اخر تطورات الظاهر انه بيضحك عليا

اولا احب اشكر كل الاخوات الي وقفو معايا في موضوعي السابق وشكر خاص لاختي belle vie الي ساعدتني وسمحتلي استخدام حسابها الله يفرج همها.

هذا رابط الموضوع القديم http://forums.3roos.com/showthread.php?t=637236&page=3
واحب اقولكم انكم ساعدتوني وفتحتو عيوني على اشياء كثيرة

انا كان عندي امل في الرجال لانه في البداية كان طيب وبيقطع وقت المشاكل ويتغير بعدين بيرجع بس اخر مرة زودها .

ودايما عندي احساس بتانيب الضمير لان كنت ساعات بتنرفز منه واضرب معاه وقد قلتله ان حسافة ان راهنت اهلي عشانك فخفت انه هذا الشي هو الي بعده من ناحيتي مع انه كان مبعد من قبل الموضوع دا بعدين لما جلست مع نفسي شوية افتكرت ان انا ماقصرت معاه ...انا صبرت عليه 7 شهور لما يجي من برا وضيعت اشياء كثير خلال ذي الفترة...ابويا كان يقول هذا انسان مو جاد ولا كان حاول يجي با اقرب فرصة ...وراهنت عليه عند ابويا
عمري ما عيرته بعيوبه مع انه مليان عيوب ...كنت دايما اسال عنه واحاول اتقرب منه بكل شكل واشجعه بس هو كان ما يديني فرصة
كان ما عنده ثقة في نفسه خليته واثق كان كئيب وحزين حاولت كثير اغير طريقة تفكيره ...لكن للاسف هو ماكان يساعدني لا يصارحني بوضعه ولا يحدد ايش يبغى ولا ستمحلي اتقرب واساعد

وفوق هذا كله عنده عدائية شديدة اتجاه العالم اي تصرف يطلع مني لو بحسن نية كان يقعد يعقد الامور عليه ومهما ابرر بدون فايدة...اعتذرتلو بما فيه الكفاية ...واتحجج انه يحتاج وقت مني فاهمة ايش يبغى بالوقت دا ...بس لانه انسان ضعيف وصعب يتعامل مع المشاكل بدون ما يستحضر ماضيه التعيس ويبكي على الاطلال

امس كلمتني اخته وكانت متفشلة منو ...قالت لي انت انسانة طيبة مرررة و انا حبيتك ويشهد الله لو ولدي كبير كان خطبتك لو لانك طيبة واهلك طيبين...وربنا حيعوضك با انسان (يسعدك ويحترمك ويقدرك ويحبك) لاحظو كلام اخته معناه عارفة حقيقة اخووها .

بس هو يقول ما يبغى يتزوج خلاص وان انت انسانة طيبة والف واحد يتمناكي بس ( هي ما تستاهلني ):-o
يقول انا ما استاهله .
قلت لي اخته : صح انا ما استاهل اخوكي لانه استاهل الي افضل منه وهو ما يستاهلني ...واذا انت هذي شاهدتك على اخوكي معناتها لا ارجو منه خير ...

صدقا :اذا اكرمت الكريم تملكته واذا اكرمت اللئيم تمردا
لكن ما اقول الا حسبي الله ونعم والوكيل ...واللهم اجرني في مصيبتي واخلفني خيرا منها

وكل شوية اخته تقولي انت ربنا حيعوضك بسيد سيده وحتتصلي عليه تقوليلي الحمدلله ان ما اخدت اخوكي..وان شاء الله هذا الي حيصير
مسكينة اخته متفشلة منو لكن اخوها مالو في الطيب نصيب ....وربنا يهدي ...لو سمحتو يا اخوات لا احد يدعي عليه ...انا سامحت لي وجه الله