بسم الله الرحمن الرحيم ..,
السلام عليكم بنات , بتكلم على طول
صديقتي وتوأم روحي , معروفه بين أهلها أنها انسانه ( مطوعه ) يعني ملـتزمه ومتدينه جدا
والحمد لله , لا أغاني ولا أفلام سيئه تراها و أهم شيء ( لا تحلف بالله كذب ) ,
الشيطان دخل لها من باب ( الحليف بالله ) وانحطت في موقف جعلت عائلتها يفقدون الثقه
بها ., :'(
والموقف سخيف جدا ولكن البنت عندها عداوه من أمها و أختها .... هم الأثنيين يعادونها جدا
لكن لما الموضوع يكون فيه دين ولا رأي ولا يحبون يحفظون امانه يأتو ويحفظوها عندها ,
المهم امس كانت متشاجره مع امها .., امها السبب كالعاده , .. ثم ذهبت صاحبتي
لتراضي امها بطبخ العشاء لها .., بس امها رفضت وقالت :- اريد فقط كوب ماي
وصاحبتي من العجله الي فيها راحت جابت لأمها كوب ماي (( الكوب هذا نظيف بس شكله
حد شرب منه )) فراحت على طوول جابت لأمها الماء .., والأم سألت هذا الماء نظيف
قالت ايوه .. قالت لها كان الكوب مسكر ولا مفتوح ,,
في هاللحظه ( دخل عليها الشيطان وقالت لنفسها اذا قلت مفتوح امي بتزعل وتقول جبتي
لي كوب وسخ ) فقالت البنت كان الكوب مسكر .. قالت أمها :- أحلفي .., قالت : والله العظيم
انه نظيف ,:(:(:(:'(:'(:'( قهههههههههر ياليتها ماحلفت ,
قالت الأم :- انتي كذابه لأني شفت الأكواب الي كانت موجوده قبل لا تجيبي الماي كلها
مفتوحه ... وقالت :- حسافه والله وحده تصلي وتصوم وتذكر ربها ودايما تعطينا مواعظ وهذا
غلط وهذا حراااام أخر شي تحلف بالله كذب .. ياخيبه بس .. طلعتي مطوعه غشاشه
بالكذب ...))) هذا كلام امها ,
والبنت حاولت تجيب مبررات لكن بدون فائده .. قهر والله كانت لحظه شديده عليها
انا عن نفسي قلت لها (( تطلع كفاره او تصوم )) هي قالت ان هذا مو مشكله راح تسويه
المشكله صورتها الي اهتزت قدام عايلتها ...,
المشكله ان امها واختها دايما يدورون عليها الزله عشان يحرجوها في العايله ,,
مابالكم بالزله الكبيره الي صارت والحليف الكذب .., صدقوني امها ما بتخلي حد
من العايله الا وتقوله عشان يتشمتوا فيها ,
صاحبتي في حاله مايعلم فيها الا الله ... والله انها بنت خلوقه جدا وتخاف ربها وتقرأ القرأن كثيرا
لكن تأثرت بلحظة ضعف وحلفت كذب ,
تخيلو الموقف الآن .. تكون بين مجموعه من الناس ماخذين فكره عنك ان انته انسان جيد
و و و ... آخر شيء تهتز صورتك امامهم ... وهذا الي حيحصل ... اتوقع الكل الحين بيعايرونها
شوفو المطوعه شوفو الملتزمه طلعت كذابه ..,
وفي شيء ثاني ... هي قالت لي : انها دايما تصير بينها وبين اختها مشاكل ..,
فلما تجي الأم تتأكد من الصادقه فيهم من الكذابه ... تخليهم هم الثنتين يحلفو ..
وطبعا صاحبتي تحلف لأنها صادقه اما اختها لا ... فخلاص تعرف هي وامها ان اختها كذابه
فتروح الام تعاقب اختها وتخاصمها .... لكن الحين تخيلو الوضع !!
محد رح يصدقها ... والله مقهوره حييييل عليها لأني هاذي ربيعتي اعرف كثيرا
واعرف نوايها الطيبه .., أرجووووووووكم بنات
شو الحل كيف ترجع ثقه عائلتها فيها .., و أهل البيت كلهم ..,؟؟
عطوني حلووول الله يخليكم ... لأنها جالسه لحالها في الغرفه احس جتها حاله نفسيه
وصدمه من نفسها ,