برنــــــــــــامجي.. قبل العرس..

م

ملاك الامارات

عروس متألقة

10-10-2003 | 05:00 PM

السلام عليكم يا حلوات ويا عرايس

طبعا اغلبيتكم يعرف اني عرسي انا قريب.. باذن الله بعد اسبوعين بالضبط..

انا سويت برنامج.. بسيط...

شوفوا..

اشتريت.. سدر.. وهي عبارة عن بودرة. شكلها مثل الحنا وحتى الريحه.. (تلاقونها عند العطارين).. وماي ورد..

واشتريت الزيوت التاليه:

زيت خروع
زيت اللوز
زيت جوز الهند
وجلسرين..

اوكي شوفوا شو سويت:

يبي صحن صغير.. وحطي فيه شوية ماي ورد.. وسدر.. واخلطيهم لين يستوون شروات العجينه.. (لونها اخضر)

وبعد ما اتسبح.. واخلص. امسح جسمي كله.. افركه.. كأنه صابون عادي.. حتى بيصير مثل الرغوة شوي.. :) افرك لين تلوع جبدي.. يعني وايد وخاصة الاماكن الغامجه.. وبعدين اغسله بالماي..

وبعدين..
سويي هالخلطه .. (الخلطة هاي يبتها من منتدانا الحلو منتدى عروس) مع بعض التعديل مني..

اخلطي
4 ملاعق زيت جوز الهند
ملعقتين اللوز
ملعقتين زيت خروع
وشوية جلسرين..

وادهن جسمي فيهن مثل الكريم العادي..

صدقوني.. صدق صدق انا صارلي اسبوع استخدمه.. رووووووووووووووووووووووووووووووووووعه .. من ناحية النعومة.. ومن ناحية النقاوة..

وبكمل لين عرسي ان شاء الله..

بس امس حطيت نيل.. :)

خلطت نيل ويا ماء زهر.. وحطيته ع جسمي.. وبشله بكره باذن الله.. وبكمل برنامجي مال السدر والزيوت..

والسمــــــــــوحه
واذا في اي سؤال انا حاضره

ع

عرووس_الكويت

عروس جديدة

10-10-2003 | 05:36 PM

يعطيكي العافيه ومشكورة وماقصرتي

انا عندي سؤال..هل الخلطه هذي للتفتيح والا للتنعيم فقط؟؟
وبعد كم تبين النتيجه؟؟ وشكرا مقدما :)

ا

التمساحه

عروس برونزية

10-10-2003 | 06:03 PM

مشكورة اختي المعروف ان السدر ووايد زين للجسم بس عقب اسبوعين رمضان

ب

بنت المملكة

عـروس منتديات عـروس

10-10-2003 | 06:52 PM

تسلمين على المشاركه الحلوه

وماشاء الله عليك

وربي يتمم لك على خير

وربي يعطيك الف عافيه

اختك

بنت المملكة

ح

حسـاسّـــــه

عروس برونزية

10-10-2003 | 06:53 PM

:smile::smile:

م

ملاك الامارات

عروس متألقة

10-10-2003 | 07:23 PM

عروس الكويت.. حبوبه.. ينعم ويصفي... وتفتح برضو.. :)

يعني كله في واحد..

ومعروف السدر يستخدمونه العيايز ايام اول.. ايام شبابهن.. لانه ع ايامهن ماشي صابون وشامبو.. :)

وانا بانت النتيجه من اول اسبوع واستخدام

م

ملاك الامارات

عروس متألقة

10-10-2003 | 07:24 PM

تمساحه.. عرسي قبل رمضان باربع ايام ان شاء الله حبوبه.. :)

وتسلمين ع مرورج

م

ملاك الامارات

عروس متألقة

10-10-2003 | 07:26 PM

بنت المملكة تسلمين حبيبتي.. :)

حساسه.. هلا وغلا حبوبه

ن

نــورة

مشرفة سابقة

10-10-2003 | 07:42 PM

ملاك الامارات

مبروووك مقدما

F

Flower77

عروس متألقة

10-10-2003 | 08:02 PM

السلام عليكم ورحمة الله وبركاته

هلا ملاك الامارات

مبروك مقدما :shy: وعقبالنا انشاء الله

اختي اتميين بالخلطة يومين وكيف اتصلين وما يبطل الوضوء
:s2

n

niraan

عروس مشرقة

10-10-2003 | 08:11 PM

مرحبا حبيبتي ...مبروك وعسى الله يتمم لج على خير ..

بس ممكن تقولينلي شو هو النيل ؟!!...ما عرفت شو تقصدين به ؟...وإذا ممكن بعد وين ممكن نلقاه في بوظبي؟؟

ا

العذاب

عروس جديدة

10-10-2003 | 08:22 PM

الف الف مبروووووووك

ا

التمساحه

عروس برونزية

11-10-2003 | 01:30 AM

ملاك الامارات
اللة يسعدج يارب ما عزمتني:confused::confused:

ز

زهور الياسمين

عروس جديدة

11-10-2003 | 03:54 AM

اختي ملاك الامارات الله يسعدك وتتم عليك فرحتك
وانا ان شاء الله عرسي في العيد ادعيلي
ومحتاجه اي خلطه تصفي الجسم وتفتح لونه والحين انا باديه في الورس والنيل بس اخلطهم بالماء العادي وادهن فيهم جسمي واتركهم تقريباً ساعه وبعديت اتحمم
بحكم انك اماراتيه واعرف بهذي الخلطه ياترى هي بالفعل تفتح البشره وهل طريقتي صح !!! ومتى تبان النتيجه
بسرعه اختي ملاك جاوبني ودليني على الشي الصيحيح تري مابقى وقت وانا احوس هنا وهنا

ب

بثنـــه

عروس مشرقة

12-10-2003 | 09:29 AM

اختي ملاك الامارات .. ألف مبــروك مقدما .. الله يهنيج ويسعدج يارب ..

ممكن سؤال ؟؟ .. انتي عقب ماتتفركين بخلطة السـدر تغسلينها بالصابون ولا لا ؟؟ .. والزيوت تخلينها على جسمج ولا تغسلينها هيه بعد بالصابون ؟؟ ..
اختـي نيــران .. النيـل تلقينه عند العطاريـــــن ...

اختي زهور الياسميـن .. يفضل انج تخلطين النيل بماي ورد أو روب ( زبادي ) >>>>>> شفت وحده مجربتنه قبل عرسها .. وكان لون جسمها روووعة .. أبيض وصافي :up: .. مع انها هيه قبل ماكانت جه .. واستمرت عليه لمدة شهر أو شهرين تقريبا قبل العرس ..

واسمحي لي اختيه ملاك الامارات .. رديت عليهن عنـج :o

ك

كلهـ قمرهم ـم

عروس مبدعة

12-10-2003 | 10:17 AM

يعيطك العافيه

سهله مرررررره

ميرسي
:smile:

ع

عذبــــــــه

عروس جديدة

12-10-2003 | 10:23 AM

ملاك الامارات

ألـــــــف ألــــــــف مبروك الله يتمملك على خير

وعقبالي :o

قولي آمين

مشكوورة :up:

تحياتي

م

ملاك الامارات

عروس متألقة

12-10-2003 | 07:30 PM

كاتب الرسالة الأصلية : نــورة
ملاك الامارات

مبروووك مقدما

يبارك في حياتج حبيتي.. وعقبالج اذا مو معرسه..
وعقبال العيال اذا معرسه.. :D2

م

ملاك الامارات

عروس متألقة

12-10-2003 | 07:33 PM

كاتب الرسالة الأصلية : Flower77
السلام عليكم ورحمة الله وبركاته

هلا ملاك الامارات

مبروك مقدما :shy: وعقبالنا انشاء الله

اختي اتميين بالخلطة يومين وكيف اتصلين وما يبطل الوضوء
:s2

حبوبه.. عادي.. تحطين النيل.. وتتوضين عادي.. ما يخوووووووووز اصلا.. واذا حسيتي انه خاز ردي عيدي عليه..

بس نصيحه.. تراه يووووووووصخ الحمام وانتوا بكرامه..

بس واااااااااايد زين امس غسلته بروحي بليفة الحمام المغربي.. ورووووووووووووووووووووعه جسمي صار.. وعلىطول غسلته بالسدر.. وبعدين حطيت الزيوت لي ذكرتها فوق.. :)

اي سؤال ثاني حبوبه اسألي.. :)

م

ملاك الامارات

عروس متألقة

12-10-2003 | 07:36 PM

كاتب الرسالة الأصلية : niraan
مرحبا حبيبتي ...مبروك وعسى الله يتمم لج على خير ..

بس ممكن تقولينلي شو هو النيل ؟!!...ما عرفت شو تقصدين به ؟...وإذا ممكن بعد وين ممكن نلقاه في بوظبي؟؟

الله يبارك في حياتج فديتج..

حبوبه النيل مثل كرو زرقاء.. (مادري اذا شي على شكل بودره)

مغروف عند العطارين . سيري عند العطار وقوليله ابا نيل..

في بوظبي ما اعرف وين تلاقينه. اذا عندكم سوق ايرانيه ولا عطارين سيريلهم مليووووووووون في الميه عندهم..

اخلطي ويا ماي.. او ماي ورد او ماي زهر..

وحطي ع جسمج.. يشل كل الحبوب.. اذا شي..

وينظف
وينقي.. :)

ويبيض

انا حمدالله ما احتاجه بس حطيته اونه عاده ع قولة امي عشان نحس انج عروس.. ههههههه

حركات ادري.. :o

وسلامتج واذا عندج اي استفسار حببوبه قولي