الظاهر انه بيضحك عليا

السلام عليكم ورحمة الله وبركاته

حبيباتي انا مني مشتركة معاكم في المنتدى واخدت حساب قريبتي belle vie الله يفرجها عليها عشان اعرض مشكلتي عليكم .

انا الي صار ياحبيباتي انه من 7 شهور جاني عريس وهو وقتها كان خارج البلاد. وبعد 7 شهور جاء خلال هذه الشهور اتخليت عن اشياء كثيرة عشان هذا العريس لاني كنت مرتاحة لو مع اني ما شفته ولا كلمته...يعني اهله الي بس جو خطبوني .
بعد7 جاء واتقدملي رسمي وسوينا الخطوبة ماشاء الله...وبدانا نتعرف على بعض هو طيب لكنه عنيد جدا وعقله صغير.

هو امه انفصلت عن ابوه وعمره 5 سنوات واتربي على يد مرت ابوه وهي امراء قاسية ....ولما كبر حب بنت عمه وخطبها وبعدين تركها ولم يخبر احد من اهله عن السبب ...واخبرني انها طعنته بدون ما يذكر التفاصيل ....بعدها خطب 3 مرات واكن يرفض او يغير رايه بدون ما يذكر السبب على حسب كلام اخته.

هو لما تجيلو مشكلة يومها ما يكلمني ولا يسال عني بالمرة واذا اتصلت عليه ما يرد....لكن قبل اسبوعين اتضرب مع مرت ابوه وبهدلتو جدا...يومها ان كنت بتصل عليه مايرد لما قلقت عليه وكلمت اخته وهي الي فاهمتني ...ومن وقتها فضل اسبوع وهو ما يكلمني واذا دقيت ما يرد او يقول شوية واتصل وما يتصل مع انه بيخرج مع قرايبه وبيروح كل مكان يعني نفسيته اتعدلت الا عليا انا.

انا صراحة عصبت و خصوصا انه ما بيني ايش ناوي يعمل يعني لما اكلمه على كتب الكتاب شوية يقول طيب قريب وشوية يعصب يقول ليش مستعجلة اروح ولما ارجع نعمله ...سالت طب ايش المشكلة نعمله دحين انت عندك مشكلة مادية كان يقول لا و يقول انه وضعو خارج البلاد جيد جدا .

بعد ما مر اسبوع وهو لا يتصل ولا يسال اضربت معاه وقلت انت تبغاني ولا لا ...قعد يقول ان مني فاضيلك عندي رجل وانا مصرة على السوال قام قال...لا خلاص ...انا لالالالالالالالالا.
قمت قلت له وانا ما ابغاك كمان . وقفلنا.

وكلمت اخته على طول قالت لي هو بس كان عنده مشاكل مرررا كثيرة وهو امورو متعسرة وهو بيتهرب مني لاني ضاغطةعليه ومستعجلة و انه هو حاليا مايقدر يتزوج عشان وضعو المالي وعمله غير مستقر .

حسيت بتانيب الضمير ورسلت له رساله ان نبدا من جديد وانها لحظت شيطان بس ما رد عليا...بعدين رسلي رسالة عتاب.
فرسلت له رسالة اعتذار وقلت له خلينا ناخد فرصة تانية قال انا دحين لوحدي ما احد معايا قاعد مع نفسي عندي اشياء اعملها .قلت له خلاص خد وقتك قال طيب.

قبل امس الصباح كتب انه زعلان ومكتئب ...فحزنت عليه و رسلت له رسالة انه اختو فهمتني كل شي وان انا صابرة عليه وان انا شاريته وما همتني الفلوس وبرضو ما رد
امس كنت با العب مع بنات خالاتي في البلاك بيري وكتبت في البرسونال حقي انا اطمنت على مستقبل عيالي ...انجن صار كل شوية يغير صورتو ويكتب انا قريب حتزوج ....و وحشتني حبيبتي ...وياعاهرة العائلة تاتي اولا...وان مستعد اعمل اي شي عشانك...(عامل انه بيحب وحدة تانية ويبغى يقهرني وان الغزل هذا كلو عشانها).

انا هنا جن جنوني وقررت امسحه من عندي من البلاك بيري وان ما اتصل عليه ابدا.

المشكلة اهلي مو دارين عن شي...وانا دايما مبعدة اهلي عن الموضوع...واختو تقعد تقول اصبري عليه معليش هو تعبان نفسيا وعنده مشاكل.

بس انا تعبت من قلة الاحترام...يعني حتى لما كنت برسله كيف حالك بيشوفها ولا يرد.

انا بفكر اكلم اهلي والغي الموضوع اليوم...وشوية اقول استني شوية يمكن يعتذر ...
انتم اايش رايكم
مع العلم اني استخرت اكثر من مرة بس مني عارفة ايش اسوي.

ملاحظة انا ليست BELLE VIE بل قريبتها