&التجمع السادس لحوامل شهر يناير 2012&

ماجدة عاش من شافك يابنتى

طب هم بيتكلموا فى التجهيزات تعالى إتكلمى معايا انا:)

المهم إنك بخير


نبضات قلبه إن شاء الله الزيارة الجاية تلاقى وزن البيبى زايد وتفرحى بيه وهو

بصحة وعافية

زوزو إحنا دفعنا الإيجار خلاص

لكن لسه محتاجين نشترى غرفة أطفال ومطبخ جديد لان اللى هنا كان فى

الشقة أصلا وصغير والمطبخ فى الشقة الجديد ماشاء الله واسع

فمحتاجين شوية مصاريف وقت النقل نفسه

وبالنسبة لأمى إن شاء الله حجزنا لها تذكرة السفر يوم 9 ديسمبر

بس مستنيين التأشيرة تخلص بإذن الله

ولو على هتقعد أد إيه معايا

ابويا بيترجانى إنى ما أقعدهاش كتير معايا بيقولى يابنتى الله يبارك فيكى

إنتى عارفة إحنا من غيرها ولا حاجة

ماهو مافيش بنت غيرى انا وحتى زوجة أخويا حامل بعدى بشهر يعنى الوقت

اللى ماما هتكون فيه عندى هتكون هى كمان على وش ولادة

بس انا مش ناوية أقعدها معايا لآخر الأربعين

ربنا يسهل احس إنى كويسة وأقدر على خدمة أسرتى وأشوف رغبتها إيه

عايزة تقعد ولا عايزة ترجع

وربنا يسهل

لحظة المطر كان الصبح لدرجة إن ما نزلتش سلمى المدرسة

وبعدين سبحان الله السحب إختفت والشمس طلعت على الساعة 10

ماشاء الله الرد اللى فوق بتاعى كنت كتبته قبل ما اروح المستشفى وقت

العصر

على ما جيت دلوقتى وبعته ألاقيكم ماشاء الله خلصتوا التجمع وفتحتوا واحد

جديد:lol:

يلا مبروك عليكم نقابلكم هناك بقى