التجمع الثاني لحوامل فبراير 2012
(عروس بلادي)
22-10-2011
1,022 رد
25,345 مشاهدة
مرحبا كروشات
شخباركم
والله اميرة عند زوجي وباقي بنات البحرين حبيت اشوي افيدكم بتجربتي بضيافتي بولدي
انة ولدت بشهر رمضان سويت توزيعات من ليفز كان جدا راقي وحلو
والضيافة كانت بس الليل لانة بشهر رمضان فاخذ معجنات من المنار ميني معجنات والهمرة بسوي عند وحدة أسمها أم خالد من مدينة عيسى عندها معجنات وأخذت صينية بقلاوة وصينية بسبوسة الفستق والشاي والقهوز وأنواع من البسكويت من الي حاليا يسونها البنات في البيت او من مكان حلو تقدرون تسون كلش كانت الضيافة راقية وبسيطة
مسااااااااااااااء الخير ...
شخباركم
شيوخة ... حتى اني قالت لي الدكتورة ارتاحي بالذات هالشهر واستغربت منكم انكم بتبداون تمشون من الحين ... لان قالت لي راس البيبي نازل وايد ...
من جذي خلصت تجهيزاتي كلها وافتكيت عن لا اروح ولا اجي ومن غير شي احس نفسي تشبعت من السوق ..
بالنسبة للضيافة ... اني شريت 3 صواني ... وحدة حق الميني معجنات باخذهم من المنار ... والثانية حق البقلاوة من طارق ... و الثالثة حق الجوكلت من طارق او سعد الدين ... وغير القهوة والشاي ... والاكلات الشعبية مثل الزلابيا والحلوى ... وبحط بعد ميني جوكلت نوعين ... وخلاص اظن كفاية ... هذا حق المستشفى ... اما البيت بكون اكثر طبعا ... كالمعتاد يعني ....
اما التوزيعات .. فكروا في ثيم معين ... تقدرون تسون منظرة .. ميداليات ... اكواب ... عطوور ... بودرة ... كلونيا ... لوشن ... عسل ... مسابيح ... فوط ... برواز ... فيه اشياء واجد بس يبي لكم افكار ... واني عندي هالاشياء احسن من التحف الي مردها بتنقط ... تقدرون تسون كب كيك راقي او كوكيز ... كتوزيعات ...
مساء الخير للجميع
هلا اختي قلب انثى :
الله يعينا ونعدي الايام اليايه ع خير
سالفت المشي انا اعرف وايد حريم يمشن من نص الثامن بس مب وايد
عشان جسمهن وعضلاتهن تتعود ع الحركة وبالتاسع يمشن وااايد
بس المشكله الي عندها ولادة مبكرة سابقه والي صاير لها مشكله بالحمل
انا كل حمل فيه شي
وما اني امشي وايد بس بالبيت
بس اعتقد انا السبب الي خلا راس البيبي وايد نازل الدرج
لاني انا قسمي فوق والاكل واليلسه تحت عند ام ريلي نجمع تحت
فتحصليني راقيه نازله وشاله ولدي
انتي ارتاحي لانج بعدج وايد عن التاسع
انا لين طلعت من الباب وهي توصيني راحه تامه اقول لها اوكي
تقول راااااحه تامه اقول لها اوكي تقول اسبوعين عقب امشي وتحركي
اعتقد تقصد يوم اكون بالاسبوع 37 انا لو ما ريلي عنده امتحانات مب مشكله
برتاح هذا الاسبوع وبكون دخلت التاسع والاسبوع الي بعده ريلي يخلص الاربعاء بتحرك عادي
ابا افتك تعبت من الم الظهر واليلسه والوقفه والصلاه مووووول ما اقدر
انا بالاسبوع الـــ 35 وباقي لي 35 يوم
شخباركم بنات ؟
ان شاء الله كل شي اوكي ؟
انا اعاني ف نومي احس بثقل ف مول ما ارتاح وانا راقده كل ساعه انش !
شيوخه : شوي شوي ع عمرج وحاولي تعودين حمود ع البشكاره عشان يوم تربين تريحين شوي .. وخاصه ان اخته بتكون ماخذه وقتج
ك
كلي حب ورومنسية
عروس مشاركة
29-12-2011 | 11:29 PM
وأنا بعد من مواليد فبراير
ربي يسهل علينا جميع
طبعا تعب وثقل وخاصة الحوض والأوراك
كتى نولد ونرتاح
شيؤؤؤؤخه
أكيد المشي مايصلح حق اللي مثلج ويعانون من مشاكل في الحمل
أو احتمال ولاده مبكره
أنا ببنتي ماولدت إلا قبل الموعد اللي عطوني المستشفى بثلاث أيام
والمشي مايسرع الولاده هو يسهلها
يعني مو تسمعوني اقول مشيت تسوون مثلي
انا عارفه حق روحي ولو فيني نتفة ألم ماراح أمشي
انا ما أضغط على روحي يكفي المراكض ورا بنتي وأشغال البيت
والنوم أتعب وانا اتقلب مو مرتاحه
الله يعين باقي شهر ونص لي
مرحباااااااااا شخباركن جمعة طيبه للجميع
انا الحمدلله اليوم احسن من قبل واحاول اريح قد ما اقدر لين ادخل التاسع
والمشكله عندي فقر دم بعد
اختي تعبت اكابر: ان شاء الله بحاول اريح ومحمد ارحمه يوم ايصيح يباني اول متعود عليها الحين ما يباها
بس بحاول شوي عشان يوم اروح المستشفى اخليه وياها
كلي حب : مرحبابج ويانا وجودج يشرفنا الله يعينا ع التعب
ام حور : صح بس انا امشي شوي بس وبالحوش وامشي خطوتين وايلس لان محمد وياي
يعني كاني امشي بالغرفه عادي ما يعتبر مشي
صح كله بيدين الله
انا بتريا ريلي يخلص وبمشي بكون بالتاسع عادي
مرحبا كروشات ...
شخباركم
شمسوين مع الثقل والتعب ..
والله كلامش صح شيوخة بس لان قالت لي الدكتورة ان راس البيبي نازل ... فقاعدة احاول قد ما اقدر اني اريح وما انزل ولا اركب ع الدرج وايد ... حتى طلعاتي خفت مو مثل قبل .... وان شاء الله خير ..
بداية التاسع ان شاء الله بحاول امشي مع زوجي بالتدريج ... واشوة انه صوبنا ممشى قريب ...
والله يتمم لنا ولكم على خير يارب
http://forums.3roos.com/showthread.php?t=645266
بنات هالموضوع كاتبين إن أم علي ولدت
تتوقعون أللي معانا بالتجمع ولا وحده ثانيه
إذا هي
الحمد لله على سلامتك يا أم علي وتتربى بعزك البنوته
وولدت اول وحده بتجمعنا
الله يسهل على الباقي في التاسع
لاتستعجلون
امبييييييه لا تخرعونا
ماا ابي اولد الحين
ع العموم الحمدلله على سلامتها وتتربى في عزهم
.
.. أمــ عــلــيــ ..
عروس ماسية
31-12-2011 | 07:29 AM
السلام عليكم ورحمة الله وبركاته
صباح الخير والسرور على البطـات الحلوات .. وش اخباركم ؟؟
ابشركم يا بنات الحمدلله والفضل لله ربي رزقني امس الفجر الجمعه ببنوتـه حلوة :02: .. وفعلاً يا شيوخية .. صار اللي عندي ولادة مبكرة .. راح اكتب قصة ولادتي ان شاءالله .. علشان الكل يستفيد منها خاصة اللي تعاني مثلي ..
حبيت ابشركم وأأكد لكم ان اللي في الموضوع اللي نزلته المشرفة سندريلا الكون هي أنا .. :)
ام علي
الحمد لله على السلامة
تتربى البنوتة بعزكم
الحمد لله على سلامتك يا أم علي
ومبروك البنوته وش أسمها الاموره؟
وننتظر قصة ولادتك
مساء الخير للجميع
الف الف الف ميلون مبروك ام علي
والحمدلله ع سلامتج توقعتج الصراحه تربين قريب
اكيد البنوته بالحصانه ولا
يالله نتريا التفاصيل
آّنـ♥ـْآ​​ اليـ(TODAY)ـومےُ يلست ارتب غرفة مُـَפـَمَّـٌב واحس
تعبت بَـًـًسْ ان شاء الله خير
قائمة ولادات شهر فبراير
ام علي .......30/12/2011 ........ احلى بنوته
.
.. أمــ عــلــيــ ..
عروس ماسية
31-12-2011 | 05:41 PM
السلام عليكم
الله يسلمكم من كل شر حبيباتي :025:
شيوخية ..
انا شكيت بعمري يوم قلتي احتمال ولادة مبكرة وسبحان الله صارت ..
:)
حبيت اسلم عليكن .. ويالله شدن الهمة راح الكثير وبقى شوي ..
الله يقومكن بالسلامة وتجون تبشروننا هنا .. :)
الف مبرووووك يالغالية
بس ماطمنتيني شو البنوته عندج ولا بالحضانه ؟
وشو سميتيها
نبا التفااااااصيل هههههه
ريحي لا تعبين نفسج اسولف بس يوم ترتاحين وتفضين خبرينا
تتربى في عزكم ان شاء الله ام علي
.
.. أمــ عــلــيــ ..
عروس ماسية
01-01-2012 | 01:20 AM
مساء الخير ع الجميع ..
الله يسلمكم من كل شر
شيوخية ...
هههههههههههههه ان شاءالله بقول التفاصيل ..
البنوتة لسى بالمستشفى .. يبي لها تقريباً اسبوعين ان شاءالله ووقتها نشوف نقدر نطلعها ولا لأ .. :)
واسمها .. قررنا ان شاءالله اسم ( أصايل ) .. وش رايكم فيه ؟؟ كثير قالوا حلو .. :)
بحاول ان شاءالله اشوف لي وقت فراغ واكتب قصة ولادتي واجيب لكم الرابط هنا .. تشوفون مغامراتي ههههههههه ..
:025: