التجمع الثاني لحوامل فبراير 2012

مرحبااااااااااااااا

شخباركم ؟؟

والله انا ما بقالي شي ع تجهيزاتي ..

باركووووللي أخيرا تحركت ورحت اجهز مابقى إلا خفايف. حق ألبيبي ويبقى بس تجهيزاتي

السلام عليكم ..

صباح الخير ع الجميع ..

الله يسهـّل علينا كلنا ونقوم بالسلامة يا رب ..

قبل أمس أمي الله يخليها لي عطتني أول هدية لبنتي :029: .. شباصات ملونة .. تحمست اشوفها وألبسها بنتي :013: .. يا رب تجيبها لي بالسلامة .. :027:وانتم ما وصلكم هدايا من أحد الى الحين ؟؟ :034:

وتجهيزاتي يوم الثلاثاء رحت اشوف في بيت أهلي غرفة مناسبة .. وبديت اخططها ههههههههه :02: .. و ان شاءالله اذا صار قريب اخلص الثامن بأجهز الغرفة وأجهز علاجي للنفاس .. والملابس بأصبر شوي أخاف بوقت ولادتي ما يكون برد بزيادة مثل الحين .. !! :-#

:023:

وش دعوى يا بنات .. وش هالغياب لكم ؟؟

مأملين نفتح تجمع ثالث .. !!!

الظاهر بنجلس بهالتجمع الى التاسع :058:

ياليتنا على وضعنا بالتجمع الأول .. ع الأقل فينا ريحة نشاط :067:

سلااااااااااااااااااااااااااااااااااااام
شخباركم ؟ وش مسوين ويا البرد ...

السلام عليكم ..

مساكم الله بالخير ..

كيف حالكن ؟؟ :)

تجهيز شنطة المستشفى ..

( ملابس لك انتي داخلية وخارجية - مشط شعر - معجون وفرشاة - منشفه - فوط صحية - شبشب خفيف - طرحه او شيله قطنية ) هذولي اهم شي ..

وللبيبي ( ملابس قطنية - ملابس للخروج من المستشفى - لحاف خفيف و ثقيل - حفاضات - مرضعه - حليب - رضاعه - مناديل اطفال رطبة ) هذا اللي جاء في بالي الحين ..

واذا فيه احد عنده زيادة .. يفيدنا ويذكـّرنا ..

انصاري ..

بالنفاس ان شاءالله اهم شي تحرصين على نظافة الجراحه وتطهيرها .. واهتمي بأكلك .. ولا تتعرضين لهواء قوي او بارد .. احرصي على اخذ وقت راحة تنامين فيه علشان تقدرين تهتمين بطفلك وما يرهقك السهر .. استعملي ادوية النفاس الشعبية ( كل بلد وعلى حسب عاداته والاشياء اللي يستعملها ) .. :)

الله يعين ع البرد

عندنا توصل درجة الحرارة بالليل ( صفر ) :090:

وين الباقي ؟ ان شاءالله المانع خير .. :023:

هاليومين زين الوحده تركز ع الحليب .. يدفـّيها وتستفيد منه بعد .. الله يعين .. مراجعتي ان شاءالله بعد اسبوع ونص .. :019: .. الله يسهـّـل .. ويتمم لنا على خير ..

مرحبااااااااااااااااا شخباركن كروشات

الحمدلله دخلت الثامن

ويوم الخميس رحت اجهز لبنوتي بس ما حصلت شي حلوووووووووو

خذيت اشياء بسيطه وريلي ايجهز لولدي

ويحتشر علي شريتي للبنية واااايد ومحمد لا

يوم ردينا البيت حصلت ملابس محمد اكثر من اخته قلت لريلي يوم اشتري حشرتني

حليلها ما شريت لها شي قال خلاص ان شاء الله بروح ناخذ لها

مع ان السووووق كله مال برد ومال الحر مسوين عليه تنزيلات بس مب شي بتتغير الموضه

خذيت قماط 4 غلاظ واحد خفيف

وخذيت لها كم بدله وخذيت لها مرضعه 1 صغيره

وتاجات 2 خفيفه للراس

وفوانيل داخلية 4

وطواقي 3 مع قفازاتهن وجواتي 2

بس اعتقد

حصلت تنوره رووووعه قصيره كنت اباها بس ريلي قال لي غليضه مال البرد ولحد ما تكمل 3 شهور

بيكون البرد خلص والموضه تبدلت خلي عقب ما تكمل ثلاث شهور بنرد ناخذ لها اشياء وبنحصل شي حلو

وبيكون مال البرد خلص

اقتنعت كل الي خذيته نيو برون وشهر وsx بس

ابا اروح اجهز لنفسي واخذ لها بعد


انتو شو اخباركم ؟؟؟

أهليين ..
أنا الاسبوع اليائ بدخل الثامن وبديت اشترى وباقيلي خفايف حق ألبيبي وحق نفسي ليحين مأخذت شيء وأساسا مااعرف شنؤو أخذ

مبروووووووووك كروشاااااااااااات من دخل الثامن والي قريب بيدش ان شاء الله

خلاص راح الكثير وما بقى الا القليل


الشهــــر الثـــــامن


1_ الطول حوالي 40 سم والوزن حوالي 1800 غم .
2_ أدمة الجلد تبدأ بالتطور وتختفي التجاعيد .
3_ جهاز السمع متطور بشكل شبه تام ويستجيب الطفل للاصوات .
4_ تصبح وظيفة الجهاز العضلي_ العصبي اكثر نشاطا .
5_ قابلية الحياة في هذا الوقت حوالي 67 % .
6 _ يظهر الضغط على البطن والصدر والمؤخرة .
7_ يصبح جوف الرحم أعلى .
8_ التقلصات المتقطعة تأتي وتذهب، تحتاج الأم أخذ قسطا كافيا من الراحة لتقليل الثقل على القلب .




ما تشعر به الأم

تزداد مرات التبول بشدة لنزول رأس الجنين في الحوض
يتحسن التنفس


العـوارض الجسمانيـــــة

حركة واضحة وقوية للجنين.
حرقة في المعدة وعسر في الهضم وغازات .
احتقان في الأنف وانسداد في الأذن.
نزيف في اللثة.
شد وتقلصات في عضلات الأرجل.
تورم وانتفاخ في اليدين والقدمين الوجه.
تقلصات في الرحم.
ألم في الظهر.
صعوبة في النوم.
صعوبة في أخذ نفس عميق.
حكة في البطن.
نزول اللبأ من الصدر.


العـوارض الانفعاليـــــة

قلة صبر ورغبة في أن تمر الفترة الباقية من الحمل بسرعة.
شرود في الذهن وقلة الانتباه والنسيان.
أحلام وتخيلات وهواجس عن الجنين وصحته وشكله.
فرح وسرور لأن موعد الولادة لم يعد ببعيد.


ارشـــادات

يجب التوقف عن رفع الأشياء الثقيلة
متابعة الطبيب اسبوعياً


حالة الجنيـــــــن

في نهاية الشهر الثامن يتقدم نمو دماغ الجنين وعقله بشكل كبير.
يستطيع أن يرى وأن يسمع .
تكتمل في هذه الفترة نمو كافة أجهزة جسمه باستثناء رئتيه حيث تستمر في النمو إلى نهاية الحمل.
إذا ولد الجنين في هذه الفترة فيمكن له أن يعيش ويكون وزنه حوالي 2.5 كغم .


الله يتمم لنا ع خير ياااااااااااارب

السلام عليكم ..

شيوخية .. كل عام والامارات بخير .. :025: الله يكتب لي زيارة لها بأقرب وقت .. :02:

باقي لي اسبوع ان شاءالله وادخل الثامن .. ومراجعتي بتكون بأول الثامن .. وان شاءالله يا رب يكون كل شي تمام .. لأنها سوت لي تحاليل في المراجعه اللي راحت .. وانتظر النتيجة بالمراجعه الجاية ان شاءالله .. والحمدلله تأكدت من التطعيمات .. وصار كآآآآآملة ... ما يحتاج آخذ شي أبداً ..

أنصاري ..

انا قلت لك بالنسبة لتجهيزات شنطة المستشفى وش تاخذين .. واذا على الاشياء اللي بتحتاجينها وقت النفاس .. يبي لك قائمة طووووويلة و عريــــــضة .. :-#

مرحبا كروشات .. شخباركم

اني للحين ماجهزت شي للبيي أخذت أشياء بسيطة بس مثل الشباحات
مو عارفة في شنو ابتدي :(

تجيني كوابيس عن الولادة تخوف ،واجد احاتي الولادة..تخوف الولادة واااجد؟؟

مرحبا كرووشات شخباركم ؟ و شؤو تجهيزاتكم واستعدادكم للولاده ؟ يالله ما شيء بقى ونفرح بشوفة البيبيات فديتهم .

أنا الحمدلله خلصت تجهيزات البيبي كاملة وأنا باقي لي أشياء بسيطه بس .

والتوزيعات حبيبتي مرت أخويه بتسويلي إياهن .

مرحباااااااااااا كروشاااااااااات شخباركن شخبار بيبياتكن

ام علي :
وانتي بصحة وسلامة يارب يالله نترياج زوري الامارات فديت الامارات ياربي


مس انصاري:
كلامج صح يالله خلونا نتشارك المعلومات والخبرات


كفوف الحنية :
ياالله ابدي ماشي باقي بتستانسين ةانتي تتشرين
عادي انتي من ادخلين المحل بيكون كل الي فالمحل خاطرج فيه هههه
بس لاتاخذين شي ما راح تستخدمينه بتندمين عقب ولا تكثرين من الملابس لانه كل شهر او شهرين بتغيرين
له القياس

لاتاحتين الربى من الحين خليه لشهر تسعه ههه الحين انسي تشري وجهزي نفسج


القيوانية :
الحمدلله راح الكثير باقي القليل ونلمهم بحضنا ويبداء السهر هههه وطبعا ماشي طلعه من البيت
ما شاء الله عليج تقريبا خلصتي انا يالسه اليوم اجهز وارتب مكان للبيبي لملابسه لاني ابا البشكارة تغسلهن
وتكويهن واحط شي للمستشفي وشي للبيت


وين البقيه ماااااااااااالهم حس ولا مشغولات في التجهيز

الي جهزت تنزل لنا الصور بنشوووووووووووف

مسالخير ماشالله مبروك شيوخيه جهزتي الاغراض كشخه انتي بثامن انا دشيت السابع واقول اجازة المدارس تطوف السابع لاني بروح مع اهلي لفجيره وطوف الايام مع الاهل ومن تبدا الدراسه 8/1 بكون اول الثامن الله يسهل ع الجميع يارب