ساعدوني يدي فالته

مسكين حرام ساعات صج من الطفش والتعب الواحد غصب عنه بس حرام يمكن

جوعان عطشان او يبي تبديل بامبرز انتي اول مايصيح شيكي كل هالامور واذا لا

يمكن يبغا ينام واذا لا قيسي حرارته ترا مسكين ماعنده الا الصياح يعبر عن اللي فيه

يمكن بردان ملابسه خفيفه او ملابسه مضايقته

وعمره حلو حق العاب والوان تلفته حطيه بكرسي فيه موسيقى او هزاز وفي تعليقات يلعبو فيهم اليهال يحبونهم مثل المفاتيح وغيره

حاولي تغني له سولفي معاه عادي ترا الياهل يحب الام لما تكلمه يعني يمكن طفشان
والله يعينك

مشكوره اختي ..

ان شاء الله بسوي اللي قلتي عليه :)

الله يهديه ويصلحه

الاطفال بهالعمر ما عندهم الا البكاء اذا كان فيهم شي ..

احب ازيد على كلام الاخت ( شجون ) يمكن ولدك عنده غازات في بطنه .. لأن كثير من الاطفال ما تروح من عندهم الا على 6 شهور او 8 شهور بعد ..

انتي علشان تريحين نفسك وتريحين ولدك اذا كان عنده مغص غازات سوي له يومياً .. مغلي اليانسون ..

طريقته :

تجيبي ابريق جديد ويكون خاص لولدك .. وحطي فيه نص كاس ماء تحلية + ملعقة صغيره من حب اليانسون .. وخليه يغلي خمس دقايق او لحد ما يتغير لون الماء ويصير اصفـــر ..

بعدها خليه يصفي ويبرد شوي ..

حطي في مرضعتـه 1 حبة سكـّر نبات .. وصبـّـي عليها مغلي اليانسون .. وحركيها لحد ما تذوب السكـّرة .. وياليت لو تشربينه اياه وهو دافي احسن له ..


:)

اففف الله يعينك ويهدي الجميع
والبنات ما قصروا


ذكرتيني بنفسي لما جبت ولدي العود كان عمري 20 سنة وكنت بالجامعة وما عندي احد يساعدني عليه في البيت ولما احس بالضغط اعصب واضربه كثير بس الحمدلله بعد مدة تعلمت شلون اضبط نفسي وللحين رغم ان صار عمره 7 سنوات ونصف الا اني وايد ندمانة ع الضرب اللي ضربته اياه وما احب اضربه الحين لان احس اني ظلمته في صغره ..
والحمدلله جبت بعده ولدين وضبطت نفسي شوي معاهم وما انضربوا مثل اخوهم :o