هل تصرفي صحيح ؟

السلام عليكم وحشتوووووني جدا وحشني منتداي الراقي

عندي لكم سالفه سعنونه ابي اخذ رايكم فيها

ياطويلات العمر انا زوجي في بدايه زواجي كان بخيل بشكل غريب بحيث المال بالنسبه له يصرف لاهله بكثررره اما انا بالشديد الاوي

وفوق كذا كان ابوه يدفع عنه اجار البيت وبعد مده زمنيه ابوه سحب يده من الموضوع لان زوجي كبير ويقدر وانا بعدها حسيت براحه نفسي زوجي يعتمد على نفسه ويحس على دمه
طبعا مرينا بمشاااكل كثيييره بسببه وبسبب اهله ومريت انا بالذات بمشاكل سببها انه كان يتكلم علي عنده اهله بطريقه مو زينه بحيث يكسب رضاهم على حسابي
طبعا لما درى اني كشفته جاء واعتذر وصارت سوالف بعدها رضيت بس جواي فاقده الامان منه مررررره موقااااادره انسى صوته يوم يتكلم فيني ويضحكهم صرت اشك انه ماسترني عند الناس صرت مااعطيه ظهري ابدا ااااا لان زوجي الله يهديه ويسخره لي من النوع اللي مايواجه يقرص من تحت بسسسسسسسس
عمره ماجاني وقالي بوجههي شي
وانا عصبيههه واقول كل شي عندي وقت الغضب ودايم اكلها منه
طبعا بعد ماترك ابو زوجي دفع الايجار زوجي تدهورت نفسيته تعبببب مررره وصار يحل الايجار وهو ماحوش شي
قالي قبل شهر ضروري تساعديني وانا على طول دقيت الصدر كعادتي قلت زوجي ورحمته من الهم اللي شايله
قال امسكي الراتب وحوشي منه مبلغ بحيث باربع شهور المبلغ الفلاني وانا اساعدك بواجباتك وضبطي ميزانيه البيت كااااااامله انصدمت
مسكت الراتب ولا كنت اطلب منه شي كثير ابدااا احيان يصحيني من النوم عشان الشاهي وانا ماقلت شي عادي

وافقت ومر عليه شهر خلال هاذا الشهر زارنا ضيفين كل واحد سكن عندنا اسبوع ومع ذالك وفرت وخدمتهم خدمه خوراااااافيه والله اني ماكنت انام من التعب وهو شايف كل شي عشر نجوم وفوق كذا ماحسيت انه ساندني بشي زي ماقال لي قبل ولا حتى يعطيك العافيه ذي مااسمعها قلت له بهدؤ وين اللي قال بيساعدني قال انا نسيت وماراح اعيدها قلت له على الاقل انت اتفاهم مع البقاله وانزل جيب الاغراض من تحت بس كل شي صار علي
وقبل كم يوم قلت له يافلان ابي احمل بطفل ثاني قال مو الحين نبي نسافر وننبسط وانا خااطري بطفل وخاااايفه يبهذلني زي حملي الاول من بخله
خااايفه قلت له ساعدني اذا جبت الطفل لاني ماعندي احد يساعدني قال ايش
مستحيييييل مستحيل اقوم بالليل عشان اصلح لنونو شي انا هنا زاااااد خوفي انه يتكل عليه ويصير كل شي على راسي الصرف والبيت والاولاد
واللي مخوفني صار فاااضي ماعنده بس يفكر كيف يقضي وقته ومتى يسافر
واخرها
قلت له وديني لاختي مدامك مطول بالاستراحه قال مشوار ومالي خلق مع ان اختي تبعد عن الاستراحه 15 دقيقه
انا هنا وصللللت حدي قلت له روح للاستراحه لاتقعد هنا قام على طووول ولبس ثوبه يعني مافرقتي معي وانا من الغضب رحت صليت العشاء عشان اهدى ولااسوي شي اندم عليه
يوم خلصت قال لي تبين شي انا طالع
قلت ايوه لحظات بس
رحت لدولابي طلعت تحويشه الايجار حقت الشهر وبكل هدو حطيتها بجيبهو قلت له .......
هاذا ايجار البيت قم بواجباتك وانا راح اقوم بواجباتي كلها
انكسر ظهري وانت ولافكرت وانسحبت من امامه بهدؤ دون مانظر بوجهه ماقال شي لاني ماعطيته فرصه وطلع من البيت والايجار بجيبه

هل تصرفي الاخير جيد وهل عدم شعوري بالامان مبالغه مني ادري طولت بس ابي افضفض وارتاح