شعر ولدي

نفس مشكلتي مع بنتي ونفسي اعرف سبب التغير

الحلاقه...لها دور بسيط...يعني مو هي السبب..الرئيسي للخشونه
صحيح من بعد الحلاقه تقسى الشعره... ويكثر الشعر من بعدها...
الوراثه لها دور اتوقع ....وهذا شعره الاساسي.طلع جاف وخشن..
سويله حمام زيت.....ملعقة مايونيز+ ملعقة زيت سمسم+ ملعقة زبادي......نص ساعه وغسليه
وحطيله من بعده بلسم الاطفال من جونسون......هذا مايتغسل من بعد الشور..تخليه
زيت او كريم جوز الهند...حلو للشعر ويطري الشعره...........خليه مدهن على طول منه على خفيف..بعد الشور وقبل النوم...
انا اسويه في البيت وريحته حلووووه مرررره....لمن اخليه ع شعور اطفالي

شكرا زوزو13

الأخت رهف طيف
جربت احط ليه زيت جوز الهند احسه مو داك الزود وبعد ريحته وع اتحسه للأكل اي بس فوق الراس (لأني احب جوز الهند ما أمبي أكرهه;))

أمبي احد يدلني على كريم ينفع يزيت شعر ولدي ما امبيه حرير لاااا اللي فيها فيها بس امبيه يتزيت حتى يبين طبيعي على اقل تقدير

وشكر لكل من ردت وترد على موضوعي

نصيحتي تاخذين له شامبو للشعر الجاف وبعدها تحطين بلسم او حمام زيت

بالنسبة لللكريمات كل شعر يختلف مع اللي يناسبه جربي بانتين بديل الزيت بعد الاستحمام والشعر رطب حطي منه وشوفي النتيجةد


انا ولدي شعره ناعم بس خفيف وجاف بس اشوف الحين كل ما يكبر يعتدل شوي قمت استخدم له شامبو بانتين

اتكنى اكون افدتك

هلا اختي أنوار المودة
استخدم حق ولدي شامبوا جونسون بالبلسم وبعدها بعد احط له بلسم جونسون وبعدها بشوي احط له كريم برت وبعد كم ساعه بالكثير وبح مافي شي كأنه مو مزيت يعني أخف من الأول كنت بس احط له كريم بس بعد امبي حل يبقى فترة اطول وافضل

مافي أحد يعطيني حل قوي وفعااااااااال
للعلم ولدي سنة ونص تقريبا

الله يعينك

يمكن يكون نقص فيتامينات ..

شوفي وش مشكلته عند طبيب اطفال .. وشوفي وش ينصحك تستعملي له .. ولا تكثري له الخلطات والشامبوهات علشان ما يجي شعره جفاف قوي وبعدها يالله عاد دوري له علاج ... !!!

استعملي نوع واحد فقط واستمري عليه ..

تسلمين على مرورك ودعوتك nora_2009

شكرا (.. أمــ عــلــيــ ..) على ردك خفت شوي على ولدي قمت اوسوس

(أم جديده متخرعه:p)
الحمد لله دمه اوكي يوم فحصوه بس الفواكه يمكن اتأثر فعلا لأن أمه وأبوه ما يطالعون في شي اسمه فاكهه اذا اشوفها في غير البيت أحب أكلها ومن يجيب لنا سي السيد اتعفن ولا افكر اكل منها فقلت ليه لا تشتري حراااام حتى ولدي كنت حرييييييصه انه ياكل تفاح كل يوم بعدها هو لاحظته ما يحب ياكله من كثر ما يشوفها في خلقته;)
وما ادري ليش ولدي أطراف أضافره اتكون متشققة

اتمنى التفاعل ويا موضوعي حتى استفيد وهم غيري يستفيد

ع فكرة شامبو نونو اكبببببببببر دماااااار للشعر

انا الحلاق حلق ولدي بالمكينه من ورى ومن قدام بالمقص والله من وراااااا لفيييييييييييه خششششششششششن ومتشربك مرة يفشل :badly:حيل ومن قدام زي ماهو سبحان الله بعض يدين الحلاقين مافيها بركه

ونصيحه مني زيتي شعر ولدك جوز الهند حلو واللوز كريم بارشوت

والله يوفقج

عذرا تكرر الرد

هلا بالاخت (شيخه زمانها)

أنا توني مستخدمة له شامبوا جونسون مع البلسم ويا كريم برت ولاحظت فرق في شعره حتى ابوه اللي كان مو مقتنع انه يبي لشعر ولده صرفه وكان دايم يقول هذا شعره وخلاص يقول شعره اختلف حتى انه بين ان اشقر مسكين لأن من كثر ما هو خشن وجاف ما يبين

سمعت عن زيت اللوز والكل يمدحه للشعر قلت باخذ ليه ما أدري صراحه أمبي شي محدد حتى لا اخبص واسوي تجارب في ولدي :'(

مسكين فقير هذا زين انه ولد جان أديته من التجارب اكثر :o

زيت اللوز حلو لشعر الجهال وخفيف انصحش انى بنتى الاولى ولدتها وشعرها ناعم بس احسه يشرب زيت كنت مخترعه خخخخخ احط لها مرتين باليوم زيت لوز واحين شعرها حلووو والثانيه بنتى ماهمتيت بشعرها كان اخر كورس لي بالجامعه وحين تونى اهتم فيه صار شعرها مو حلوو مع انه ناعم لكن ملوت وامس ستخدمت لها بديل الزيت بانتين من عند اختي روعه تغير شعرها عدل قلت بشتريه

نصيحة احلقيه بـ 14 - 15 الشهر و استني يطول شوي و الشهر اللي وراه بمقص 14 - 15 الشهر

سألت صيدلي عن كريمات شعر أطفال و زيوت

قال خدعة ما تسوي شي
بس ترطيب للشعر


موفقة

الأخت (معذبة في الحياة) شكرا للرد
شجعتيني أستخدمه قرأت عنه الكثير وسويت سرج عنه حسيت ما منه مضار أعرف أن زيت السمسم كلش تمام عن استخدام شخصي ينمو الشعر بسرعه والشي الثاني يخليه ناعم بس العيب اللي فيه من تتركينه يتساقط بكميات كبييييييييييييره .

الأخت (DrEaM Red RoSe)
هذا اللي أمبيه ما أمبي شي غير أنه يترطب والباقي حامده ربي وشاكرتنه أهم شي صحة ولدي لأن شفت ان الترطيب يخليه افضل ،شكرا على ردك الحلو

ذا ستوري

بقول لج ترا جونسون وايد يسوي الشعر جاف حاولي تغيرين له الشامبو
وااستخدمي يا بانتين او سانصيلك

انتبهي جوونسون هو الي يجففه

استخدمي بيقون او اي شي ثاني
وزيتيه بزيت فازلين الي غرشه شفاف ومغطاه ازرق
انتبهي من الكريمات بعد

اختي استخدمي زيت اللوز الحلو واذا مثلا حممتيه وهو مبلول حطي كم نقطه بس بشعره ودلكيه ع خفيف بيطلع شعره احسن من انه تحطيه ع شعره وهو جاف مره حلو زيت اللوز الحلو للشعر

الأخوات (تذكر يوم) (ميقات العمر)
أول شي مشكورات على الرد بالنسبة لشامبوا جونسون استخدمت هملايا بايقون وجونسون كلهم نفس المفعول بالنسبة لولدي بس جونسون بالبلسم اختلف بالنسبة لي احسه مو داك الجفاف شعر ولدي يعني خفف شوي

الاخت (أنآ من دۈۈنڪ [ أندمر ~)
احاول ايصير عندي مجال اشتريه منه لأن على الاقل اذا ما جاب نتيجة ما بيضر إن شاء الله

شكر على الردود الحلوه:cool:

استغرب كلام الامهات..الكل تقريبا متفق ان جونسون يجفف الشعر، وعلى كلامهم شريت لولدي سيباميد وطلع ناشف مرة
والحين رجعت لجونسون وجع وش حلاته
ليش شعر ولدي غير خلق الله!