سااعدوني ارجوكم عذاب اهل الزوج

كان الله في عونك حبيبتي ,,, اذا زوجك يحبك وواثق فيكي ماارح يسمع لااحد ,,, وكلي امرك لله عزوجل

ولاتخافي خليكي قويه وحااازمه في كلامك بس بذوق

وربي يفرجها عليكم وتستقلي في بيت خاص لك

الله يعينج الصراحه احس خوات الريل هم بس طبعاا مب كل الخوات

ادعى الله يهديهم ومهماا صار حاولى انج ماتدخلين عندهم ف مشاكل دام طبعهم اجيه

وخلي ريلج يتافهم وياهم ويشوف سالفة الخدامه يعنى مايت الفاتوره الا عليهاا

والله يبعد عنج المشاكل ويخلى لج ريلج وبناتج .

الله يعينك بس بالخرتقولي علشان ريلك بدك تتحملي لنو كويس وهم حسبي الله ونعم الوكيل فيهم

جوفي حبيبتي الي صار يصير في كل البيوت , بس انتي خليج ذكيه ولا تخلين مثل هالمواضيع

التافهه , توقف اما حياتج وتكون السبب في خروجج من عندهم انتي بنفسج ذكرتي أنهم

طيبين , يعني الي صار مجرد موقف عابر , وبالنسبه للسانهم الطويل انتي بنفسج قلتي

أن هذا طبعهم , بما أنج عايشه معاهم , حاولي أنج تتفهمين لطبعهم , اهم شئ قلوبهم

تكون بيضه , في نقطه حبيت الفت انتباهج لها والله اعلم يحسون أنج مب مفتكره فيهم واجد

رغم الي تسوينه لهم مب حاسين , اهل زوجج يبي لهم وحده عياره , تجاملهم تشججهم

تشجج , يعني نصيحتي في المره القادمه , اذا سمعتي علوا صوتهم والموضوع ما يسوى

خليج محايده , قولي معليه يمكن الخدامه نست , لا تصيرين ضدهم أنا ما ابيج تخسرينهم

ونصيحتي الأهم بوايد من هذي كله , اذا ليحين ما كلمتي زوجج بخصوص هذا الموضوع لا

تكلمينه , لا تدخلينه في مشاكل مع هله , دايما هله اذكريهم بالخير :thumbs_up:

[
]
[
الله يهديهم ويصلح شانهم ويكف شرهم عنك

اختي شوفي مهما يصير بينكم
الافضل انك ماتعلمي زوجك
وتتركي المشاكل والمواقف الي تصير بينكم
حاولي قدر الامكان انك ماتقعدين كل مرة تقولين
اهلك سو اهلك قالو اهلك كذا وكذا

هو واثق فيك اكيد
ويدري عن طبع اهله وخواته
لكن مابيرضى يقول هالشي فيهم
لانه اهله محدن يرضى ع اهله

ف لاتحرجينه ولاتحرجين نفسك
ولاتخربين صورتك امامه
لان مابيده شي يسويه حاليا
ف كلامك وشكواك
مابيفيد ولا بيغير بالي صار

تحملي مدام الامر متوقف ع شغالة
شي مايخصك مو مهم
الاذية هذي ماتعتبر شي كبير حتى تقولين لزوجك
اذا الامور هادية اليوم
لاتخلينه يفتح الموضوع معاهم

مو حلوة بحقك
تقولين له وبعدين يعرفون هالشيء وياخذون عنك موقف
"ركضت وقالت لزوجها"

موبصالحك حتى
بكرة يزيدووووووووووووووووون
[
]
[

الله يكون بعونك يارب

بصراحه انا ضد ان الزوجه تعيش مع اهل زوجها مهما كانو طيبين لان الا مايغارون منها

ويجلسون لها ع الرايحه والجايه

وترى مو بس انتي كل وحده متزوجه معروووف اخوات زوجها واهله بصفه عامه

يقعدون لها ويكرهونها

علشان كذا تحملي ه الفتره لين يطلعك ببيت

وحاولي تقللين احتكاكك فيهم

ولاتسمحين لهم يتمادون عليك نصيحه لانهم راح يقولون ضعيفه شخصيه

ويتولونك ويسوون اكبر

اقطعي الشر وخلي اللي بينكم اشياء سطحيه لين تنقلين

وتفتكين منهم

موفقه

انا مع الاخت نونو مالي انا

كلامها ميه ميه


والله يسعدك ياارب......

موفقه حبيبتي ...

أشواك ورد;15647672:
جوفي حبيبتي الي صار يصير في كل البيوت , بس انتي خليج ذكيه ولا تخلين مثل هالمواضيع

التافهه , توقف اما حياتج وتكون السبب في خروجج من عندهم انتي بنفسج ذكرتي أنهم

طيبين , يعني الي صار مجرد موقف عابر , وبالنسبه للسانهم الطويل انتي بنفسج قلتي

أن هذا طبعهم , بما أنج عايشه معاهم , حاولي أنج تتفهمين لطبعهم , اهم شئ قلوبهم

تكون بيضه , في نقطه حبيت الفت انتباهج لها والله اعلم يحسون أنج مب مفتكره فيهم واجد

رغم الي تسوينه لهم مب حاسين , اهل زوجج يبي لهم وحده عياره , تجاملهم تشججهم

تشجج , يعني نصيحتي في المره القادمه , اذا سمعتي علوا صوتهم والموضوع ما يسوى

خليج محايده , قولي معليه يمكن الخدامه نست , لا تصيرين ضدهم أنا ما ابيج تخسرينهم

ونصيحتي الأهم بوايد من هذي كله , اذا ليحين ما كلمتي زوجج بخصوص هذا الموضوع لا

تكلمينه , لا تدخلينه في مشاكل مع هله , دايما هله اذكريهم بالخير :thumbs_up:

وانا مع كلام اشواك ورد

فديتكم اشكر كل من رد على موضوعي
ياجماعة اللي قاهرني انهم يعاملوني ملاك عدال اخوهم وواااايد عيارات عنده ولما يكون ما موجود عادي يجرحوني وهذا اللي مخلي زوجي ما يقدر يتخذ موقف ..لانه ما يعرف حقيقتهم
المهم اللي صار ان زوجي لما رجع من الدوام كلم امه بالموضوع بعدما وداني ازور اهلي طبعا بكل عقلانية لان زوجي جدا عااااقل ويعرف يتصرف بعقلانية وانا صرت زينة مع عمتي لان ما اريد اخسرها ولما سألته شو وجهة نظر امك عن ال صار؟ قال: كله خير ان شالله.. وبس كل ردوده كذا لانه ما يريد يشحن الاجواااء فديته .. لكن اخته الحقودة اللي قهرني انه يعاملها عادي وتضااااايقت منه لانه ما رد لي اعتباري عالاقل يحسسها انها غلطت بحقي واااايد
وانا رسلتله البارحة بعدما داوم قتله اني متضايقة منه لانه ما سوا شي عشاني.. انا ما قصدي يضاربهم او يخاصمهم ابدااااااا انا اخاف الله وعندي اخوان ما ارضى بس عالاقل يحسسهم انه ما يرضى عليي..مااعرف شو كانت ردت فعل عمتي لكن احسها متلومة شوي وتسولف وياي احسن.. الله كريم
بس كيف اتعامل مع زوجي؟؟ لاني لما شفت اخته حسيت اني بنفجر ف وجهها لكني تملكت نفسي ما اتحمل اشوفها بعد الكلام اللي قالته لي الله يسامحها

أختيه .... استهدي بالله

من وجهة نظري أحسن زوجج ما كلم أخته ... لنه يمكن اتصير حساسية امبينكم أكثر

دام إن عمتج تحسن أسلوبها معاج ... إن شاء الله باجي خواته بيصيرن أحسن

وخذي ابنصيحة أحدى الخوات اللي قالت خليج محايده .... وربي يوفقج لما فيه الخير والصلاح

شوفي اختي كلام اختي دلع بنات صح و ازيدج من الشعر بيت ... بالنسبة لاهل الزوج كوني دبلوماسية اعطيج مثال... اذا صار لج موقف معاهم حسسيهم انج موب مهتمه و عادي مشي الموضوع و لكن اتري الين يحصل موقف مشابه للموضوع او قريب منه لوحده منهم ردي ببورود ... اوضح اكثر ...

مره كان عندي عرس أحد من اهلي و عزمت حمياتي (خوات زوجي) لكن ولا وحده عبرتي اصلا ما يفتكرون فيني ... المهم انقهرت من الموضوع يعني على الاقل مسج اباركولي موب لازم اجون العرس اعرف ان الناس عندهم ظروف ... عد كم يوم و استوت مناسبه لمرت حمي (زوجة اخو زوجي) و نحن قاعدين قالت وحده من حمياتي و الله لازم انسير العرس و عيب اذا ما سرنا و من هذا الكلام .... اهنيه انا رديت بكل برود و الله اقولك ما حسستها اني امعصبه او شي قلتلها (عرس بنت عمي محد حضره و احين ذابحه عمرك على هذا العرس) اتصدقين قعدت تتحجج و بعدين عرفت انها ما سارت العرس ...

اتخيلي اختي والله كوني بارد و خذي حقج بنفسج ولا تنتضرين زوجك ارد حقك لان مهاما اكون هم اهله و ما يرضى عليهم و لا اتقولين انا زوجته بس هم خواته قبل لا اكون زوجك ... و لا اتقولين لزوجك شو اصير بينج و بين اهله خذي حقج بروحج لان انا عندي قاعده (ليش اخرب حياتي الزوجيه عشان مشاكل خارجيه و مالها دخل لا فيني و لا في زوجي)...

و الله اوفقج ان شاء الله و ايسر امورج يا رب....

حبيبتي عليييييييك بالدعآء ان الله يسخرهم لك....

يمكن تعبو فعلا
وحبو ان خدامتك تساعدهم قولي ماعليه انا بكلمها سالفة المكيف يعني تنفيس عن غضب اتوقع لانها مو سالفه
بس يمكن بيبردون حرتهم في الخدامه
خليها مره تساعدهم ومره تقعد عند اطفالك خصوصا اذا كانو نايمين عادي تروح وتخليهم
اما بالنسبه للصراخ صعبه وقويه يعني
الصبر مفتاح الفرج لاكن خليك قويه وبنفس الوقت طيبه يعني امسكي العصا من النص لاتكن لينا فتعجن ولا صلبا فتكسر<<<------ جاتك ام النصايح هههه:-#
ومن ناحية ان اهل الزوج يحبون الزله هذا شي حقيقي وموجود في غالبة البيوت على مواضيع ماتسوى بس اصبري لين تلقون سكن

اختي لا تزعلي حالك و لا تتضايقي هذه الامور دايما تحصل مع اهل الزوج، بس المفروض خدامتك تلزم حدودها و تضل ببيتك تسوي شغلها و اذا خلصت تقعد مالها دخل بصاحبتها ، و هم اذا شغالتهم الشغل كثير عليها يجيبوا واحدة ثانية، لان هالاختلاط بين الشغالات راح يجيب المشاكل

كان الله في عونك أهم شي زوجك بما انه طيب وتحبون بعض حافظي عليه وما عليك من أخواته وحاولي تدافعين عن نفسك بدون ماتجرحين زوجك أو تشتمين أهله وكل زوجه تعرف كيف تكسب زوجها
وشغالتك خليها عندك ولاتختلط فيهم أو في شغالتهم مو شرط تسااعد شغالتهم

حبيبتي انا راي انك تصبرين على اهل زوجك لانه هو زي ما تقولين انا حالتكم الماديه ماتسمح
وهو اصلا بين ذحين نارين بينك وبينهم
فالفضل لك انك تصبرين حتى ظروفكم تسمح تستاجروا بيت لوحدكم وترى الرجال يحب الزوجة الى تصبر عليه وخاصة على اهلة

اهلا لا تخلي مشكل الخدامه يخرب ليك بيتك فعليك بالصبر ثم الصبر وكونى دبلوماسيه وكل حاجه تكون بخير بادن الله تعالي

عزيزتي حاسةبمعاناتج
الله يرزقج البيت الملك ال يريحج ويريح زوجج
صدكيني ماكووحدة عاشت وية عيالهة الة وشافت
ايام مرة الا ماندر
انصحج حاولي تتغاضين عن كثيرمن الامور وتهدين على نفسج ال خاطر اعصابج اولا وال خاطرزوجج لأن مو اب ايدة حيلةثانيا
وصدكيني حتى لوماكلتي ال زوجج عن عمايل خواتة ترةهوةحاسس بيج
لأن يعرف ابخواتة
عيشي يوم بيومة وحاولي تسيطرين على اعصابج وانصحج لو مهما على صوت خواتةوامة عليج التزمي بالصمت (ال خاطر حكمة لا ينسب قول لصامت) تدرين ليش حبيبتي
لأن وقت الهوسة راح تصير كلمتهم ضد كلمتج
وعددهم كبير
بس من تكونين صامتة راح يحسبولج ومراح يكدرون يقولون كلتي فلان كلمة لأنج سكتي
:thumbs_up:
وقوي علاقتج بربج
والله يفرجها على كل وحدة مظلومة
وسلامي الج