ما ادري شسوي

السلام عليكم خواتي
كيف حالكم
انا دخلت المنتدى عشان اعرض عليكم مشكلتي ايلي ما ادري كيف صرت فيها
و ان شاء الله بلقى العون منكم

انا صديقتي عرفتني على شخص معروف و مشهود له بالدين و الاخلاق بين الناس و منهم ناس اعرفهم و هذا ايلي خلاني اثق فيه و ما كان بيننا اي تواصل الا بالايميل و بالنادر كمان و اتعرفت عليه عشان كنت مسافرة و هو كان يحاول يساعدني ببعض الاوراق
و ما شفته ابدا و لا شافني
يعني كل تعاملنا كان من بعيد لبعيد
و هو عايش ببلد تاني غير بلدنا
المهم صار لي تقريبا حوالي ال4 سنوات على معرفتي فيه
اول سنة ما كان في شي ابدا حتى السلام مافي
السنة ايلي بعدها بدا تلميح عن الاعجاب ما اعطيته اهمية
و كذا الى هالسنة دخل عالماسنجر و سالني انت ليش ما تردين عليا و حتى ما تسلمين
قلت له مافي شي بس انا ما احب ازعج احد يمكن مشغول او اي شي
و لو انت تحب تتواصل انت بتبدأ
و من يومها بدأنا نتكلم مع البعض
و صار يقول انه يبغى يتزوج و انه دائما يفكر فيني و انا ما اعطيه وجهك و من هالكلام
على فكرة هو متزوج بس حرمته و عياله ساكنين ببلد تاني
دارت الايام و صرنا نتكلم كل يوم تقريبا اما بالنت او الموبايل
و في يوم طلب مني احضر حفلة امه مسويتها حق اخته ايلي تزوجت و قال هذه فرصة تتعرفي على الوالدة و الاهل و انا ما قدرت اروح و قلنا خلاص امر الله
و استمرينا بالكلام مع بعض
و مرة اتصل و قال لي انا اليوم جاي البلد يعني بلدنا ايلي هو مو مقيم فيها
و انبسطت انه جاي و قلت خلاص هانت ان شاء الله بيخو خطوة جادة
و اول ما وصل اتصل فيني و سلام و كلام و كذا يعني
بعد 4 ايام بدات مكالاماته تقل و رسائل مافي يعني يمكن كل يومين رسالة
و لما ارسله و اسال عن حاله او اتصل يقول سامحيني مريض و فعلا صوته مريض هذاك الوقت فا عذرته
بعد هالحادثة ب 3 ايام كان المفروض نلتقي و نشوف بعض و نجلس نتكلم عن امورنا
و هو حتى ما اتواصل يسأل عن هاللقاء
و انا طنشت ما سالت متى بنشوف بعض او اي شي
بعدها اتصل و يعتذر و يقول و الله عندي ظروف بالبيت
المهم بنفس هاليوم كنت بالسوق و كنت ناوية اعطيه هدية او اي شي مقابل خدمة سواها لي و ما اخذ فلوسها و المبلغ كبير و انا ما احب احد يعطيني شي بدون ما ياخذ اجره او مقابل هالشي من فلوس
و لما هو ما رضى يأخذ الفلوس فكرت اشتري له هدية بمثابة مقابل على هالخدمة
و اشتريت هالشي و في نفس الوقت اتصل و قلت له تعال ابغاك بشي قال انتي و ين قلت بالمكان الفلاني قال انا الان وياي ناس بعد الصلاة بمر لك بسرعة ما اقدر اتاخر عليهم
قلت اوكي قال منو بيوديك البيت قلت باخذ تاكسي قال لا ما تركبي تاكسي بروحك انا بجي اوصلك للبيت
و قلنا اوكي
و فعلا جاء و اعطيته هديته و وصلني للبيت يعني كل ايلي شفته فيه هو 5 دقائق مسافة الطريق للبيت و اتصل بعد ما وصلني و انه مبسوط و مو مصدق عمره
و من يومها لا حس و لا خبر و لما اتصل يقول لساتني مريض
و من وقتها بدات احسه يبعد و كل ما ارسله رسالة ابهدله يقول سامحين بس عندي ظروقف و لا تظلميني و تسبقي بالحكم عليا
و سافر و احنا على هالحالة
المشكلة اني مو قادرة اصدق انه هو يسوي كذا لانه مافي احد اساله عنه الا يقول هذا رجال زين ما عليه شي و ماله بسوالف البنات و هالامور
الان الاتصالات بيننا قلت كثير و حتى لو اشوفه عالنت ما اكلمه الا لو هو اتكلم
و لما اقوله ليش كذا
يقول و الله انها ظروف و سامحيني لو ضايقتك بشي بس انا هالفترة امر بظروف مو اوكي بالبيت و العمل

انا الحين مو عارفه شسوي وياه يعني اصبر عليه و هو صار له اكثر من شهر على هالحال و لما احاول افتح الموضوع ما يحب يقول ايش فيه و هذا طبعه من يوم عرفته يقول الرجال مو لازم يتكلم و انا طبعي ما احب الكلام و لما تكون عندي مشكلة احب اجلس بروحي و هذا شي قاله لي من اول ما اتعرفت عليه

دحين انا مو عارفه ايش اسوي
هو مو راضي يتكلم و انا مدري اهو لسى على وعده و الا ايلي يسويه رسالة يبغى يقولي فيها خلاص احنا انتهينا
مع اني كل ما اقوله خلاص كل واحد يروح بنصيبه يقول يا بنت الناس انا محتاج وقت ارتاح فيه من ايلي بيصير معي
و كمان بداية تعارفنا قال خبري الوالدة انه انا موجود بحياتك و قولي لها كل شي عني و انا وسويت نفسي قلت لها قدامه و هو ارتاح اني كلمتها
الحين عونكم شسوي معاه دلوني
برايكم هو لسى يبغاني و الا خلاص