الولاده الطبيعيه ياااكريم
ونولد بصحه وعافيه

الله يسهل عليك
وتولدين طبيعي

الله يثبته وان شاء تسهل عليج الولادة يارب

شكرا خواتي ماقصرتو والله يسهل ان شاء الله

تركيهم عنك هالدكاتره الكذابين مافي اكذب منهم ومافي الا ربك بهالمواقف كم وكم سمعنا ونعرف ناس ورب الكعبه بعد الاربعين حملوا وحملهم الاول قيصري وجابوا طبيعي وغيرهم شهور بس وولدوا طبيعي موشرط تنتظرين سنتين او اكثر من كذا والله المقدر مقدر ناس اربع وناس ست سنين يتمون على عيالهم بس مكتوب عليهم عمليه توكلي على ربك ولا تلتفتين لاي احد يقولك عمليه والله العمليه تعب وثلاث ارباع العافيه تروح بسببها لو اجتمعوا الف دكتور ودكتوره عليك وقالوا لك عمليه انتي اصري وقولي طبيعي واحسني الظن بربك وتوكلي عليه وادعيه وشوفي النتيجه بالنسبه لولدك مدري شقولك الصراحه مفروض معلمته على الصناعي لان يقولوا الرضاعه مع الحمل مو زينه تاثر على الحمل او على الطفل بس هالمعلومه حقيقيه لا اعلم بس اسمع انه مضر استشيري دكتور اطفال وشوفي شيقول

لاتخافين حبيبتي. .انا ولدت قيصري وعقب ثلاث شهور حمل على ولدي .. وبقدره الله سبحانه وتعالى اكرمني بالولادة الطبيعية.. كنت خايفة والدكاترة خايفين بعد ، بس انتي اتوكلي على الله واسألي الله ان يختار لك الافضل. اما عن الرضاعة فالافضل ان تقطعيها . اسأل الله لك ان يسهل الولادة

الله يسهل عليكي وتولدين طبيعي

توكلي على الله

ربي يتمم لك على خير وتولدين طبيعي

دام السبب تعب الجنين مو المشكله في الحوض
ان شاء الله بتجبين طبيعي حتى لو حملتي بعد الاربعين

اختي اسمعيها مني نصيحة بما اني اشتغل في هالمجال ، لا تعرضين روحج للخطر لان المفروض على الاقل 3 سنوات حتى ترجع عضلات البطن لوضعها الطبيعي انتي اللي تجوفينه جرح واحد بس من داخل جم طبقة الي الرحم كلعا انفتحت وقت العملية وساعات من قوة الطلق الطبيعي ممكن يصيد الوحدة نزيف لا سمح الله ،، فنصيحة مني استشيري دكتورتج بس اللي اجوفه الله يثبته لج ويقومج بالسلامة ولما تدخلين شهرج الدكتورة تحدد لج موعد الولادة بدون الم طلق لازم والله يكتب اللي فيه الخير لج ان شء الله