التجمع الثاني لحوامل فبراير 2012

توكلي ع الله ام رواضي وماعليه الا العافيه دامك في التاسع فانتي والبيبي في باكان ان شالله الله يسهل عليج وعلى كل الحوامل

ام رواضي
انتظري الاسبوع الجاي يمكن يكون كل شي اوكي
الله يصبرك ويعينك

​​هـِّْ♡̨̐ـِّْلا بنــߪƝªṪــات شخباركم ؟؟
للحين صمووود ومواصلييين ؟؟
ههههه واني بعد ابغي اولد وافتك
الله كريم ويسهل علينا ونقوم بالسلامة
اهم شي صحة البيبي وسلامته

مرحباً شخباركم أنا للحين ما جهزت اغراضي للمستشفا واليوم علي اليوم

صباح الخير مشكورات خواتي ع الدعوة الحلوه انا قالوا لي ان الماي ناقص حوالين لبيبي ويمكن يولدوني قبل لاسبوع الياي انشالله اطمن بس دمي بعده ناقص 9؛9 بس انا بنسب لي لبيبي اهم اباطمن عليه وبس يعني الماي يأثر ع البيبي الله يسهل عليناجميعا ويرزق كل محروم

ام روااضي
بصراحه ماعندي معلومات عن الماي حول الجنين بحثي في قوقل يمكن تستفيدي شي

شيؤؤؤؤؤخه
مالها صوت أبد
البنوته شغلتها عدل عنى
الله يخليها لها ان شاء الله وتدخل تطمنا عن نفسها

ان شاء الله بكره بيجون أهلي عندي ويوم الخميس الصباح
بروح المستشفى واذا ماتغير وضع البيبي خلاص بوافق على التنويم
والله يكتب الي فيه الخير والصلاح لي وللبيبي

OM HOOR;15935770:
ان شاء الله بكره بيجون أهلي عندي ويوم الخميس الصباح
بروح المستشفى واذا ماتغير وضع البيبي خلاص بوافق على التنويم
والله يكتب الي فيه الخير والصلاح لي وللبيبي

ان شاء الله خير F:

غريبه وين الكروشات اليوم مالهم حس ولا خبر اللي ولادتهم قربت جهزتو شنطة المستشفى عندي احساس ان في حد من الكروشات راح تربي هالاسبوع يارب يكون صادق وولادتها تكون سهله والبيبي يكوت بخير وعافيه :)

مافيه أحد أدخل وأطلع ولا فيه تغير في التجمع
وينكم كلكم ولدتوا ولا شنو

صباح الخير كروشات

الله يسهل عليج ام حور ويطمن قلبج يارب طمنينا عنج اختي

[COLOR="rgb(112, 128, 144)"]صباح الخير اشحالكم عساكم بخير ونعمه

ام حور الله يهديج كاتبه ردج اساعه ثلاث الا ربع الفجر منو بييلس فالتجمع ذيك الحزه غير اللي تحسب ساعاتها خخخخخخخ انا ابصراحه كنت في سابع نومه ولا كنت احلم اني في السوق وماخليت شي مااشتريته وحصلت ربيعتي ويوم يت اطلع من السنتر اتفاجأة اني ضيعت شنطتي و زوجي هههههههههههه :) حتى من الخوف نشيت من الحلم فزعانه ع صوت غراب مترصد لي علئ البلكونه خخخخخ يذكرني بالتشاؤم:(  ولا بعد اليوم عندي موعد في العياده وعقب بسير السوق بس بتعلق بايده عشان ما يتحقق الحلم وبحرص ع شنطتي :)[/COLOR]

صباح الخير كروشات شخباركن اشتقت لسوالفناااااا


سمحلي انشغلت بنتي وااااايد صغيرة واحس ياها بو صفار

ولا ترضع بس تصيح وترقد ورضاعه ماشي

قصة ولادتي ......

من دخلت التاسع وانا فيني اعراض الولاده بس ماشي ولادة

يوم الخميس : حسيت بتعب وخمول والم بس قلت كالعاده تعودت ع الالم ولا اهتميت

يوم يا ريلي من الدوام قال بيشل امه المستشفي لان فيها حمى واعصاب رقبتها تعورها

بس هيه مش راضيه تروح رحت لها انا واقتنعت تروح وقال لها ريلي اني بروح وياها وانا لو الود ودي ما اروح تعبانه بس

قلت بتحمل وشليتها وخلصنا ع الساعة 6 لمغرب وردينا البيت وطبعا كنت لابسه الويز قلت لاينزل مني ماي فشله

يوم يت البيت مول ما اقدر ايلس احس البنوته تحت واحسها بتطلع حتى يلست اصلي واتصيح من التعب

بس لا انا ولا ريلي اهتمينا قلنا شي عادي يلست ابدل لولدي اوقف واذا يلست ماقدرت اوقف احس بطني يتشنج

واتم يالسه ع ركبي من الالم احس شي يضغط تحت عقب رحت اعطي خالتي ام ريلي دواها وامسح لها رقبتها

وحطو العشاء يالله يالله ايلس بس اتحمل قدامهم ويلست احاول الين اخذ لقمه بس ما اقدر من بطني تميت يالسه

ولا اكل عقب قلت الحمدلله وريلي مستغرب الحمدلله وانا ما كليت شي بس ماتكلم تم بس ايطالعني

حاولت انش ما قدرت عقب طلعت فوق غرفتي يا الله يالله امشي قال لي ريلي شو رايج نروح نمشي زين لج المشي وانتي

تعبانه عسى الله يسهل عليج وتفتكين قلت له ما ادري ما اقدر احرك اريولي من الالم بس اتحمل ولا واحد بالمية حاطين في بالنا اني بربي

فتحنا التلفزيون ع المسلسل التركي ايزيل ويلسنا انشوفه ورقدت محمد ومندمجين في الفلم شوي الا انش من فوق الشبريه اصرخ

نقز ريلي شو فيج تميت اصيح واصيح وانقز فوق من الالم عقب برد قال شو ياج !!!!

قلت له ما ادري الم فجاة انسدحت عداله وانا امش ادموعي وهو ايطالع التلفزيون وكانت وحد تصرخ تبى اتربي ههههه في الفلم

وانا اصرخ مره ثانيه قال ريلي الالم مش طبيعي قوم بشلج المستشفي قلت له بتسبح بماي حار يمكن ايخف

دخلت اتسبح الا الالم ايني بالحمام واتم اصيح عقب طلعت ماكملت تميت ارتجف من راسي لحد اصبوع اريولي وشغل لي الدفايه

ولحفني بالبطانية تمت اتطيح من فوقي من كثر الرجفه مش خوف بس هذي صارت لي بمحمد يوم ايكون خلاص مافيني قوه

وتعبانه من الالم جسمي ايتم يرتجف قام ريلي وتلبس ويلس قال لي شو الحين قلت له بربي قال تريي ما بنروح من الحين

وتربين الصبح خلي لحد ما يكون قريب الطلق قلت له اوكي عطاني تيلفوني قال تسلي سولفي وانا برقد ساعة اذا تعبتي وعيني

قلت له اوكي توه منسدح اصرخ ومسك نفسي بس ماقدرت تميت اصيح واتقلب بالغرفه نش ريلي قال شو الحين قلت له بين الطلقه بس 4

دقايق قال اوعي امي قلت له ما ادريبك ولا نتريا شوي قلت له شو تباني اربي بالبيت ولا السياره يالله بروح ما ابا ايلس

خبر امه ونشت وخبرت الخدامه وجهزت لولدي وانا اصييح من الالم وروحنا انا وريلي وامه وولدي والخدامه وانا امسك نفسي ما ابا اصيح قدامهم وينش ولدي

تميت اسكر ع فمي واتقلب بالسياره وامسك بمعلاق الباااااااب من الالم وصلن وقلت لخاتي خلج بالسياره لحد ما اشوف السالفه ربى ولا شو

ومحمد والخدامه بالسياره نزلنا انا وريلي الساعة تقريبا 2 ضبط ودخلنا قسم الولاده خبرهم ريلي وخذو البطاقه وانا واقفه وياه شوي وتيني الطلق واصيح وامسك بيد ريلي

يت تركض ممرضه تمت اطالعني اتقول لي خلج لحد ماتروح الطلقه يوم راحت عني الطلقه شلتني الحمام قالت سوي فحص بول

وانا بالحمام الطلقه تيني واحس شي بيطلع تميت اصيح بالحمام عقب طلعت شلتني غرفة الولاده

نفس الغرفه الي مربيه فيها بولدي محمد هههه ركبت لي الاجهزه وقالت في طلق بس بشوف النفس كم فاتحه يوم قاست

قالت وااااااااااااو قلت شو ياها تميت اطالع قالت 9 ونص تم ريلي ايطالعني قال الحين بتربين قالت الممرضه هيه حليلي اثاريه طلق البنت كذا متباعد بس قوي

وتزقر عليهن الممرضه وين اربع ممرضات ودكتورة ركض ريلي يخبر امه عشان تي عندي وبداء الالم يزيد ويزيد وانا اصيح واصيح

عطني اكسجين بس دوخ بي تميت اضربه ع راسي من الالم عقب شلنه وركبن لي اوكسجين ومغذي

وريلي يوعيني مع اني مش راقده بس احس جسمي متخدر ايقول لي ماشي باقي تحملتي كل هذا تحملي شوي

والممرضات ايقولن لاتصيحين دفعي وانا اصيح ما اصارخ بس اصيح عقب قالن البيبي تعبان قلبه تعب تروعت

ياني بسرعه ريلي ايدقني ع خدي ايقول لي تبينها لبنيه ولا لا تميت اصيح ما اقدر ارمس قال تراها تعبانه تبينها دفعي وريحيها وريحي عمرج

تميت ادفع قد ما اقدر واصيح وهنه ايصفقن اوكي اوكي ويصرخن شاطره يالله لحد ماطلع الراس وارتحت شوي وصرخن يالله بوش بعده الجسم سرعه

دفعت ودفعت وانا بموت من التعب والحمدلله طلعت البنوووته فديتها صغنونه تقريبا الساعه 3 الفجر تمن يضحكن ويتني وحده قالت وايد صغيره البنوته تميت اطالعها بيديهن ابا اشوف شكلها

والحمدلله شوي وعطني اياها وقالن رضعيها كانت اتصيح رضعتها بس ماشي حليب وهيه بعدها ماتعرف تمص عدل تمينا نطالعها انا وريلي وامه

يلست عندنا لحد الساعة 4 وشلنها الحضانه قالو صغيره وزنه قليل وشلوني غرفتي ع الساعة 5 الفجر نش محمد تم ايصيح مايباني شافني راقده

ع الشبريه ومركب لي ابره تم ايصيح يبا ابوه وابوه يبا ايروح البيت يرقد ويب لنا اغراضنا شوي ورقد محمد وراح ريلي حاولت ارقد ما قدرت تميت احاتيها عقب رقدت من التعب ويابوها لي ع الساعة 10

هذي قت ولاتي بالتفصيل خخخخ



عقبال ما نقراء قصص ولاداتكن يارب

الحمد لله على سلامتك ياشيؤؤخه
يعني طول الوقت فيك ألم شكله الرحم يتوسع
وان شاء الله البنوته ترضع وتريحك
بنتي حور تمت اسبوع طلعت عيوني مو راضيه ترضع
ان شاء الله هالبنوته ماتلعوزني مثلها

ام روااضي
ان شاء أطمنكم ادعولي الله يسهل علي

ريــــــــــــــم
وش اسوي بنتي سهرانه بس قصدي حتى الردود ماحد يرد حتى لو الوقت غير
لا تقطعين
مع اني بنشغل الليله بيوصلون أهلي وبنشغل معهم وبكره ان شاء الله
المستشفى

حمدالله على سلامة الورررده. ويارب نقوم بالسلامة ونكتب قصص ولادتنا
اني احاتي واجد ابي اولد وارتاح
بس ولادتي بعلاوي غير وحتى حمالي
ان شاء الله يجي بالسلامة ويصير هادئ بعكس اخوه خخخخ
الله كريم ماباقي شي

هلا اختي شيوخيه بارد صار التجمع من دونج انتي روح التجمع لاتقطعينا انا هذا الي اخاف منه اني اتجاهل الويع واربي بدرب خخخخ لاني ساكنه بشارجه واربي بالوصل بدبي بروضه كشخه رحت لفجر 5 زيين ماكان زحمه انشالله هالمره مايكون وقت زحمه

هلا اختي ام حور الله يسهل عليج وترتاحي

مساء الخير حبيباتي

تسلمون ياربي

ام رواضي فديَـ♥͡ـتُـَچ انتو الاحلى

يالله آْنّ شّـٌَـٌَآْءْ اللّـٌَـٌَھٌ بتربن بخير وسهاله

لاتستهينن بالالم راقبن الدقايق واذا الالم يزيد ولا لا

آّنـ♥ـْآ‏​​ آْنّ شّـٌَـٌَآْءْ اللّـٌَـٌَھٌ بحاول ادش بَـًـًسْ اشوف بنتي تتحسن لانهم بيون الدكتورات

البيت بيراقبونها تتحسن ولا لا اذا ماتحسنت بيشلونها عندهم الحضانه

وانا ما اصبر عنها ما اقدر

هلا اختي شيوخيه انشالله تتحسن انتي تمي رضعيها من صدرج انشالله بتتحسن