التجمع الثاني لحوامل فبراير 2012

السلام عليكم ..

كل عام وانتن بخير ..

وش اخباركم مع العيــد ؟..!!

:)

أمس كلـّـه جالسه على حيلي .. طلعنا وتجمعنا عند جدتي .. والجو كان بآآآآآرد .. بس الحمدلله .. شبـّـينا الضوء .. وبدينا الشوي :adore: يوم رجعـت البيت بس ادور فراشي .. والله يا ألم بظهري فضيـــع اجتمع علي برد وجلسة طوووول الوقت .. بس اشوى الحين خف شوي .. الله يعدي هالايام على خير ويسهل علينا ..

الا بنات بأي اسبوع نخلص السادس وندخل السابع ؟؟

:)

.. أمــ عــلــيــ ..;15726964:
الا بنات بأي اسبوع نخلص السادس وندخل السابع ؟؟

:)

الاسبوع 27

بنات ابي اسوي 3D عند فهيمه لمطوع ابي اعرف من اي اسبوع اسوي حاليا في الاسبوع 27 اروح الحين وله انتظر؟!!

مررررررحبا ...
شخباركم ؟ ان شاء الله مستانسين بالعيد ويا الثقل ...
اني كله عند البحر قاطة روحي خخخخخ ما صدقنا الجو يصير حليو شوي ...

لوولا ... اهي تسوي 3D في السابع ... انطري جم يوم وروحي .... وان شاء الله تتطمنين ...

سكر .. شخبار الالتهاب خف عليش ؟

والله يسهل علينا وعليكم يارب ...

قلب انثى;15728769:
سكر .. شخبار الالتهاب خف عليش ؟

تصدقين مارحت اخذ النتيجة من المستشفى :o
يصير اروح لها العصر لو الليل؟ لان زوجي مايرجع من الشغل الا 2 الظهر :confused:

تميت اخذ الحبوب الي وصفوه ليي واشرب ماي بكثره
واشووف الالم الي تحت بطني وااجد خف الحمد لله :)

مررررحبا بنات
كل عام وانتوو باااالف خير مرة ثانية والله يعودها علينا السنة الجاية والنونوات عندنا ... استانسنا بالعيد شوي رغم التعب بس ماطلعنا غير المطاعم وللاهل بس لان الجو باادر ويمرض اهم شي غيرنا جو

بنات البحرين بسأألكم ؟؟ في وحده منكم بتولد بمستشفى خاص وأي مستشفى ؟؟

السلام عليكم

كيف حالكن اليوم ؟

لا جديد عندي .. ابنتظر ان شاءالله يوم السبت نتفاهم مع هالمستشفى الخايس .. ولو ما فيه فايدة بروح لخاص وأمري لله ..

:-#

اليوم دخلت الشهر السادس

عقبال التاسع

:027:

سكر .. ماشاءالله .. الله يتمّم عليك وعلينا وينقوم بالسلامة يااااارب ..

:)

مساء الخير

شخباركن انا رحت موعدي امس وحصلو الدم وااايد ناقص عندي وانا ع بالي بس الحديد

وقالو لي اذا نزلت عندي التهابات او دم وا افرازات بحكه او بريحه لازم اي المستشفي


لان الدكتورة قرت ملفي اني مربي بالثامن فقالت كوني مستعده ويوم قاست بطني

قالت البيبي صغير


بس ان شاء الله خير

مساء الخير كروشات ... شلونكم ؟
جمعة مباركة عليكم ..

سكر .. اني توني امس رايحة المركز حق النتيجة في الليل وقالت لي انه عينة البول ملوثة ولازم اعيدها ... بس اني الحمدلله مشيت على المضاد وشربت ماي وسواىل واتبعت الي قالته لي الدكتورة ... والحمدلله رب العالمين ...

بسالكم المراضع احسن شي زجاج والا بلاستيك ؟

.. أمــ عــلــيــ ..;15732190:
سكر .. ماشاءالله .. الله يتمّم عليك وعلينا وينقوم بالسلامة يااااارب ..

:)

ان شاء الله جميع :adore:

قلب انثى;15732656:


سكر .. اني توني امس رايحة المركز حق النتيجة في الليل وقالت لي انه عينة البول ملوثة ولازم اعيدها ... بس اني الحمدلله مشيت على المضاد وشربت ماي وسواىل واتبعت الي قالته لي الدكتورة ... والحمدلله رب العالمين ...

بسالكم المراضع احسن شي زجاج والا بلاستيك ؟

يصير اخذ النتيجة من المركز؟
ويعني شنو العينه ملونة؟ :-#

المراضع الزجاج احسن خاصه الى الاطفال اول مايولدونهم :thumbs_up: ==> خبرة :lol:

مرحبااااااااااااا كروشات

شخباركن شو اخبار البيبي

عطوكم جدول لمراقبة حركة الجنين عطوني بس ما بديت عيازه هههه



شخبار تجهيزاتكن ولا بعدكن ما جهزتن شي ؟؟؟؟؟


انا بعد صايره من التعب كسلانه وريلي عنده امتحانات منتصف من ايخلص ان شاء الله بروح اخذ

لاني من ادخل الثامن بكون على استعداد في اي يوم هذا كلام الدكتورة بس الله اعلم

السلام عليكم ..

كيف حالكم ؟

شيوخية ..

الله يعينك ويسهل عليك وان شاءالله ما تشوفين شي من اللي قالوا لك وتولدين بالتاسع .. واذا على حجم الجنين ولدي علي وانا بغرفة الولادة انصدموا يقولون بيبي صغير .. بس الحمدلله .. الحين رجال ههههههههه :)

المراضع احسن شي الزجاجيات خاصة للمواليد الجدد .. واذا بدأ الطفل يتحرك ينقلب ويحبي اعطيه بلاستيك علشان ما تنكسر بيده ..

التجهيزات ما فكرت فيها للحين .. ان شاءالله بحاول اشوف لي يوم وابدأ أجهـّـز لو بعض الاشياء ..

يا بنات لا تنسون أول شي تجهزونه شنطة المستشفى اللي بتاخذينها معك وقت الولادة .. مهمـّـه جداً ..

:)

مرحبا بنات شخباركم ؟؟

شيوخة>> لاتحاتين ان شالله مابيصير الا الخير بس انتي لاتفكرين وان شالله تقومين بالسلامة

قلب انثى >> ماتشوفين شر نفس حالتي تقريبا الله يكون بالعون

بنات بسألكم الالتهاب يضر الجنين او يؤثر عليه ولا ماله دخل ؟؟؟؟؟؟

لان الالتهاب شكله مطول وياي وخايفة يؤثر .. الله كريم

مساء الخير حواامل

ضموني وياكم في التجمع موعد الولادة باذن الله 12/2/2012 على حساب الدورة

دعواتكم لي بكرة تطلع نتيجة السكر ( ترى عندي سكر بس مو منتظم )

مرحبا كروشااااااات

كل عام وانتو بخير >>> ولو يت متاخره شوي

ادري من زمان ما دخلت سوري ..

انا بعد يبالي اسير اسوي تحليل دم من زمان ما رحت اتخيلووووووو
يوم سرت اتحنى حق العيد اغمى علي ف الصالون والتمو الناس وحاله !!!!!!!!

ما تسوى علي هالحنه ! مع اني ف اول حملي ما اغمى علي عاد الحين بدت الحركات هههههههههههههه


ام فطومه .. يا هلا فيج ف تجمعنا وان شاء الله تروحين وما يكون فيج لا سكري ولا غيره ..

شييوووووووخه ان شاء الله ولدج ما يخون ويكمل التاسع مع اصدقاءه الي ف التجمع

وحبايبي الباجييييييين .. الله يسهل علينا كلنا

شلونكم ...

سكر ... عينة البول ملوثة يعني فيها بكتيريا ... لانه لها طريقة خاصة حق المزرعة ما ادري اذا قالت لش عنها الدكتورة شلون تسوينها والا لا ...

فاطمة النوراء ... الله يخفف عنش يارب ... والله اني ناس قالوا ليي انه ياثر وناس قالوا عادي انه يصيد كل الحوامل ... اني راح عني واليوم احس شوي بعوار لاني خففت الماي ... شربي كثر ما تقدرين من الماي حتى لو الجو برد وبخف عنش ... ابتعدي عن الحوامض والفلفل واصلي على الماي والحليب واللبن ... وان شاء الله بتصيرين تمام ...

وبس ...

فاطمة النوراء;15735067:
بنات بسألكم الالتهاب يضر الجنين او يؤثر عليه ولا ماله دخل ؟؟؟؟؟؟

لان الالتهاب شكله مطول وياي وخايفة يؤثر .. الله كريم

يسبب ولادة مبكرة لا سمح الله :sick:

قلب انثى;15736436:


سكر ... عينة البول ملوثة يعني فيها بكتيريا ... لانه لها طريقة خاصة حق المزرعة ما ادري اذا قالت لش عنها الدكتورة شلون تسوينها والا لا ...

وقت ما كان فيش التهاب تحسين بألم اسفل البطن؟ وعقب ماراح عنش حسيتين الالم اختفى؟
ايام ماكان فيني كل الم في بطني واذا ادخل الحمام يزيد :sick: والحين الحمد لله خف
اقول يمكن راح عني الالتهاب
موعدي في المستشفى عقب اسبوع تقريبا او اسبوعين بروح وبشوفهم شقولون :(

السلام عليكم ..

صباح الخير ع الجميع ..

ام فطومة الحلوة ..

اهلاً و سهلاً فيك .. نورتي التجمـّـع ..

الالتهابات ممكن تسبب ولادة مبكرة .. او ممكن ينمرض الجنين وقت الولادة .. وقد مرة قريت أنه ممكن يجيب للطفل صفار بعد ما ينولد ..