Um fa6oom;15718221:
صباح النور ياهلا
بالعكس قعدة الصبح حلوة عاد اذا شبعانه نوم ام اذا مو نايمة زين اكره نفسي
قومي سوي لج ريوق سنع وطلعي تفرفري الجو بره يجنن والشمس مو حارة :thumbs_up:
Um fa6oom;15718249:
بنات امس رجعتي من الدوام صادتني سالفة بقولها لكم وبالتفصيل الممل :'(.. رجعت على الثنتين وشي وتغذيت وقمت بطلع بروح عزا عاد بنتي كسرت خاطري طول اليوم بعيده عنها فقلت بوديها وياي .. الموهم بدلت ثيابها ومشطت شعرها واهي مستانسة مسكينه انها بتطلع وياي وابوها نايم وعاد انه عزكم الله دخلت الحمام وبس دخلت ما سمع الا صوت شي طايح على الارض طلعت ركيض والا بنتي طايحة من فوق السرير على راسها ومارحت لها الا ابوها وياها واهي تنزف من خشمها وقعدت انه اصيح واهي اتصيح وطيران على طول رحنا مستشفى الامل الطوارئ انجان يقولون لنا مانقدر نسوي لها شي ودوها السلمانية ورحنا اهناك والمفروض ندخل على طبيب الاطفال ولا انجان هو محد وبنتي مو قادرة تفتح عيونها وماتشيل روحها وكل حين يغمى عليها وانه اصيح واللي هناك كل حين ينادون الدكتور بالسماعة يالله جا :mad:
بعدين قال لي اذا رجعت او لا واشلون طاحت وقلت له على راسها والا يقول سووا لها اشعه في الراس وتعالوا بنشوف ورحنا واهي تصرخ حتى ألم في بطنها صادها وتبيني طول الوقت حاملتها ... دخل وياها ابوها لاني مايصير ادخل في مكان فيه اشعة ورجعنا مرة ثانية للدكتور واشوه تطمنا عليها انها مافيها كسور في الراس بس مجرد رضوض وقال لي عشان نتطمن عليها اشتروا لها اكل وبنخليها تحت المراقبة ساعتين ... اكلت شوي مسكينه ونامت ولما قعدت اتقول مافيها ألم وكل مكان اوكي مايعورها وخبرنا الدكتور وكشف عليها مرة ثانية وقال خلاص تقدرون تمشون بس اذا شفتونها اكلت ورجعت جيبوها مرة ثانية :badly:
رجعت من المستشفى وعلى طول وينك يالسرير من التعب اللي اخذني والصياح اللي صحته ونمت ومن صحيت على طول الدوام :(
عاد تدرون طلع انه السالفة ومافيها انها ركبت على السرير تبي تشوف تسريحة شعرها ووقفت على الطرف واهي تطالع شعرها طاحت ههههه ماتسوى عليها هالطلعة عبالها بنروح مجمع ولا العاب الا مستانسة هالقد :lol:
وبس خلص الفلم الهندي :confused:
لحظه جنون;15717088:
::
persian_moi
امممممم .. بروح اجيك .. اذا صار مجال .! أممممم طيب اذا ما حصلت نقدر نستغني عنها بشي بديل ومريح ؟
الموهم باجر اذا صورتينها .. بشوف !! ولا يهمش بذكرش حق التصوير .
شفتي شلون لازم تشغلين مخش ! خلاص راحت عليش هالمره وبالعااااااااااااااااافيه حبيبتي ( لتيوب ) .
وخلاص ماعاد افكر في سكري .. ما باكل اشياء فيها سكريات ولا كاكاو ولا خبز عادي . بحاول انظم وان شاء الله خير .! انتظر النتيجة في موعدي !
والله يعافيشش .
لحظه جنون;15717168:
::
بنات ادوات النظافة .! اللي للحين ما شريتهاً .
# صابون سائل ( الوردي ) .!
#سلة حق لثياب الوسخة .
# قطن .
# فازلين
# مناديل من دون عطر .
# حفاظات هيجير . من كثر ما مدحتونه .!
# شامبو . صابون " وش احسن شي ؟ "
وهذه اللي شريتهً ..
* اعوآد اذون . تم
*فرشة شعر . تم
* قصاصه اظافر . تم
* فوطً صغار قد الكف . فوطة كبيره . و متوسطة . تم
*اسفنجة حق السباحة . تم
*بانيو . تم
* مقاس الحرارة . تم
أمممممممممممم بنات بعد نسيت شي ذكروني الله يعافيكم ؟ عشان اشتريهم مع بعض
F:
كلاسيكية ذوق;15717217:
اعتقد وفيتي وكفيتي باغراض النظافه _ انا قلت باشتريهم اخر الوكت لي دشيت التاسع يعني احسن
اليوم رحت سنتر بوينت وحددددددده كان زحمة وخذت هاي الشي اللي ايبدلون ويسبحون عليه الياهل وايد عملي ومفيد
لحظه جنون;15717253:
::
الاغراض اللي بحتاجهآِ في النفاس .
# بدلات . ويفضل من قدام مفتوحة حق الرضاعة .
# شبشب مريح .
# صدآري رضاعة .
# هآفآت . واللي جربت هافات ابو لبسه . ممكن تخبرنا اذا هم اوكى او لاً . مثلا اذا صار تسرب يمتص او بسوينا برجة . عشان اعرف اشترى كل قطن . لان القطن اقدر سيطر ع الموضوع بسرعة .
# اسفنجة اللي يحطونها في الصدرية عن التسرب ماادري شنو اسمها خخخخخ . اذا شريتون خبروني احسن نوع .!
طبعاً هذه كله ما شريته . ومااعرف الباقي . بعد ياريت تذكروني .! وش ناقصُ ..
اما حق الجرح . فكل وحده تكتب غير .. واللي ناسبها قبل .. عشان جذي اني احترت
مثلا بنت خالي نصحتني بدواء و اتنقع 10 دقايق . 3 مرات في اليوم . وقلت لها اذا بروح اشترى بتصل اخذ اسم الدواء .
اهني البنات ما ينصحون التنقع :( .. أمممممم !!
بعد من ضروريات النونو . " مجموعة من الاعشاب .. مرقدوش وهالسوالف .. اسمع فيه 4 زجاجات يجون مع بعض حق النونو " بدور عليهم في البرادات لكبار .!
غيروااا ؟ ذكروني .!
Rabea3 al-ward;15717361:
بيرشيان ام منذر اتصلت فيني ان جهزوا الاغراض وقالت متى اروح لها لان أهي بسافر يوم الجمعه الصبح وبتيي الاربعه
وبنات عن الشامبو
ولد اخوي يستخدمون له جونسون ماجافوا الا جسمه منصلخ جنه بسم الله عليه كاتين ماي حار
ودوه المستشفى قالهم الدكتور افضل شامبو وأدوات التنظيف QV حتى لو البشرة مو حساسه اهو الافضل لان مافيه اي مواد كيميائيه قويه كلها تناسب بشره الطفل اما الباقي فقوي على اليهال
ودوم انصح فيه أهلي والي أيون حقي
Um fa6oom;15718279:
عندج برشونة اهي من الرفاع اكيد اتدله انه ماعندي فكرة
Um fa6oom;15718249:
بنات امس رجعتي من الدوام صادتني سالفة بقولها لكم وبالتفصيل الممل :'(.. رجعت على الثنتين وشي وتغذيت وقمت بطلع بروح عزا عاد بنتي كسرت خاطري طول اليوم بعيده عنها فقلت بوديها وياي .. الموهم بدلت ثيابها ومشطت شعرها واهي مستانسة مسكينه انها بتطلع وياي وابوها نايم وعاد انه عزكم الله دخلت الحمام وبس دخلت ما سمع الا صوت شي طايح على الارض طلعت ركيض والا بنتي طايحة من فوق السرير على راسها ومارحت لها الا ابوها وياها واهي تنزف من خشمها وقعدت انه اصيح واهي اتصيح وطيران على طول رحنا مستشفى الامل الطوارئ انجان يقولون لنا مانقدر نسوي لها شي ودوها السلمانية ورحنا اهناك والمفروض ندخل على طبيب الاطفال ولا انجان هو محد وبنتي مو قادرة تفتح عيونها وماتشيل روحها وكل حين يغمى عليها وانه اصيح واللي هناك كل حين ينادون الدكتور بالسماعة يالله جا :mad:
بعدين قال لي اذا رجعت او لا واشلون طاحت وقلت له على راسها والا يقول سووا لها اشعه في الراس وتعالوا بنشوف ورحنا واهي تصرخ حتى ألم في بطنها صادها وتبيني طول الوقت حاملتها ... دخل وياها ابوها لاني مايصير ادخل في مكان فيه اشعة ورجعنا مرة ثانية للدكتور واشوه تطمنا عليها انها مافيها كسور في الراس بس مجرد رضوض وقال لي عشان نتطمن عليها اشتروا لها اكل وبنخليها تحت المراقبة ساعتين ... اكلت شوي مسكينه ونامت ولما قعدت اتقول مافيها ألم وكل مكان اوكي مايعورها وخبرنا الدكتور وكشف عليها مرة ثانية وقال خلاص تقدرون تمشون بس اذا شفتونها اكلت ورجعت جيبوها مرة ثانية :badly:
رجعت من المستشفى وعلى طول وينك يالسرير من التعب اللي اخذني والصياح اللي صحته ونمت ومن صحيت على طول الدوام :(
عاد تدرون طلع انه السالفة ومافيها انها ركبت على السرير تبي تشوف تسريحة شعرها ووقفت على الطرف واهي تطالع شعرها طاحت ههههه ماتسوى عليها هالطلعة عبالها بنروح مجمع ولا العاب الا مستانسة هالقد :lol:
وبس خلص الفلم الهندي :confused:
الأم الحنون العطوف;15718548:
للاطفال روحي مصنع الكامل عندهم مجموعه للبيبي كماي الحبج لابو صفار وماي مرقدوش ويانسون وحلوة للغازات بس وفي دوا نقط على اعشاب بعطى للبيبي عن نفخ البطن ذكرتيني غيه ضروري لان صياح الجهال كله من الغازات
احس كفاية اللي خذيتيه وبعد ياخذون سودو كريم للالتهابات انا اخذت منه بعد
وشفاطة الخشم عشان لين خشمه مسدود
وبعد اذا تبين صابون المراضع لين بتغسلينهم
خذي لج شورتات وليقنقزات وصراويل قطن شوي يكونون لاصقين عشان لا يدخل لج هوا البنات وايد حذرو من هالنقطة
واخذي لج الدكاك الخفيف من السرور عشان لو تغير الجو ماتبردين
وطبعا البيجامات والجلابيات حاولي تاخذين مفتوحين للرضاعة او وديهم الخياط يفتحهم لج
اخذي لج دلاغات بعد
اممم اي و كريم الحلمات وشالات الرضاعة
لحظة جنون
انا قلت سالفة الاعشاب حق البيبي وحقي بخليها على ام زوجي احسها وايد تعرف في هالسوالف
لانه اصلا مالي مزاج اقعد افتر عشان اعشاب ومادري شنو تعبت صار لي شهرين وانا اراكض
انزين بنات وخصوصا الخبيرات
شنو نحتاج غير مرقدوش اطفال وحلوة ؟
وحتى حقنا شنو نحتاج حق بعد الولادة
يبي لنا لهوم وجلاب وبزار حسو وشاي بابونج او قرفة او قشر القهوة او زعتر او يانسون او كمون وحب رشاد مع الرشوفة عشان يقوى الظهر وتمر واذا تحبين حلبة لادرار الحليب ودهن خالدي لتسبيط العصيدة ممم
يبي لنا ندفى ونشد البطن ومو نسبح كل يوم ونتمدد حتى الظهر يشد وبعد اسبوعين يبي لنا مراخة تسوي مساج لنا
للاطفال روحي مصنع الكامل عندهم مجموعه للبيبي كماي الحبج لابو صفار وماي مرقدوش ويانسون وحلوة للغازات بس وفي دوا نقط على اعشاب بعطى للبيبي عن نفخ البطن ذكرتيني غيه ضروري لان صياح الجهال كله من الغازات
persian_moi;15718896:
الام الحنون
وين يصير مصنع الكامل؟ لازم نروح المصنع او عادي نحصله مكان ثاني
وفي وايد اشياء ذكرتيها ماعرفها :confused: بخلي ام زوجي تتصرف احس تدوخ هالسالفة اذا الوحدة ماتعرف
كلاسيكية والجوهرة
مساعة مريت عند فن الذوق بعد كان مصكوك متى يفتح هالمحل ؟
بنات اليوم وصل كبت ولدي ماشاءالله شغل نظيف وقوي :thumbs_up:
حاولت احمل الصور مع صورة التيوب على عروس ماصار
بجوف مرة ثانية
لحظه جنون;15718916:
::
اسي شخبارش ؟ وين وصلتين في التجهيزات ؟ والله موقفه ؟ :)
اسى الايام;15718927:
انا الحمدلله بخير انتي اخبارك ؟؟
وعن التجهيزات انا موقفة حاليا
وعن الصداري فكرت اخذ العاديين وباخذ القطن الي يمتص الحليب اذا سرب
من الصيدلية او سنتر بوينت...
اسى الايام;15718951:
يلا اذا حصلتينهم خبرينا من وين
انا بعد مثلك ماطيق ادور وايد مالي زاغر خخ
انا وحدة خايبة