أفضل المشاغل في الرياض

أ

أثير أحمد

عروس جديدة

25-10-2011 | 11:00 AM

السلااام عليكم عرايس F:

زواجي في الريااض وماعندي أي خلفيه عن أحلى المشاغل في الرياض وأحسن الكوافيرات
تكفوون اللي عندها اي معلومه تفيدني الله يخليكمم ياااارب جدا محتاااره وخايفه ^o)

لها دعوه من قلب اللي تساعدني ()""""

m

munerah.a

عروس مشاركة

25-10-2011 | 11:42 PM

السلام عليكم ورحمة الله وبركاته:
أحلى مشاغل الرياض..
1/(خياط إيمان)خياط هندي لكن شغله نظيييف مرة وذكي بالخياط ويعتبر أحد الموزعين على المحلات وأعرف وحدة من الكويت تجي وتخيط عنده ,غير كذا رخيص (أنا عن نفسي خيطت فستان زواج أختي عنده قبل 3 سنوات وكان مره حلو ومظبوط ) (لكن في كل الحالات أنا أنصحك أنو أنتي تروحين تشوفين شغله بنفسك لأن احيانا شغل المحل يتغير أو يختلف الذوق من شخص لشخص يعني لاتعتمدين على مدحي 100%)خوذيها نصيحه عامه
وهذا رقمهم: 0501547586
موقعهم _حي الملك فهد_ شارع أحمد بن عبدالعزيز
2/ مشغل ce la vie
ورقمهم >> إلهام: 0541654088
رنا: 0505425842
مدحوهم كثير بالنت و رحت لهم وشفت شغلهم الصراحه دقيق مره وحلو زي ماوصفوه مررره حلو(الصراحة كأن الملابس اللي عندهم جاهزه أحس مامر علي مثلهم ) لكن للمصداقيه قالوا أسعارهم رخيصه بحدود ال700-يمكن أول هذي أسعارهم- وهو (حدود أسعارهم 1500بدون قماش وكان الفستان مافيه ذاك الموديل 2500مع القماش)
بحاول أنزل لك صورة الكروكي
وبالنسبه للفستان الأبيض
روحي لسوق المتنبي بالملز عندهم محلات خاصة لفساتين العرايس تختارين الموديل من عندهم وممكن تعدلين عليه زي ما تبغين وهم ياخذون مقاساتك ويسوونه لك(حتى شراء القماش عليهم) وفيه بعض المحلات يقبلون أنو أنتي تجيبين موديل من عندك..
وأحسن محل خاماته حلوة هو الحريـبي واللي يشتغل فيه فاهم مرة (صحيح أنو الموديلات مب مرة حلوة لكن خاماته مضبوطه وراقيه)و اهم من هذا أنو يقبل موديلات من عندك ، الكلف اللي عنده مشابهه مرة لكلف العيسائي *للمعلوميه أنا فستاني عندهم بس لسى ماطلع توني مدخلته
الله يوفقك ، وأتمنى أني أكون أفدتك ..
وزي ما قلت لك نصيحتي أنو أنتي تروحين تشوفين الشغل بنفسك

:083:بالتوفيق للجميع:083:

m

munerah.a

عروس مشاركة

26-10-2011 | 12:47 AM

هذا وصف المشغل

http://www.3roos.com/files/ups/2011/442858/01319579134.jpg

m

munerah.a

عروس مشاركة

26-10-2011 | 01:00 AM

أما الكوافيرات أحسن كوفيرة للعروس -برأيي- وسمعتها حلوه جربناها بزواج أختي أسمها هاله الصرحة فننننانه ماشاء الله أرسل لك رقمها عالخاص
وفي وحده أسمها شيرين الأشقر صديقتي مدحت شغلها وتقول إذعندك خبرة بالمكياج توجهينها لأن شغلها أوفر مره (ثقيل)أنا ماشفتها بس مشهورة ابحثي عن رقمها بقوقل واظنها صارت تشتغل بمشغل اسمه منيرة، بحي الشفا

m

munerah.a

عروس مشاركة

26-10-2011 | 01:09 AM

وفيه وحده تسوي ميك أب خفيف وناعم (على الطبيعه مرة حلو ويبرز الملامح لكن بالتصوير مو مره لأنها ماتحط أساس إلا طبقة خفيفه وأحياناً تكتفي بالكونسيلر) بس ممكن تتحكمين أنتي بالأساس يعني تطلبين منها زيادة..
ممكن تحتاجينها أول أيام الزواج بارسل لك رقمه عالخاص إن شا الله

أ

أثير أحمد

عروس جديدة

26-10-2011 | 08:37 AM

الله يرضى عليك ويوووفقك يااارب ويعطيك الف عااافيه
افدتيييني كثير والله الله يسعدك