التجمع الثاني لحوامل فبراير 2012

الحمدالله على كل حال والله يشافي هند و يرزقها الصحه والعافيه ويفكها من بوصفار يا قادر يا عليم

عيني عليج بارده ياشيؤؤخيه ماشا الله عليج تميتي فالبيت لين وصلتي تسعه ونص زين ما ربيتي بهند في السياره بس شكله المستشفى قريب عليكم مأمنه الحرمه امممم بغيت اتخبرج في اي مستشفى ربيتي وشو تقيمج لهم من حيث الرعايه و النظافه والتعامل والخياطه يعني كل شي خلينا نستفيد وبالتوفيق حبيبتي والله يسهل على كل الحوامل ويرزق كل محروم

بنات ادعو لام حور الله يكون بعونها ويطمنونها ع البيبي ويسهل عليها و على كل الحوامل الله يريح بالج ياام حور و تكون ولادتج سهله والبيبي يكون بخير وسهاله يارب

مساء الخير ع الجميع ..

ام حور

الله يسهل عليك وتقومين بالسلامة .. الحين هي في المستشفى ؟؟؟؟


شيوخية ..

ماشاءالله عليك صبرتي الى آخر شي .. زين ما ولدتي بالبيت :-#

بو صفار اتذكر جاء ولدي علي قالوا السبب انك ما تطلعين بالشمس الصباح .. وفعلاً كنت ما اشوف الشمس نهاااائياً لأن بيتي كان شقه صغيره مرة ..

وهالمرة الحمدلله بنتي ما جاها بو صفار مع اني كنت شايلة همـّه .. في بيتي هذا عندي مجال اطلع اشوف الشمس ههههههه .. :)

واذا على الرضاعه ليش ما تشفطين الحليب من صدرك وتعطينهم يرضعونها وهي في الحضانة .. انا كنت اسوي كذا .. والحمدلله كل شي بخير .. صحيح انها بعد ما جت للبيت بعد اسبوعين اتعبتني في الرضاعه بس ع الاقل خلي بنتك تستفيد من حليبك علشان المناعه عندها تقوى .. وتزين صحتها ..


:)

بنات باركوا لأختنا قلب انثي ربت امس بالسلامة تاريخ 1 فبراير 2012 وجابت علي

شيوخه مبروك حبيبتي ما ياج ..
وتتربى ف عزج هندوه .. احب هالاسم ..
والحمد لله ع السلامة ...

يوم قريت قصتج حسيت اني بصيح
ههههههههه ما اعرف ليش !

شيوخه وين ربيتي ؟ ف اي مستشفى ؟؟


عاد ﻻ تقطعين وخلج ويانا لين ما نربي كلنا ..

وعقبال الجميع

مبروك قلب انثى

والحمد لله ع السلامة ..

يتربى ف عزج حياتي ..

ويلا شدي حيلج واكتبي لنا قصه وﻻدتج ..

مبروووووووك قلب انثى يتربه في عز اهله والحمدالله ع السلامه شو حبيبتي ربيتي طبيعي والا قيصريه

ياالله يا كروشات اليوم تاريخ حلو لا تفوتونه عليكم بالمشي المكثف وشد الهمه عشان تربون وتفتكون سبحان الله احساسي كان صح ان في حد بيربي هالاسبوع يالله بدا العد التنازلي. مانبا شهر فبراير يمر الا الكل مربي ولاده طبيعيه ان شالله  

صباح الخير ع الجميع شو اخباركم وشو لحمل

مبروك اختي انثى

مبروك قلب انثى ماجااش
امس جاني الم قووي ‏​فـ♡ـي الظهرر وقمت ​​​​​مٍـٍْـِْْنِْْ النووم اتدحن
وسبحت ونمت
والحمدلله خف
الله يستر بس خايفه ​​​​​مٍـٍْـِْْنِْْ الولاده ونفس الوقت ابي اولد وافتك

صباح النور والسرور ام رواضي اشحالج غناتي وشو اصبحتي عساج بخير ونعمه متى بسيرين الوصل بالاحد ان شالله عندج مراجعه ؟؟؟؟ لان احيدج قلتي بسيرين ولا طمنتينا شو قالولج :)

اختي zm لا تخافين الله بيسهل عليج انشالله بس نصيحه امشي لانه واااايد يسهل الولاده وينزل الراس تحت و لاتمين دايم طايحه حتى فالبيت اتحركي بتنسين الويع وبيتوسع عندج الرحم انشا الله وبالتساهيل ان شا الله وتبشرينا عنج

ريم الدماني;15940276:
صباح النور والسرور ام رواضي اشحالج غناتي وشو اصبحتي عساج بخير ونعمه متى بسيرين الوصل بالاحد ان شالله عندج مراجعه ؟؟؟؟ لان احيدج قلتي بسيرين ولا طمنتينا شو قالولج :)

اختي zm لا تخافين الله بيسهل عليج انشالله بس نصيحه امشي لانه واااايد يسهل الولاده وينزل الراس تحت و لاتمين دايم طايحه حتى فالبيت اتحركي بتنسين الويع وبيتوسع عندج الرحم انشا الله وبالتساهيل ان شا الله وتبشرينا عنج

هلا اختي ريم الدماني انا موعدي بالوصل 16/2 وبلاثنين 6/2 موعدي بعيادة لقصيص تابعه للوصل وبشوف شوبيقولوا وبقولكم انشالله مشكورة فديتج ع السؤال:adore:

بنوتات
ابشركم ربيت وجبت علاوي حبيب قلبي امس تاريخ 1-2
والله يسهل عليكم جميع يارب

قلب انثى;15940576:
بنوتات
ابشركم ربيت وجبت علاوي حبيب قلبي امس تاريخ 1-2
والله يسهل عليكم جميع يارب

:) مبروك حبيبتي ويتربى بعزج حبيبتي F:F:

قلب انثى;15940576:
بنوتات
ابشركم ربيت وجبت علاوي حبيب قلبي امس تاريخ 1-2
والله يسهل عليكم جميع يارب

الحمدلله ع السلامة ..

مبروووك ما جاكم ..

اهم شي سميتيه ( علي ) سمي ولدي :D :worn_out:

F: :D

ام رواضي وام علي تسلمون حبيباتي ما تقصرون

الف االف مبروك قلب انثى
والحمد لله ع سلامتج

يتربى علي بعز اهله

تستاهلين السلامة قلب
واهم شي اسمه علي على ولدي بعد
الله يخليه ويتربى بعزكم ان شا الله
ومن هذا لي وللباقين تعبت خلاص ابي اولد لمتى لاعت جبدي مليت بس

مسالخير حبيباتي شولاخبار جمعه مباركه علينا جميعااا

شو الحمال شو الهمه من تمشي يوميا انا عن نفس ما اروح امشي لان مشي السوق يسد الف بسوق ساعات من اسبوعين وباجر انشالله بروح القريه العالميه هناك لمشي عدل بس احاتي الحمام خخخخخ والجو هوا وغباروبارد انشالله يخف باجر الهوا ولغبار

شخباركم بنات ..

امس ياني ويع ف ظهري ف الليل بس شوي وسار الحمد لله

بنات انا وايد خايفه .. مرات احس اني مب ويهه اييب طبيعي !!

المهم شو مسوين .؟؟ وشو المشي وياكم ؟؟

يا نايمين وينكم صار التجمع بارد محد يرد وفي عضوات يدخلن ولا يكتبن شي اااخ ياام رواضي لا اتيبين طاري القريه العالميه صدق خاطري اسيرلها يمكن من اربع سنين ماسرتلها و امس قلتله بسير ويا اهلي القريه قال لا انا بروحي بوديج طبعن لا يخفى عليكم هالرمسه كل سنه اسمعها خخخخ بس السنه ان شالله بسير لانها بتم فاتحه لين خمسه مارس وعقب النهرجان بتخف الزحمه الجمعه اللي طافت سرنا بس من الزحمه مادخلنا يبالنا ساعه واقفين بس نقص تذاكر