بموت من الغيرة

ياهلا فيك ليش تغارين وتحرين عمرك انا قبلك تعبت مع بنتي وانجنيت معها حتى البكا بكيت ماتهاوش مع ابوها عشانها بالاخير تعودت شسوي حتى بعض الليالي تنام تحت ياله اني اصيدها عشان تتروش والبسها

اكيد ياختي انك تبغي ولدك معاك يصير بكل شي...انت امه ومسؤوله عنه...لاتغاري ولاشي بالعكس
انا ابغى عيالي احد ياخذهم عنده ويلعبهم وكل شي ..ابغى ارتاح شوي منهم الله يحميهم محد عندي...
اتمنى هذا الشي.يصير...:( اهلي مو هنا..........وام زوجي شويا كبيره بس مو كثير وماتبغى الاطفال والازعاج ومايطولوا عندهم...مجرد زيارة
حاولي تكسبي طفلك بالالعاب وخذية الملاهي ....واخوه وخريه عنه يمكن هو السبب واشغلي الصغير باشياء ثانيه عن اخوه الكبير...

بالعكس مافيها شي إذا نزل عند ام زوجك انا استانس وذا ولهتي عليه نزليله بعد شتسوين ههههههههههه بالعكس هذا دليل انه ام زوجك تحبه عشان جذي يحبهاااااا وشي حلووووووووو طايحه عنج نص المسؤليه عشان مايتناجر مع اخوه

اب اب اب

بصراحة ماعندش سالفه انى ايام الجامعه كنت اتمنى احد يجود بنتى الصغيره او الكبيره عمتى ماتحب الازعاج والله هنيا لك عندك عمه حماة جدي تهتم فيهم

معذبة في الحياة;15688501:
بصراحة ماعندش سالفه انى ايام الجامعه كنت اتمنى احد يجود بنتى الصغيره او الكبيره عمتى ماتحب الازعاج والله هنيا لك عندك عمه حماة جدي تهتم فيهم

انا مومسويه سالفه بس اخاف مع الوقت ولدي يتعود اكون مع ام زوجي وثاني شي انا ماعندي لا حموات ولاحميان فامل بروحيواذا ولدي نزل كل هل الوقت.

Big smile;15688478:
بالعكس مافيها شي إذا نزل عند ام زوجك انا استانس وذا ولهتي عليه نزليله بعد شتسوين ههههههههههه بالعكس هذا دليل انه ام زوجك تحبه عشان جذي يحبهاااااا وشي حلووووووووو طايحه عنج نص المسؤليه عشان مايتناجر مع اخوه

علي الحب اهي تحبهم اكثر من روحها لانهم ولاد ولدهاا الوحيد بس وايد تعطيه حلاوة ولين قلت له عمة لا تعطينا حلاوة كل اشوي قالت ما اقدر ازعلا.

صدكيني عزيزتي المفروض تطيرين من الفرح
ترة لا هية ولا غيرهة راح تاخذ طفلج منج
وعلى رأي المثل اعزمن الولد ولد الولد
يعني هاي نعمةوالله
تدرين اني بعدني ماعندي اطفال وام زوجي تكول مدام مااحب ابني متحب ابنهة لأن تزوجني ههههههههههه
تكول مراح اكدر احب ابناءة :'(شايفة القهر حكمت على احفادهة بالكره قبل ميجون للدنيا
لا تخافين ابنج يحبج
انتي حاولي تدلليه بطرق مونفس طرق ام زوجج حتة لا يحس بالملل
ولا تهملين الطفل الثاني لا يحس بالغيرة من الكبير
فهميهم انهم بنفس المعزة:thumbs_up:
سلامي

رهف طيف;15688347:
اكيد ياختي انك تبغي ولدك معاك يصير بكل شي...انت امه ومسؤوله عنه...لاتغاري ولاشي بالعكس
انا ابغى عيالي احد ياخذهم عنده ويلعبهم وكل شي ..ابغى ارتاح شوي منهم الله يحميهم محد عندي...
اتمنى هذا الشي.يصير...:( اهلي مو هنا..........وام زوجي شويا كبيره بس مو كثير وماتبغى الاطفال والازعاج ومايطولوا عندهم...مجرد زيارة
حاولي تكسبي طفلك بالالعاب وخذية الملاهي ....واخوه وخريه عنه يمكن هو السبب واشغلي الصغير باشياء ثانيه عن اخوه الكبير...

الله اعينك اختي انا امل بدونهم ولد الكبير ما اتعب حطي له رسوم ويقعد معاها بس اخوه الصغير متعبني يباني كل وقت احمله مع انه يحبي والصغير يحب يلعب مع الكبير الكبير يمل من الصغير لما يصيح يخرب عليه متابعه رسومه المفضله.

هلا لارسا ما اظن ام زوجك كذا بس لين الله رزقك الياهل راح تشوفين الفرق الي تقولا بس كلام مو اكثر والله يعطيكي توأم مرة وحدة واعوض صبرك خير يارب.

حاسه بشعورج

انا في غربه بعيده عن اهلي ولمن بنتي تنزل تحت بيت اهل زوجي اتضايق شوي مع انها تزعجني طول اليوم تحوس وتعفس

بس احب تكون على طول قاعده يمي

لكن لابد اني اخليها تنزل كل فتره عشان تتعود عليهم لان الوحده تحتاج تنفرد بروحها شوي

حمدي ربج على هالنعمه بخصوص اذا اطباع بيت عمج نفس اطباعج من حيث النظافه والاكل والترتيب

انا لو بيت اهل زوجي حريصين على النظافه والترتيب جان اخلي بنتي طول اليوم تحت

بس مابيها تتعلم من عاداتهم

حمدي ربج على هاي النعمه ....وسمحيلي على طريقتي معاج .....;)انتي اخت عزيزة وغاليه وأم زوجج تحبج

هههههههههههه ياحليلكـ عادي عزيزتي خليهـ عند جدتهـ بالعكس افرحي وانبسطي عندهـ جدهـ تحبهـ وتغليهـ اكثر منها ..انا واخواني كنا 24 ننزل عند جدتي وحنا صغار وبالعكس ننبسط معها ونفرح وتخاف علينا من الهواء كلا نجلس عندها مانروح فوق عند امي الا وقت النوووم امي مازعلت ولا تضايقت بالعكس هذا الشي يفرح احمدي ربكـ غيركـ الجدهـ تضرب العيال وتنزعج منهم فايااختي روقي ووسعي صدركـ ولا تشيلين هم وبسم اللهـ من الغيرهـ...

عااااادي حبيبتي ,,, الجيال هاذا كلهم شااردين من بيتهم لبيت الجد او الجده كلنا في الهواء سوء

حبيبتي عااااادي جدا

انا كمان بعض الاحيان ابكي لان عيالي متعلقين في اهلي بشكل ماتتصورينه ,,, تصدقين انو طوول شهر رمضان وانا وزجي نفطر لحالنا وعندي بس البنت الصغيره عمرها سنه والثلاثه الكبار عند اهلي ويوم العيد جبتهم عندي الصبح والعصر رجعو عند اهلي ,,, شفتي كيف لمن اقولك كلنا في الهواء سوء

لمن تشتاقي لولدك انزلي عند حماتك وش فيها بالعكس كذا ولدك بيكون نفسيته اووكي وراح يكون مع اخوه ويلعبو مع بعض

تسلمون علي الردود الحلوة والمشجعة الي تخليني ما احاتي من هل المشكله الي تتعبني وايد شكرا لكم لكم علي النصح.

منتي بحاسه بالنعمه اللي انتي فيها عادي هدي يدته مكبره الموضوع ليه لا بتاكل ولدج والا بتدبحه وزي هو ما هو ولدج عاد هدا حفيدها والله مايعجبكم العجب ولاصيام برجب ناس غريبه لا مابغت ولدها قال ماتبيه ولا اخدته مارضت

هههههههههههههههههه
يا حبيبتي
الأمر طبيعي
أشعر بأن الطفل دائما يحب الجدة والجد ويتعلق بهما وربما أكثر من الأم والأب
إخوتي كان معظم وقتهم وحتى نومهم عند جدتي رحمها الله تعالى وأمي كانت هادئة لا تغضب ولا تحاول أن تسيء لهم وكانت جدتي رحمها الله في هذه الفرصة تعلمهم وتربيهم
يعني باختصار كل طفل يتعلق بأجداده غريزة لا تستطيعي أن تخليها من قلبه
وتأكدي سيعود لك بعون الله ولا تشعريه بأنك متضايقة من هذا الشيء ربما ينفر منك اشعريه أنك سعيدة وتشتاقين له وتحبين أن يصنع معك مثلا حلوى وجربي معه هذه الطرق هو لو عاد عن جدته سيتذكرك ويحن لك ويعود لك
أشركيه بأعمال يحبها هو وأخاه حتى يحبوا بعضهم ويتعلقون ببعضهم وبك أكثرF:

انا ولدي كان كذا بس مع جده مو معجدته
عادي ما زعلت ولا شي بس النوم الليل يجي اوقات ينام عندهم
والحين كبر تغير
لا تزعلين نفسك وخلي الامور طبيعيه