اخو زوجي حيجنني - منتديات عروس

السلام عليكم ورحمة الله وبركاته
يعطيكي العافيه
في البداية انا سبق وعرفتك على نفسي بس للتذكيير انا سبق لي الزواج وعندي ولد عمره 7 سنوات والحين متزوجه ومعايا ابني وزوجي الحمدلله يحبه ويعامله احسن معامله
المشكلة مع اخو زوجي عمره 11 سنه اخر العنقود
يغييير من ولدي مرره ودايما يهزءه :mad:
ويقوله كلام مهين وجارح زي مثلا مرره قدام مجموعة من عيال اقاربنا صار يقوله انه هذا مو ابوك(على زوجي) روح شوف ابوك فلان مع العلم ان ولدي مايحب احد يتكلم في هذا الموضوع هو معتبر زوجي هو ابوه واحيانا زي مثلا انت غبي او انت حيوان
وانا جد مرره انقهر على ولدي وحاولت كم مرره خلال الثلاث سنوات من زواجي اني اتكلم معاه بهدوء واحاول افهمه ان ابني يحبه وانهم زي الاخوان ولازم يكونو اصحاب بس مافي فايده
صرت احاول احيانا لمن نصير طالعين نتمشى اخذه معانا عشان يتقربو من بعض بس برضو مافي فايده واحيانا كل ماصرنا رايحين لهم اخلي ابني يشتريله شوكولاته او حلاوه بس برضو مافي فايده
واحيانا اخلي ابني يشتريله هديه منه بس برضو للاسف لا جديييد
لدرجة انه احيانا توصل للضرب اذا صرنا عندهم لأسباب جدا تافهه زي ليش ماتستأذن مني اذا تبغى شي من الثلاجه ليش تلمس شنطتي ليش تمسك لعبتي زي كده
وكم مرره بس اخاصم على خفيف الين اخر مررره وصلت لدرجة انه خنق ولدي وضرب راسه في الجدار انا هنا ماسكت وصرت اخاصم باعلى صوتي واقوله ان عدتها مره تانيه ترى انا اللي بوقفلك وماراح ارحمك (اسفه بس لأني جد جد انقهرت على منظر ولدي)
ودايما موقف اهله انهم صغار ولاتدخلي نفسك بينهم او انهم يسسوو نفسهم كأنهم مو شايفين شي
انا تعبت وخايفه على نفسية ولدي رغم ان ولدي بالمدرسة شخصيته قويه مااحد يقدر يغلط عليه
يقدر يأخذ حقه على طوول بس مع اخو زوجي لأ
الله يخليكي ساعديني والله خلاص تعبت وبجد خاااايفه على ولدي