و أخـــيرا صرت احب شعري :)

هذا يمكن اول موضوع لي بقسم العناية بالشعر

و ما كتبته الا لأني حابة فيدكم متل ما بستفيد انا منكم اوكي انا قصتي مع شعري قصة طويلة بس الحمدلله انو بطلت اعمل اخطاء و صرت اعرف اتعامل مع شعري
المهم شكلي راح ارغي كتير اتحملوني انا طبيعة شعري عادي و كثيف ماشاء الله و مموج تموجات عريضة و مع الصبغات و عدم المعرفة بطريقة الاهتمام صار فظيع و صرت اكرهه

حابة افرجيكو الاشياء اللي استعملتها لشعري و فادتني بداية انا وقت اتجوزت كان شعري مصبوغ لون حلو و بعدها بلش التلف و الضياع و الخشونة و الجفاف و التساقط و و و و
استعملت لشعري حمام زيت دابر املا راح احط صور من النت اختصارا للوقت اصور و انزل

بصراحة هو حلو للشعر بيغذيه و بينعمه استعملته لمدة سنة و طول شعري معه بشكل ملفت من الكتف الى اخر الظهر بعد سنتين من الاهتمام
انواع الشامبوهات اللي جربتها كتيرة بداية من هيد اند شولدرز بانتين بيرت و غيرهم اللي خربو شعري و عدموه استعملت بعض الخلطات بدون استمرار و زيت املا كمان بدون استمرار منشان الريحة و هيك بس مرة من المرات خلص الشامبو عندي و كنت مضطرة اغسل شعري بشامبو اطفالي :I: هيك صرت بعديها هههه
الشامبو هادا كلمة روعة قليلة عليه نعملي شعري جدا من اول استعمال و سشواره صار اسهل بكتييييييييييييييييييييييييييييييييييير
و بستعمل كمان معه بلسم و بديل الزيت غارنييه عن جد بيجننو
و كل شوي امسك شعري مو مصدقة انه اتغير لهالدرجة فحبيت انصحكو بهالشامبو الفزيع
اللي هوه

شامبو جونسون بالبابونج عن جد روعة لشعري و ما راح ابدله ان شاء الله

و بلسم غارنييه مالس و يلمع ختيييييييييييييييير بحطه بعد الشامبوو

و استعملت بدائل زيت كتيرة منها

هادا حلو بينشف الشعر شوي حلو للشعر الدهني نصحتني فيه الصيدلانية

و هادا كمان حلو للشعر المصبوغ بيخلي الشعر مرتب و مو نافش و طري

و في كمان بديل زيت بفعالية حرارية نازل جديد جربته بس مو كتير لاحظت فرق عادي ما لقيت صورته على النت

و بديل الزيت من بانتين اولها كان حلو بعدين شعري صار مو مستفيد عليه فغيرت لغارنييه و ناوية اجرب ماسكاتهم ان شاء الله

و بستعمل احيانا زيت دابر املا و احيانا مسحة كريم الفا حلو و مغذي بس بيعمل طبقة دهنية شوي فلا تستعمليه لا قبل السشوار و لا بعده لأنه ما بيخلي الشعرة تتسشور و اذا مسشورة و حطيتيه بينفش لأنه بيخلي الشعر رطب بس اجمالا حلو هالكريم للشعر التعبان

صورته ما رضيت تطلع 8o|
و سشواري العزيز اللي مريحني من روحة الصالونات و لأن شعري طويل و (كان) متعب بسشواره اما هلاء ماشاء الله لا قوة الا بالله اسهل و احلى و زوجي مبسوط عليه:L:

بس اللي عندي اسود :thumbs_up:

خلص موضوعي تقريبا و بتمنى انكم تستفيدو و اذا استفدتو تدعولي باشياء حلوةF: