بنات اليوم رحت الصالون وسويت لي منكير وبديكير وتالي رحت صالون ثاني اسوي فيه وكس للجسم والصراحة كنت خايفة:( لاني متعودة اروح حق صالون اللي سويت منكير عندهم ولكنه زحمة عندهم فرحت عند صالون ثاني وقلت لهم اني ابغي وكس للجسم قالوا لي اوكية دخلت الغرفة اللي كانت صغيرة وتلوع الجبد معن الصالون كان مشهور....:mad:
المهم
شغلت مكينة الوكس ولاحظت انه الوكس اللي تستخدمة غير عن اللي كانوا ايحطون لي في الصالون اللي متعودة اروح له هذي الوكس اللي تستخدمة لونه ابيض وعندها علبة ثانية عشان اذا كمل لون اللي فيها اخضر وانه سالتها قالت لي هذي الوكس اهوا المفروض جذي ايكون لونه والصالون القبلي كان لونة ذهبي مثل الشيرة او الحلاوة الظاهر كانوا يذوبونها ويستخدمونها فيوم ابتدت علي كنت امغمضة عيني خفت تحرقني حرارة الواكس مثل ماكان يحرقني قبل عند الصالون اللي متعودة عليه بس ماحسيت بشي تعجبت :-oوحزتها تاكدت انه الصالون القبلي ايقشون وما يستخدمون وكس انما الحلاوة اللي لين حطيتيها وهي حارة تحرق وما تشيل عدل يعني في الجسم ايتم شعر :mad:وغير الالم :'(صج اخف من الحلاوة بس بعد ايألم .....
وجفت علبة الوكس وهو ريكا والصراحة اللي تفكر تشتري مكينة الوكس خلها تشتري هذي النوعية من الوكس لا حرورة ولا الم يعني صج روعة ....
وترى في انواع وايد دخلي قوقل وجوفي فيه على نكهات مختلفة ....
والبنات اللي يشترون الوكس من فيت ولا من هالماركات اللي في السوبر ماركت لانهم ما يحبون ايروحون الصالون ويتكشفون روحوا اشتروا مكينة الوكس وشتروا هالنوعية من الوكس لانة انه مرة وحدة استخدمت هذي الشمع اللي من فيت وصراحة ايالم لانه المفروض الشمع ايكون ذايب ومن عقبها ولا شريته مرة ثانية .......
سوري على الهذرة وان شاء الله استفدتوا من هزتي شي :o
سي يو ....