زواج الاماراتية من شاب سعودي؟؟ما الحل؟

خليه يتقدم بعدين يحلها الحلال:cool2:

هذا الموضوع يباله تكتيك

عدل

يعني يباله دراسة:D2

خليييه يتعرف على اخوها..بطريقه ذكيـــــــة

طبعا خلي ايي الامارات الاول

وبعدين المكان اللي بيروحه اخوها خلي اهوا يروحه

اونه التقو بالصدفه وجذي يعني(خططي انتي واهيا على فكرة حلوا من هذي الافكار) ساعديها

واذا ماعندها اخوان ...

عادي يتعرف على ابوها او احد من اهلها المقربين

وبعدين شوي شوي يخطبها

اكيد فهمتي علية تراني اختصرت الكلام واااااااااايد لأني واثقه انج فهمتيني

الله يوفقها:shy:

d3loOo3H

الحبيبة



مشكورات واللة على الرد انا قلت لها خلية يتعرف على اي حد او ممكن تتعرفين على اخواتة ويكون تعارف عائلي وبعدين تنحل

شو رايكم خطة زينة:clap::clap::clap:

السلام عليكم ورحمة الله وبركاته..........

أو العكس
خليها ربيعتج تتعرف على أخته
أو اي حد من بنات عايلته
بس بعد بتكتيك


الله يوفقهم

:up:

السلام عليكم ورحمة الله وبركاته

قبل هذا كله.. ممكن طلب؟؟؟

خليها تستخير... واذا شافت انه هالانسان يصلح لها.. تسوي الخطوة التاليه وهي انه يتقدم لها رسمي.. بلا تعارف اهل ولا شي..

انا اعرف وحده سوت هالحركه.. ودخلت لين بيته وصارت صديقة خواته وبنت عمه بالاخص.. وصاروا ربع الروح بالروح..

اخر شي.. هدت الريال.. وصارت علاقتها مو لين هناك مع بنت عمه بسبب هالشي.. وصارت الغيرة والشك والمشاكل بينهم كثــــــيره..


اختي الغاليه.. نصيحه لك.. اول شي استخيري.. واذا حسيتي انه الريال هذا المناسب صدقيني الله بيّسر اموووووووورج كلها سواء هو من السعوديه ولا من المريخ..

والسموحه

مرحبا حبيبتي التمساحة.......
فعلا الاستخارة أحسن حل وأحسن شي تلجأ ربيعتج.....
وانشالله خير..... :smile:


إختج...
فرفورة....

لكن لا يمكن الاعتماد على الاستخارة فقط

أقصد لازم تتضح لج بعض الأمور سواء ايجابيه أم سلبية وبعد ذلك تلجئين للاسخارة..

وليش ما تسألون عن المدينه اللي هو ياي منها وتتعرفون على الفريج والجيران وشغله وأصدقائة .. هذا طبعا ياخذ وقت لكن نتايجه أكيدة وبتعرفين أشياء وايدة عنه..

وتصدقين ان مرة تقدملي واحد ،، وخليت واحد من الأهل يسأللي عنه.. تصدقين يابلي معلومات دقيقة جداً عن عمله ومعاشه وحتى رصيده بالبنك وصورة من جوازه

بس انت لازم يكون عندج شخص فنان في هالسوالف..
والله يكتب اللي فيه الخير..

:eek2:

s2s2s

صح كلاج واللة لازم اقولها ادور على شخص ايعرف كيف يتخبر عنة قبل ما يتقدم لها:clap:

أختي العزيزة تمساحة...


أهم شيء إنها تكون مستعدة لإجراء هذه الخطوة....يعني ممكن تسأل عليه و يطلع تمام...بس تحس إنها مش قادرة تتغرب عن بيتها و وطنها و أهلها...


إذا كانت تستطيع و الرجل فعلا يستاهل هذه التضحية...فالسؤال عنه سهل حتى لو كان في آخر الدنيا...و أهل الخير اللي يدلوا في هذا الموضوع كتير....


إذا كان الشاب كويس...فالأحسن إنها تتعرف على إخواته البنات أو إخوانها يتعرفوا عليه...علشا تكون علاقتهم حلوة...



مع تمنياتي لها بالتوفيق....



تحياتي...

مشكورة اختي مرموم

السلام عليكم ورحمة الله وبركاته
أختي التمساحه انا حبيت اسئلج سؤال هاذي صديقتج مع احترامي لها كيف تعرفت على هذا الشاب السعودي ؟؟؟
اذا كان بطريقة مشروعة خلاص ما في مشكله يتقدم ويخطبها
بس اذا كانت مشكلهتها موا في التعرف اهلها على الشاب، بس مشكله في انها توافق او ما توافق لانه من بلد ثاني او خايفة اهلها ما يوافقون ليش انه من السعوديه
اهنه المشكله تكون سهله تقدر تقنع اهلها ان السعوديه دوله قريبة وتقدر ازورهم اكثر من مرة في السنه كل ما سنحت الي الفرصة، واذا كان الرياال زين وعلى مستوى عالي من الاخلاق و الادب اي اهل يتمنون السرتر لبنتهم حتى لو كان بتسكن باخر الدنيا
واخير ما اقول الا الله يوفقها
السموحة

شئ وااااااايد صعب حتى لو وافق الجميع في النهاية بتبعدين عن مجتمعك وبتحسين انك وحيدة لو هو انسان يحبك قرب الأهل شئ حلو وطمأنينة أقولها وانا مجربة السعادة ماتكمل كلامي واضح وااااايد فكري يأختي وخذي النصيحة.

كاتب الرسالة الأصلية : أمواج الليل
تقدر تقنع اهلها ان السعوديه دوله قريبة وتقدر ازورهم اكثر من مرة في السنه كل ما سنحت الي الفرصة،

[ALIGN=RIGHT] السلام عليكم ورحمة الله وبركاته


اسمحيلي اختي .. امواج الليل ع المداخله

وإذا اهلها مارضوا يقتنعوا بكلامها شو تسوي المسكينة ؟؟؟؟؟


أنا اتكلم من شي حصل لي انا شخصيـــــاً .. تقدم لي شاب إمـــــــاراتي

والولد ماعليه كلام -كـــامل من الى والكامل الله- .. لكن أهلي رفضوووه وبإصـــرار

تدرون ليــش ؟؟؟


عشان هذا السبب .. الغربة والبعد عن أهلي وإني أعيش ببلد غير اللي هم فيهاا ..


أمي تقول لي ::
فكري زين ؟ بالأعياد شو بتسوين ؟؟ ماراح يخليك ترجعين السعودية في العيد .. يبيك مع أهله ومعااه ..




وأبوي يقول لي ::
لو متي أو هو مات وكان عندكم أطفال .. تدرين شو المشاكل اللي بتحصل بعدين ؟؟
حتى لو كنتي تموتين فيه وفي أهله وهو يموت فيك وفي أهلك ..
بتكون فيه مشاكل ع الأطفال وبتوصل المحاكم ..
لأنه أهل البنت (أهلي) يبون الأطفال عندهم ؛؛؛ وأهل (الولد) يبون الأطفال عندهم .. ومن هنا بتبدي المشاكل .. :down:




أختي التمساحة .. أعذريني على الإطالة ولكن حبيت أشرح لك الوضع اللي كنت عليه عن حقائق كانت غايبة عني


تمنياتي لصديقتك بالتوفيق .. والله الله بالإستخـــاره

أختي العزيزة تبي نصيحتي لكن لاتزعلي منها بس تراها حقيقة ويمكن البعض منا يتهاون فيها وأنا دخلت فقط ابتغي النصيحة اللي أتمنى أنها تفيدك.
















أختي العزيزة

في مقوله عندنا تقول:


زواج الهوى يهوي بصاحبة




أنا لست ضد أن سعودي او إماراتي يتزوجو من بعض بالعكس الكل يتشرف بنسب الثاني وأحنا كلنا اخوة ودمنا واحد وكنا فترة من الفترات يعتبر الخليج كدولة واحدة تحكمها القبائل .


لكن نصيحة مني لا تاخذي واحد اهلك مو راضين عنه ترا الوحدة مهما ما تزوجت وجابت من الأولاد مردها حج بيت أبوها وتبي نصيحة ثانية صح الأخوات نصحكن بعدة حيل عشان الشاب يدخل منها لأهلك وبالحلال طبعا بس بعدني واقول خلي الرجال يدخل من الباب ومن واسع أبوابة بعد لو يريدك بصدق وما في داعي لها الحركات اللي ما تخفى عن الأهل أنتي أتحسبي الأهل لهذي الدرجة على نياتهم يا عمري الأهل يعرفو كل صغيرة وكبيرة بس فية اللي يتجاهل وفية من يتساهل بهذي الأمور كل عشان فلذه ما تزعل بس حطي في بالك ترا الأهل ما تخفى عليهم هذي المور.

واخيرا أختي فكري بالبعد والمسافة ترا حب الزوج مهما كان درجة هذا الحب ما يعوض حب الوالدين والخوان والأهل .


أختي العزيزة حسبي الأمور من جميع الإتجاهات من ناحية الجنسية والسكن والأهل وكل شي وأول شي قبل كل هذا صلي إستخارة ترا ما خاب من أستخار.


والله يوفقك وينولك اللي ببالك بالسهل وباللين قولي امين

أختي العزيزة أم أنوار....


نحن لما طلبنا منها التعرف على أهله و إخواته كان قصدنا بعد الخطوبة....كنوع من تقريب المسافات فقط لا غير....


و إن كنت اشترطت عليها في البداية أن تكون مستعدة لهذه الخطوة و تحمل تبعاتها كلها....



الأخوات ما شاء الله ما قصروا و حكوا لها عن تجاربهم....و هي عليها الآن أن ترى ماذا ستفعل....


الله يوفقها يا رب....



تحياتي...

لما شفت الموضوع اندهشت ,,لانى اعيش نفس الوضع من اسبوع تقدم لى شخص سعودى هو صديق لاخوى


محتارة افكر واايد الصراحة الشاب ما ينعاب واخلاقه كثيرة زينة واخوى سالنى وانا قاعدة افكر

هو قال ممكن يعيش فى الامارات بس مو طول السنة لانه هو تاجر

مو متصورة اطلع خارج بلادى واعيش ببلد ثانى

اهلى قالوا انت حرة والرجال ما ينعاب شوروا على يا بنات

والله ما اعرف :shy:

بس ما اقول غير الله يوفقها في هاي الزيجة انشالله :up:

والله مثل ما قالو الاخوات يبيلها تفكير من كل النواحي علشان ما يجي يوم وتندمين ولا تستعجلين ترى في العجلة الندامة
الله يوفقك