Rabea3 al-ward;15698930:
هلا بيرشيان شخبااارج
انه بخير الحمدلله سوري امس مشيت من وقت ماتميت
الحفاظات حبابه راويهم زوجج والسايز واي واحد ولي ولدتي اييبهم لج احسن من تاخذينهم من فتره
والحليب كذلك راويه اياه وعقب يشتريه لج من تولدين
الحليب انه خاله زوجي ممرضه
قالت اذا بترضعين الحليب الي يناسب الام اهو نان لان اقرب حليب الى صدر الام
استخدميه حقه بس اذا حسيتي ان اييب له غازات وديه المستشفى يبدلون له الحليب
طبعا الغازات الي غير محتمله لان كل ياهل تصيده غازات فتره شهر وشي او اكثر ساعات
بس اذا رفض البيبي يشرب منج غيريه الى اس 26 افضل حليب
ومثل الشي انتي جربيه عليه فتره ولو تحسينه ماناسبه وديه المستشفى يقولون لج شنو يناسبه من حليب
والحليب اخذي واحد احتياط
ومن تفتحينه له 3 اسابيع وعقب ينقط لو ماكمله خلاص بعد ينقط
فانتي استمري على صدرج في البدايه على الاقل شهرين وعقب خلطي له الصناعي بس لو رفض من البدايه اكا عندج احتياط ومن ينفتح لاخر يوم بس 3 اسابيع ماعليج من تاريخ الانتهاء
كتبي عليه كل واحد تاريخ الي فتحتيه عشان لاتنسين
هلا حبيبتي قلبووو
الحمدالله انه امورج كلها بخير
الحفاظات قلت باخذهم ثاني اسبوع من التاسع, اتوقع عادي ماراح يكون في اي مشكلة عدل ؟
بالنسبة للسايز ماعرف شنو اخذ بنتظر موعدي في التاسع تقولي الدكتورة عن وزن البيبي عقب بقرر الحجم لانه في سايت هجير جفت سايز 1 اللي هو من 2 كيلو لي 5 وفي سايز رقم 2 من 3 كيلو لي 6 واحترت شنو اخذ
الحليب اسمع مدح على نان وبيبي لاك بس ماباخذ قبل الولادة الا لين حسيت مومتقبل الطبيعي بالمرة بجوف الدكتورة شنو تمدح وباخذ على كلامها
وانشاءالله يشرب طبيعي عشان مايعورني قلبي عليه ولا احس بالذنب
خب في المستشفى مابتوهق لا على حفاظ ولا على حليب كلشي بيكون متوفر عندهم
مشكورة فديتج على النصايح
لحظه جنون;15699549:
::
بنآت . شخباركم . جمعة مباركة حبايبي .!
بسالكم <- بدينآ خخخخخ .!
احترت في امر الشفاطة . ناس تقول لي ما راح تحتاجينها . واهني معضم البنات اخذوها .!
وبصراحة اني خايفة منها ان تعور :( ..
فـ ابي احد ينصحني عن تجربة لهآ .
بت خالي قالت لي ماخذه ماركة براون اعتقد وقالت زينه . من صيدلية ناصر اعتقد او رويان مااذكر .
و ورده مره حطت صوره اللي شرتها . ومدحتهآ من وين شريتينها وبكم ؟
بعد كنت بسالكم شي بس نسيت :( :) بس اذكر برجع اجننكم .
اللي عرفته من كلام البنات انه اليدوية تألم والكهربائية لا بس في النهاية اليدوية أحسن
الشفاطة اللي حطتها وردة وايد يمدحونها مع انها يدوية ويقولون ماتألم اسمها ميديلا تحصلينها في سنتر بوينت بـ 19 دينار وفي صيدلية الخليج على شارع الخدمات بـ 18 دينار والصيدلية عندهم تقريبا كلشي تبع هالماركة حتى المشدات وكريم الحلمات وغيره
بس تره حتى اليدوية في منها اشكال واحنا اللي اخذنا منها هذي
أنفال
الله يعينج على التجهيزات اللي تأخرو خصوصا البكريات بيكونون متلخبطين شوي لكن بتخلصين لا تحاتين
المفروض ماتأجلين هالكثر خصوصا انه وضعج مايسمح
