العيد قرب ممكن تساعدوني

D

DXB_lilly

عروس متألقة

24-10-2011 | 08:44 AM

:o انا الله رزقني ببنوته و ولد يخبلون الحمدلله ... بس مشكلتي ما اعرف البسهم..

المشكلة في بيتنا حب للماركات و انا دخلي محدود ما اقدر اخذ لهم طقم بدله ب 2000 درهم و اكثر حرام مبادئي ما تسمحلي لو ان اقدر اشتري بس حرام..

عطوني افكار يديدة حق العيد البسهم و انا مستانسه و يوم اجابل الناس ما ينزلون من جيمتهم .. :thumbs_down: المظاهر مهمه عندهم بشكل فضيع و القهر انه مستحيل البسهم تقليد لاني بنصاد و بيتكلون علي..

احين المشكله العيد ما بقا عليه شي و محتاجه اخذ لهم بدلات و مافي مجال افصل لهم كنادير او فساتين..

:badly: الله يعيني ما بغي عيالي اقل عن غيرهم بس ابغيهم كاشخين و حلوين

بنتي عمرها 4 سنين و وولدي عمرة 5 شهور..

دخيلكم حطولي صور او عطوني اقتراحات ...

الله يخليلكم عيالكم

*

**ام يارا**

عروس فضية

24-10-2011 | 09:01 AM

حبيبتي انتي كلنا نبغى عيالنا اخر كشخه فديتهم والله

احنا عندنا في جده المجال كبير جدااااا يعني الكل يلبس حلو وانيق وبااسعار رخيصه وفي تقليد ماركات وماركات مخفضه

لكن انا عندي اهل في الامارات وشفت كيف الاسعار عندهم ومااعندهم مجال غير الماركااااات

لانك من الامارات مااعرف محلاتكم زين

ان شاء الله الامارتيات يساعدونك

D

DXB_lilly

عروس متألقة

24-10-2011 | 10:00 AM

مشكوره على ردج فديتج... بس صدقج اسعارنا نار .. و في الاعياد اتزيد الصراحه..

حد يعرف اذا ماركة بربري ولا جوتشي ولا ارماني مسويين تخفيضات؟؟؟

n

nora_2009

عروس رائعة

25-10-2011 | 12:08 AM

ان شاء الله البنات يفيدونك

&

"كلي امل "

عروس رائعة

25-10-2011 | 12:27 AM

الله يقضي حوائجك
ان شاء الله بنات الامارات يفيدونك

.

.. أمــ عــلــيــ ..

عروس ماسية

26-10-2011 | 08:29 AM

الله يعينك .. من جد الحين الناس يهتمـّـون بلبس الاطفال من وين ويخلـّـون الاشياء الثانية اللي أهم .. !!!

انتي جربي ادخلي مواقع ازياء أطفال .. وشوفي أكثر من فكرة .. وتقدرين تشترين كل قطعه من محل وتركبينهم على بعض ويطلعون حلوين مررررة .. !!!

عندك ( جونيورز - بوسيني - مذركير - رد تاغ - سيتي ماكس ) داااايماً عندهم اشياء حلوة واسعارها زينه .. يعني تجيك القطعه بـ ( 60 ريال وأقل ) مناسب جداً مع بنطلون مع اكسسوار ناعم .. مع جزمة من أي محل .. والحمدلله يطلع الطفل آآآخر شياكه ..

ولو حابه تشترين من ( ارماني - بربري - والماركات هذي ) حاولي تاخذين منهم الاشياء اللي عليها تخفيض وغيري في شكلها بأي إضافة وتطلع حلوة ..

هو بالأول والأخير يرجع للذوق في تنسيق الملابس .. انتي اعرفي بالضبط كل قطعه وش يناسبها وراح تقدرين توفرين الكثيـــــــــر من فلوسك ويطلعون عيالك أحلى شي ..

:)

ر

رهف طيف

عروس ركن السفر والسياحة ، عروس عروس

26-10-2011 | 04:05 PM

مرحبااا حبيبتي...اكيد كل وحده تبغى ولدها وبنتها...احلى واكشخ طفل ...
شوفي ياقلبي...انتوا عندكم في دبي طريق العين ...الاوت لت ....مررره رووعه والاسعار عليهم تخفيضات توصل الى 70 % و اكثر...
ليش ماجربتي تروحيله...انا عن نفسي لمن رحتله.نسيييت نفسي فيه .من كثر الاسعاااار الخياليه...
فيها جميييييييييع الماركات العالميه..
لارحتي بشريني..ايش سويتي.
ياليت عندنا في السعوديه كل الدول العالميه فيها ماعدا احنا.

D

DXB_lilly

عروس متألقة

30-10-2011 | 11:30 AM

ان شاء الله باجر بروح الأوت لت و بخبركم شو اشتريت... مشكورين ياقلبي على الردود والله اثلجتوا صدري و ريحتوني...