مصيبه محرجه جدا بس ياريت الاقي حل

السلام عليكم ورحمه الله وبركاته
يعطيك العافيه اختى
اختى انا بدي اكتبلك مشكلتي او بالاحرى هي مشكله عائله كامله ومو عارفين كيف نتصرف فيها وانا والله بكتب وانا خجلانه ومو عارف ايش احكي
المشكله باختصار انه ابن اخت زوجي كان بيحب بنت وطبعا قبل فتره الشب اعترف لزوجي انه البنت حامل منه على العلم انهم صغار هي 17 وهو 18
وطبعا انت عارفه مشكله متل هيك بيروح فيها رجال المهم طبعا لممنا الموضوع وراحنا طلبنا البنت وصارت خطبه رسميه والبنت نزلت الي ببطنها
بس ما حد قادر يستوعب الفكره او يتقبل هالبنت طبعا همه هلا رح يتزوجوا ورح يعيشوا ببيت اهله لانه اكيد مارح يقدر يفتح بيت
طبعا امه رافضه انها تعيش معها او انها تتقبلها اصلا بنحاول معها بكل الطرق انه ازا مارضيتي ابنك رح يروح منك وهي رافضه ابدا بتقول انا بقدر اشوفها كل يوم ما بقدر اعيش معها بنفس البيت انا كل ما اشوفها بتزكر خيبتي بابني وكيف اول فرحتى راحت
طبعا الموضوع ما بيعرف فيه من عنا من العائله الا انا وزوجي وامه وابوه وسلفي الكبير الباقي بيعرفوا انه هو بده اياها وخاف انه تخطب او تروح منه علشان هيك خطبوا بكير وهمه صغار هلا زوجي بيقلي انتوا ستات متل بعض اقعدي واحكي مع ام الولد بس انا مش عارفه كيف اقنعها اصلا لانه انا نفسي مو مقتنعه يعني كيف بدي اقنعها باشي انا مو مقتنعه فيه
فانا بدي ازا عندك نصيحه او حل او اي اشي اقدر اقنعها فيه بعرف انه الموضوع محرج وبيخزي بس الي صار صار خلص يعين متل ما بيحكي المتل بدنا نلم فضيحتنا عنجد اختي لا تتصوري المعاناه الي عم بنعيشها ولا تتصوري حاله امه كيف وزوجي بيقلي الكل مركن عليك لانك انتي الوحيده الي بتقدري تحكي معها احنا رجال مش قادرين نحكي معها
طبعا وضع اهله المادي ما بيسمح انه ياخدوا بيت حالهم واصلا لو اخدوا بيت لحالهم من وين بدهم يعيشوا هو ما بيشتغل
ياريت تكسبي فينا ثواب وتدليني ايش اعمل