التجمع الثاني لحوامل فبراير 2012

ام فطومة ... المحل يصير في جدعلي صوب مخبز دلمون ... قبل دوار ديسكوفري مباشرة اذا جاية من جهة المدينة ..

سكر ... عفوا حاضرين للطيبين ...

قلب انثى

بديتين تجهزين شي غير الفراشات؟

مساء الخير كرووووووشات

شخباركن

ما شاء الله خلاص الحين كل كلامنا عن التجهيزات


ياليت الي تخلص او تعرف اماكن حلوه تقول عشان نستفيد من بعض

هلا سكر ... اني خلصت تقريبا كل تجهيزاتي ... باقي تناتيش بس
انتظر تخفيضات مذركير وسنتر بوينت ... وتوها مبدية اليوم يعني بكرة بروح اكمل باقي الاغراض ان شاء الله ... ابي اتفرغ للتوزيعات بعدين

وانتين وش اخبار اخر التجهيزات ؟

قلب انثى;15771853:
هلا سكر ... اني خلصت تقريبا كل تجهيزاتي ... باقي تناتيش بس
انتظر تخفيضات مذركير وسنتر بوينت ... وتوها مبدية اليوم يعني بكرة بروح اكمل باقي الاغراض ان شاء الله ... ابي اتفرغ للتوزيعات بعدين

وانتين وش اخبار اخر التجهيزات ؟

ما شاء الله :D عن نفسي ماجهزن ولا ولا شي
خواتي كذا مرة يطلعون ويشترون ليي افروال وشباحات
انتظر تخلص عشرة محرم وبروح اشتري
احس ماباقي ليي اشياء واجد
باخذ فراشات - ثياب الي خواتي ماخذوهم - ادوات صيدلية وسباحة ورضاعة للبيبي

راويني الي اخذتينه خلنا نغش :o

هلابنوتات .. شخباركم ؟؟؟ وشخبار الحمل وياكم ؟؟؟
عن التجهيزات للحين .. ان شاء الله بعد عشرة محرم .. بنتفرغ ليها عدل
وعن جنس البيبي قالو لي فيني ولد .. والله يقومنا ويقومكم بالسلامة ان شاء الله جمييع يارب

هلااااااا شخباركم


اليوم رحت موعدي ورجعت مضايقه

دمي 9.7 وعطوني حبووووب لونه بني اول مره يعطوني اياه اسمه

haemoton

احد شرب نفس لحبوووب

هلا والله

شو اخباااااااااااار كروووشات الحلوااااااااااات


هلا اختي zm143 افتقدناج من مده ما دخلتي

مبروووووك جنس البيبي وان شاء الله ايي بخير وسهاله

هلا ميمي

لاتضايقين يالغالية ان شاء الله بيرتفع

انا دمي 8 بس ما عطوني نفس احبوبج عطوني فروز

تصدقين من زمان ما كليتهن ولا كليت كالسيوم ولا فيتامينات

اخاف ايضرن البيبي اني ما انتظمت عليهن


خذي عصير طماط او كلي طماط ورمان ايزيد الدم ايقولون

قائمة كروشات فبراير 2012



شيؤؤؤخية 2\2\2012 ............ بنت

loo0lla و7\2\2012....... احتمال بنت

ZM143 و 7\2\2012 ............. ولد

ام علي 9 \2\2012 ............... بنت

كفوف الحنية 9\2\2012 .............. ولد

ms.ansari و 11\2\2012 .......... ولد

ام حور 12\2\2012 ................. بنت

ام فطومه الحلوة 12\2\2012 ............ مفاجأة

ميمي الجميلة 14\2\2012 ....... ولد

قلب أنثى 14\2\2012 ........... مفاجأة

بقايا حلم 17\2\2012........... مفاجأة

تعبت اكابر 23\2\2012......... بنت

ام رواضي 29\2\2012 .............. ولد


المجموع :13
5 بنات و 5 اولاد [COLOR=black]و [/COLOR]3 مفاجأة

ماشاء الله ربي يثبت حملنا ويرزقنا بذريه صالحه وخلقة تامه يااااااااااااااااااااااارب :thumbs_up:

السلام عليكم ..

كيف حالكم يا بنات مع البرد ؟ :090: الله يعين .. والله كل شي جآآآآآمد .. ومع الثقل مالي خلق اسوي شي .. :019:

ماشاءالله بديتوا التجهيزات .. انا ما بعد سويت ولاااااا شي .. كنت بروح الثلاثاء .. بس :017: ابونا ههههه طلع لكشته مع اصدقاءه :039: مادري وش سالفتهم الرجال ما تحلى طلعاتهم الا اذا احتجت السوق :035: بحاول ان شاءالله اروح الاسبوع الجاي وابدأ اخلص لو بعض الاشياء .. الله يسهل .. :064:

وعن غيرة الاطفال .. سبحان الله ملاحظة على ولدي هالأيام 24 ساعه قاعد جنبي .. ما يبي يروح لأي مكان .. كأنه حاس أن فيه شي .. !!! :057:

مع اني الحمدلله ما قصرت بديت من زمان امهـّـد له الموضوع .. واحاول افهمه واقنعــه .. هالكلام قريته في موقع طبي .. يقولون لازم الطفل يعرف بموضوع الطفل الجديد علشان ما ينصدم مرة وحده .. يعني اللي عندها طفل تبدأ تقعد معه و تسولف عليه وتقول له السالفه .. :094:

ام علي

يحيج انا ولد ما يفهم بعده لو فهمته

بس كله يصيح ويباني ما يبا حد اول متعلق ابوه اكثر مني

والحين ما اعرف شو ياه

فديته كان راقد العصر ونش لمغرب وحصلته نااااار وقست حرارته لقيتها 38.3

شليته قالو لي ما فيه شي بس عطوني تحاميل

الحين وانا اكتب لكن رجع فديته

سمحلي لان ردت حرارة ولدي ترتفع ورجع بشوفه

أهلين شيوخية ..

ما يشوف شر البطل الله يخليه لك ..

لا تهملي الحرارة مرة خطيرة بسم الله علي .. حاولي تروشيه وتعطيه بعد الترويشة خافض حرارة وما عليه ان شاءالله ..

سبحان الله الجو هاليومين كله أمراااااض .. خاصة الاطفال ..

ولدي الله يهديه قبل يومين مشي بطنه من فوق و من تحت .. وحطوا له المستشفى مغذي .. والحمدلله الحين ازين ..

الله يعيننا عليهم متعبين من جد بمثل هالايام .. لا هي باردة ولا حارة ..

** متى يا بنات ندخل الشهر الثامن بأي اسبوع ؟ .. اللي تعرف يا ليت تفيدنا .. :)

الله يسلمج اختي ام علي

البارحه طول الليل ما رقدنا حرارة ولدي تمت توصل لــــ 39.3 تروعت

تميت كمادات ودواء الحرارة بس تنزل لحد 38.9 وترد ترتفع

عقب الساعه وحده ونص دوخت وتمن اريولي يعورني تعبت ورقت ما اعرف كيف

نشيت الساعه 2 ع صوت ريلي قومي الحراره ترتفع

نشيت بلا عقل قلت له كيف رقت قال ما اعرف

مسكي نفسج الولد تعبان وانتي تعبانه واانا واحد من بشوف بروحي تعبان رحمته

خليته ايحط له تحميله تم ايصيح فديته ولاطاع ايلس شليني

شليت ولدي غرفته ويلست اللعبه بالالعاب وخليت ابوه يرقد تميت لحد الساعه 4 رقد

عقب رديت الغرفه تميت سهرانه كل شوي اقيس الحراره

عقب ع الساعه تقريبا 5 نزلت وصلت 37.7 قلت الحمدلله وكنت منسدحه عدال ولدي ما دريت الا الساعه 6

ريلي ياخذ مقياس الحراره من ايدي

والساعه 11 شليته الطواري قالو لي فايرس منتشر بس حراره ما فيه اي شي

والحراره ماتنزل وبتم حرارته 6 ايام ع هالحال ركبو له مغذي وخذو له فحوصات دم

والحمدلله كل شي زين بس حرارته

يوم ركبو له مغذي ما قدرت امسكه خليت ابوه وهو يصيح وانا اغمى علي

سكرن اذنيني واحس فوادي ينعصر وتميت اصب من العرق يلست ع الكرسي وما دريت الا

بريلي يقول لي شو فيج تبين ترقدين

قلت له انا دوخت واغمى علي تم مستغرب نشيت اركض اشوف ولدي

بس الحمدلله احسن الحين لو ان المغرب ارتفعت وصلت 39.2

بس الحين الحمدلله اشوا

قاريه بلبلاك بيري اون البصل زين تحطه في قاع اريول وتلبسه زلاغات

سويت له وان شاء الله خير

ام علي :

ادخلين الشهر الثامن في الاسبوع 31 ويوم

يا هلا صباياااااااااااااااااااا شو اخباركم ؟؟ وشو مسووين ؟؟

الله يعين الي عيالهم مرضى اصلا هالايام مع تغيير الجو الكل مريض !!

انا بعدني ما خلص الاغراض يدووب تووني بديت ..

كلولولووووووووش باركولي دخلت السابع ^^

مرحبااااااااااااااااا كروشات

شخباركن شخبار الجوووووووووووو عنكن

شو تجهيزات ؟؟؟


شكرا يالغاليات تعبت اكابر و ms.ansari

الله يسلمكن من كل شر يارب


والله يشفي اعيالنا يااااااااااااارب

انا ما بديت احهز اي شي كنت مريضه وصحيت ين امتحانات ريلي عقب مرض اولدي


بس خيره يارب

السلام عليكم .. مساء الخير ع الجميع ..

شيوخية .. ما يشوف شر ان شاءالله .. الحمدلله مادام كل فحوصاته تمام وعرفتي سبب الحرارة .. مالك الا الصبر والدعاء ان ربي يتمم على ولدك الصحة و العافية .. ومشكورة حبيبتي على الاجابة على سؤالي .. :025:

انصاري ..

لازم تعطيننا تاريخ اخر دورة لك بالميلادي مضبوط علشان نقدر نسوي لك الشريط .. :)

هلااااا بيكم


شخباركم امس كنت واجد تعبانه وكان كله الم تحت البطن

واذا اتحرك يزيد رحت العياده اليوم وقالت اليي كل شي اوكي وزين

واكدت اليي جنس البيبي بعد الحمدلله

وان شاء الله بعد -10 ايام ابتدي اجهز