ابني معاه الاحليل التحتي( فتحتان للبول ) مساعدتكم خواتي

السلام عليكم ورحمة الله وبركاته .

كيفكم خواتي عساكم بخير يارب ..

حبيت اخذ رايكم ومشورتكم ..

ابني من جبته قالوا لي مايصير تختنينه لانه عنده فتحتين للبول ..

والفتحه قريبه جدا من الفتحه الاصليه ..

وانا قريت كثييييير عن هالحاله وماادري وش سببها صراحه ..

والحين ابني كمل سنه وستة اشهر وماسويت له العمليه ..

محتتااااره جدا في اختيار المستشفى ..

ابي دكتور في الشرقيه او الجبيل او اي مكان شاطر بالختان وبهالعمليه بالذات

قالوا لي عن الدكتور احمد السالم في مستشفى النساء والولاده بالدمام وهو فعلا ممتاز..

بس انا مااقدر على المستششفى الحكومي ..رحت مع ابني ترقدت معاهم يوم عااانيت من معاملتهم كل هذا لانه حكومي ..

ابي مستشفى خاص ..وين تنصحوني سعد او المانع او اسطون

بس بشرط تكونوا عارفين حاله من قبل مثل ولدي ونجحت عمليته ..

انتظر ردودكم ودعواتكم للغالي ..