بنات الكويت...الفزعة تكفووون

اب لعيونك

يا عمري من عيوووونا والله بس سوري انا مافهمت انتي وين بتولدين؟
لانج سألتي عن امكنة الحلو والمستشفيات
بس علا ما تردين علا سؤالي بساعدج بالي اقدر عليه الحين
شوفي حبيبتي بالنسبه للملابس

سوالف مهادات وفوط وكبابيس قطن سنع ويدفي
عندج هالاماكن ...
النصار بالديره بس نصيحة في عندج بالفنطاس وفي عندج اذا انتي بالديره يمنا عندج بجمعية سلوى نفس النصار واشيائه تهبل ونظيفه ماتحاتين
وعندج دريم مول بالشويخ وعندج فاشن مل وعندج الجوهره هذيل اشيائهم رخيصه وحلوه وايد صراحه
نيي للباقي
مذركير سنتربوينت ماما اند بابا تك تك بمجمع الافنيوز
عندج بعد مجمع بلازا تحت في كذا محل حق البيبي
وعندج مجمع بيروت في فاشن مل
 وعندج كل لحظه بالمهلب
عندج ماركس اند سبنسر ونكست واتش اند ام
هذيل بالسالميه وفي سوالف حلوه
وعندج انار بالبستان هم بنفس السطره ترا في مهادات وسوالف حلوه والجوهره في تلاقين اشياء تعجبج
واذا ذكرت شي بقولج
ولو تقوليلي وين بتنزلين اختارلج اماكن تكون يمج
وسامحيني عالقصور حبوبه 

احسسسسسن شي لأن هالمكان كل شي يمج
بالمارينا في جم محل اطفال وبره شارع السالميه يم المجمع في عندج سنتربوينت وعندج اتش اند ام وعندج مجمع البستان وعندج نكست وعندج ماركس اند سبنسر وعندج فاشن مل وعندج الجوهره هذا بالسالميه
حولي عندج بلازا تحت في شغلات حلوه
وعندج بالشويخ حبيبتي هم في دريم مول وسنتربوينت وهذا انا احبه اكثر من السالميه وفيه تحت هوم سنتر في شغلات حلوه وايد
وعندج بدريم مول والميره بعد وعندج بفحيحيل الشمالي وشهرزاد وعندج الشلاحي في شغلات حلوه وراقيه
اممممممممم بعد بعد  ايييي عندج فن البيوت في مجمع امنيه يمج بالسالميه عند ليلى غاليري واااااايد راح يعجبج
واساسًا بالسالميه كل شي بيكون يمج وكله راقي فماراح تفترين وايد او تتعنين لمنطقه ثانيه
واي سؤال انا حاضره حبيبتي
اي ونسيت اقولج الكفر لا تفكرين غير الرحاب ودريم مول والله ان نفس دبنهامز واحلى بوااااااايد وارخص
ويهبلون وراح يعجبونج وتحتارين شتاخذين
وربي يسهل عليج حبوبه

حبيبتي لا مافيها ازعاج ياقلبي
بالنسبه للتوزيعات شوفي ياقلبي عندج بسيتي سنتر فوق في محل عنده استاندات حلوه وانتي عليج تحطين الكاكاو او اي شي تبين
وفي عندج بحولي بياع الورد هم حلو واكثر الناس ياخذون منه
وعندج بالسالميه الي قتلج الجوهره اقصد السالميه عند الكترونيات الغانم سطرة المحلات اذا تدلينه في قبال الجوهره المحاميد هذا في اول ماتدشين في عندج محلين او ثلاث محلات عندهم شغلات حلوه وتعجبج
واي شي سألي
احنا اهني نعين ونعاون ونخدم بعض حبيبتي