كيف حالكم يا صبايا ؟ من زمان خاطري انزل صور لمشترياتي بموضوع المشتريات بس للأسف ما صورتهم اول ما اشتريتهم يعني باين انهم مستعملين شوي .. قلت بنزل صورهم بموضوع فردي وبحكم على المنتج من خلال تجربتي له
هالصورة لمشترياتي الجديدة من سيفورا ماسكارة جيفنشي وعطر جوتشي جيلتي انتينس الجديد وبعض العينات ( مبارح اشتريتهم )
عطر جوتشي جيلتي انتينس الجديد gucci guilty intense جديد.. يعني أثبت من اللي قبله جوتشي جيلتي لانه بيجي ماء تواليت مش بيرفيوم .. اللي اخدته انا بيرفيوم
في تقارب كبير بالريحة بين العطرين .. هلأ اول العطر وقاعدة العطر ما اختلفت شي بس قلب العطر صار عليه تغيير بسيط بالمكونات حبيته :L:
نيجي لماسكارة جيفنشي givenchy اللي صارت معروفة ومألوفة لكتير بنات
لما نزلت على الاردن رحت محل وجوه لاشتري فاونديشن من جيفنشي بس قلت للبنت اللي بتشتغل بقسم المكياج الخاص بجيفنشي تجرب لي الفاونديشن على وجهي عشان دائما بختار الدرجة الغلط .. فعملت لي مكياج بسيط واستخدمت لي هالماسكارة العجيبة وحبيتها بس ما كنت عاملة حسابي اشتريها لانه كان ناقص علي اشياء اهم من الماسكارة ورجعت لامريكا وضلت الماسكارة في بالي ورحت مبارح اشتريتها روووووووووعة وسهل التحكم فيها
واكتشفت اكتشاف خطير انه المكياج والعطور وكل شي بأمريكا ارخص بكتير من دولنا العربية صراحة اتفاجأت :-o ليش طيب ؟؟ حرام عليهم .. حجتهم دائما الضرايب .. اصلا اكتر بلد بتاخد من الزبون ضرايب امريكا .. اما دولنا العربية ما بتاخد ضريبة مبيعات بس بياخدوها منا بطريقة غير مباشرة .. شكلي دخلت بالطول والعرض :-#
هالصورة بتشمل لوس باودر - بيس - فاونديشن - ومسكارتي الجديدة ^^
اللوس باودر اخترته من شيسيدو shiseido حلووناعم على البشرة .. اللوس باودر بثبت المكياج وبيعطي اضاءة حلوة للبشرة ( بطلت استخدم بودرة مضغوطة لانه بصير طبقات على الوجه اما اللوس باودر خفيييييييييييف على البشرة )
بيس base و فاونديشن foundation من givenchy
البيس هو قاعدة للبشرة بوحد لون البشرة انا اخترت لون اخضر بشيل الاحمرار وبيعطي لوك طبيعي
والفاونديشن كتير حلو ومرتاحة عليه - انا اخترته على وردي رقمه واسمه 2 perfect petal - 1 p01
وهدا الاي لاينر الكريمي من physicians formula جيل اي لاينر ماركة امريكية معروفة عنا وسبق وتكلمت عن هالمنتج الاكتر من روووووووووعة
كان عندي بألوان مختلفة الاسود والاخضر العشبي والازرق الغامق واختي حبته ولما رجعت لامريكا تركته لاختي لانه مو موجود عنا بالاردن
رجعت اشتريت بألوان تانية ( اسود - بني - بنفسجي غامق ) بجننننننن وسعره رخيص 9 او 10 دولار بس وبيجي معاه فرشاة للرسم
هدول ليب جلوس lip gloss
اللي فوق من ماكس فاكتور كتير حلوووو .. رقم (1) بيجي جامد كأنه روج سائل ورقم (2) جلوس بلمعة وردية خفيفة كتير حلو
واللي تحته حصلته هدية من صالون مروان خير عنا بالاردن رحت قصيت شعري انا واخواتي وبنتي وعملت هاي لايت عنده وصاحب الصالون نفسه مروان خير اعطى بنتي جلوسين هدا باللون الوردي وبيجي فيه لمعة دهبية عجيييييييييب والتاني لون عسلي وفيه لمعة دهبية طبعا بنتي ضيعته وضل عندي هدا الوردي الحمد لله ( هدا الليب جلوس من منتجات نفس الصالون مروان خير M.Khair )
وهدول أرواج واحد من رافلون revlon .. والتاني من انجلوت inglot
اللي من رافلون اخترته لون أحمر بلمعة دهبية خفيفة بس مشكلة هالروج بنشف الشفايف شوي اسمه ورقمه rtue red 090
اللي من انجلوت لون اورانج رقمه 156 حلو لونه انا بحب اللون الاورانج والمشمشي والاحمر
وبس
ان شاء الله يعجبكم الموضوع