بنااات شخباركمـ ويا الأرق..؟
أنا من رجعت من البحرين نومي صاير نفس ويهي تخيلوا أتمـ مبققة عيوني للساعة 8 الصبح
جسمي يعورني من قلة النومـ وولدي حركتهـ خافة وايد عن أول
أريدو حلاً :'(
اوقات البيبي يكون خامل وخاصه اذا الام تعبانه
انه يصيدني جذي واذا تعبانه ومخترب نومي وجدولي ماتتحرك عدل
وعن الارق ما نام الا الصبح ولكن عقب اتشلخ كل شوي ارقد
وحتى المغرب انام واقعد في السياره انام وين ماحط راسي ارقد هههه
أم الهواشم 2;15683590:
وردة...
شنو أسم الصابون اللي تستخدمينه لثياب البيبي.. اللي يجي مبشور ..
ياريت تعطيني الاسم..
طبعا امي قالت لييي لغسال الثياب اول مرة يحتاجون بس ماي ساخن ونشار في الشمس وبعدين كواي .. قالت ليي اول مرة الجدد ما يحتاج صابون.. فأني أخذت بكلامها.. وخدامة اختي بتغسلهم وبتكويهم هالاسبوع وبحطهم في اكياس الضغط..
وعلى أول اسبوع من الثامن ببتدي اجهز شنطة المستشفى عشان افتك.. وارتاح نفسيا ... واحس اني خلصت وجهزت لأن كل ما اشتري احس روحي ما شريت شي ولا جهزت شي ...
اني بعد امي قالت لي ماي دافي مايحتاي صابون اول مره الان الماي الحار يقتل الجراثييم واهم شي تضربهم شمس بس اني اخاف يملحون من الشمس هههه
واذا على المشترى كل يوم يطلع شي يديد هههه
حتى زوجي يقولي انتي مابتخلصين لاتقولين التاسع مابتاخذين بعد بيطلع لنا اشياء وتبينهم ههه
اسى الايام;15683764:
كارفور
هههه عدوة لاسلكية وماتشوفين شرر
انتي رحتي الملائكة الصغار الي في عالي شرايج في فراشاتهم جاهزين حلوين؟؟
وفي رسومات ؟؟
معروف الملائكه اشياءه حلوه بس انتي تبين خياط ولا جاهز؟
اذا تبين جاهز موجود في النجم الجميل واشراقه رضيع في جد علي
اسى الايام;15683799:
بنات الحين عادي نصبغ شعرنا مااياثر انواع الصبغ ؟؟
انه قبل جم يوم صبغت شعري عادي مايأثر كلللش احين
لحظه جنون;15683932:
:
الا بسالكم تاريخ جم اصير العيد ؟ و اول يوم محرم تاريخ جم ؟
تاريخ 6 العيد
و26 هلال محرم
اسى الايام;15684085:
كارفورة
يبي ليي اروح فرة في المحل
بس اذا مافي محايد مابستفيد شي
لحظة عمر
خلصي اغراضك من الحين على الاقل شوي شوي
بعدين بيجي محرم ومو حلوو الدنيا عزا وانتي تفترين في الاسوقة
والله يعينج..
مو بس عن العزا خيه اصلا عندنا مكروه نتشرى ثياب في محرم وصفر
والنفس ماتقبل وخاصه صفر فال شين
persian_moi;15684307:
انا اليوم خلصت كذا شي وارتحت نفسيا احس مابقى شي وافتك
اول شي وديت الخلق الخياط حق شالات الترضيع راويته صورة وفهم اشوه حتى قص القطعة وحطيتها علي كانت اوكي
وعطيته جلابيات النفاس ابي يعدل لي فتحة الرضاعة و وحدة يسوي فيها فتحة
عقب رحت سنتربوينت واستبدلت فرشاة بيجون بقطن اذون للاطفال خذيت واحد ضعيف واحد اللي راسه مدبدب
بعدها رحت ماكس وكانت مخلصة التخفيضات خذيت لي طلة صوب البجايم جفت يد طويلة وخلقهم زين حق الشتا مالنا بس ماخذيت قلت بنتظر باجر بروح مشوار بجوف شعندهم
وخذيت لي اندروير 5 ياين مع بعض بدينارين ونص
عقبها رحت السرور مسوين تخفيض خذيت لي شورت قطني لي تحت الركبة و3 اندروير يايين مع بعض ودكاك حق تحت الثياب بس المشكلة مافي اللي ينفتح من جدام بجوف جان الخياط يقدر يفتحه لي للرضاعة
اي وامس كنت ماخذة اندروير من اللولو وشورتات قطنية طبعا غير اللي ماخذتهم من السعودية من قبل احس صار عندي اكتفاء
بسألكم الاندروير كفاية 12 وحدة او أحتاج اكثر؟ لانه اسمع رفيجتي تقول بسرعة يتلعوزون وتقطهم بدل لا تغسلهم لانه مايسوى من جذي تاخذهم رخاص انتو شرايكم ؟
المهم اخر شي رحت صيدلية ناصر بالزنج وخذيت شفاطة الخشم و فرشاة المراضع ماركة جيكو وتره حتى مناديلهم لمسح البيبي وقطن الاذون نوعيتهم زينة عندهم للي تبي تشتري من مكان واحد
وسألت الموظفة اللي هناك عن مشدات lytess اللي عجبوني قالت لي ماينفع للي ترضع فيهم مادة حق تضعف ومب زين اذا بترضعين البيبي هونت عنهم قلت بجوف جميلة او السعد شعندهم من مشدات
وتيوب بعد الولادة ماعندهم قالت لي اجيك الفارابي
احس مابقى الا شغلات بسيطة من اغراضي واغراض البيبي والاسبوع الياي زوجي اجازة اقدر حتى اوصي على الضيافة و ارتاح
عن الهافات انه لحد احين اخذت 10 مدري 12 شي جذي
وبعد يبيلي
انه ابي شورتات حق يثبت الهافات والاختراع لايتحرك خبركم احنا بصيدنا قومه وقعده ومحوجج مع البيبي
اخذتي الشورتات شوي ضاغطين؟
وعن الصداري روحي ماكس اخذي حق البيت جذي جم وحده رخيص وقوي مو حق طلعات تقزيره يسمونهم ههه انه اخذت وحده
والهافات اخذي الي تبين مابتخسرينهم بس اهم شي لاتاخذين الحفره الصغيره الي في الفخوذ لان مايثبت الاختراع اخذي شوي نازله الحفره يعني تاخذ المؤخره كااامل مغطيه
والهافات لو تاخذين 50 ماتخسرينهم هههه
خو باليوم تبدلين 2 او 3
الأم الحنون العطوف;15684370:
عن المشد بصراحة المشد الاندونيسي مفعوله عجيب واستخدمته وياب نتيجة وناوية هالمرة بعد نفس الشي مع انه صعب شوي بالاستخدام اخلي زوجي يلفه معاي خخخ
اني ادور المشد الاندنوسي بس مادري من وين اخذه لحين مافتريت عليه