زوجي متين و استحي امشي معاه احس ماعندي ثقة

a7la_dalo3a;15639861:
هلا حبيبتي يا حليله حرام لا تقاطعيه عن الاكل اول هو رجال ويحتاج طاقه واصلا ياكلون دبل الحريم معروف هالشئ لا تحرمينه من الاكل بس خفف يعني استبدلي زيوت الطبخ في البيت بالزيت زيتون ثاني شئ اكثري من الخضار يكون ستيييييميد (مطبوخ بالبخار) ليش لان يحافظ ع قيمه الغذائيه والنكه يعني نوعي في الاكل يوم شئ وبكميات معقوله

اولا اذا بتسوين عيش اعملي كوب واحد فقط اذا انت وريلج بس في البيت وسوي عيش ابيض مع دجاج مرق او ع فحم او ع الفرن مث ما قلت لج طبعا زيت زيتون وفي وصفااااااااااااااااات كثييره
والسلطه والفواكه عشان يعوض الفيتامينات
خبز اسمر وبياض بيضه ع الفطوور يعني انتي وشطارتج
ثاني شئ المشئ 45 دقيقه في اليوم كااافي صدقيني روحوا الشاطئ او الحديقه كل يوم واذا ماعنده وقت قوموا قبل صلاه الفجر اتمشوا من بيتكم لين مجمه او 45 دقيقه قبل لا ياذن تحمموا عاد تجهزوا لدوام
او قوموا قيام الليلل بعدين تمشوا 45 دقيقه يعني شوفوا وقت 45 يمر بسرعه
الله يوفقج
وثاني شئ مفروض ما يهمج كلام الناس اهم شئ انتي مرتاحه مع ريلج وهالناصيح عشان صحته بس مو عشان الشكل
الله يوفقج

om sajjad;15639972:
السلام عليكم
حبيبتي الجمال جمال الأخلاق مو جمال الشكل وبعدين بروحك تقولين مملوح
وبالنسبه للعمر 8سنوات ونص مو واجد يعني أني أحس ل10 سنوات فرق بين الزوج زوجته مو مشكله بكلامك حسستيني كنك ماخذه شايب
واختي عن صديقاتك ماعليك منهم يمكن هم يشوفون شلون زوجك يحبك ويموت فيك من جذي يلطوشنك
وأنتي مثل ماقلتي تحبينه يعني لما يقولون لك بعده متين أقهريهم قولي أي اصلاً متنه هو اللي عاجبنه {وزنه مثل الريشه على قلبي}كفايه أنه {متوجني ملكه على قلبه }أو {أنا أسوى عنده الدنيا ومافيها وهذا يكفيني} ومن هالكلام يعني لاتخلينهم يقهرونك وانتي ساكته
وبالنسبه لأمك الله يخليها قولي لها يمه ليش وافقتي آخذه مو علشان أخلاقه خلاص انتي مو يهمك سعادتي انا سعيده معاه وقولي لها يعني لو أخذت واحد ضعيف ومتعذبه معاه شنو بستفيد من جسمه الحلو
وإذا طلعتي معاه مكان عام تذكري انك تحبينه وتموتين فيه وشيلي من بالك سالفة الأحراج من الناس خلي في بالك أن الناس مايهمونك أكثر واحد في الدنيا يهمك هو زوجك وخلاص
وحبيبتي حرام والله ياكل خبزه ناشفه هو رجال ومايتحمل الجوع بس حاولي تخلينا يخفف ويمشي وقولي له ان أبغيك تضعف علشان صحتك لأن السمنه الزايده تسبب مشاكل صحيه وأنا اخاف عليك مو تحسسينه ان مستحيه من وزنه علشان لا ينحبط والله يوفقك أختي
وأسمحي لي على الأطاله

DrEaM Red RoSe;15640085:
اتكلمي معه بكل صراحة

قولي له إنت مملوح و صغيير و شاب
بس لو تنزل وزنك شوي

اشترك بنادي صحي
و شوي شووووي مو شرط تنزل بسرعة
أهم شي ينزل

و اطبخي له
غلط ينحرم من الأكل هو رجل و الرجل يحتاج طاقة

اطبخي أكل صحي و إنتي ادخلي معو بالنظام الأكل الصحي

حتى لو وزنك قليل

ادعميه نفسياً و جسديا ً و عاطفياً

لو يقدر يجيب آلة مشي بالبيت يبدأ عليها

الله يوفقكم و يسخركم لبعض

دبدوبه كيوت;15640703:

انتي تقدرين تخليينه يصير اطلق جسم رياضي

,,

ساعديه وقفي معه الاسلو بالدعم

اذا شفتيه قولي واضح عليك انك خاس شي بسيط بيستناس وبيجي كل نهاية اسبوع يقولوك هاه نحفااان ’’

بيتحمس ان فيه احد يتابعه ويسمع ويساعده ,,,

شوفي انا ملكة جمال واخلاق وشخصيه متزنه وجسم يستاهله احسن رجال الكون وزوجي قصير اسمر مو شي جسمه وبالعكس امسك يده انا واهلي يتطنزون بقصره وبشكله لاكن انا خليتهم يعرفون ان الشكل مو كل شي قلت بمجلس فيه خوياتي نفس حالتك يقطون كلام قلت لهن الرجال مو بالمظاهر الرجال بالفعول والمخابر واتحدى وحده تجي برجاللها قد فعول زوجي ووبعدين شبغا بالزين والطويل والاخلاق سيئه ولايقدر وكانت وحده من الحاضرات زوجها كذا قالت صدقتي انا زوجي شوفيه ملك جمال وطول وجسم لاكن مكرهني بالعيشه لو اخذ قرد بس اخلاق وربي لحمد ري كل يوم ’’ فالنتي اعكسي رايهم اذا تكلمو عليك ا زوجك خليهم من داخلهم يحسون ان عقولهم غير متزنه وغير ناضجه وهاذا دليل ع صغر عقولهم ’’’ قولي لاي وحده تسب او تقط كلام ع زوجك قولي لها اهنيك على مقياس عقلك للاشخخاص وخليها تحس انها عقل صغير يرى الاشياء الصغيره بالمجهر لكي يجد نفسه فيها ’’ وقوي ارادتك وماعليك من اي احد غير زوجك وسندك ’,’

اتمنى لك الحياه الغانمه ,,

aisha.. madam simo;15640836:
حبيبتي شوف ركن التغدية السليمة هنا وتعلمي ايش بتسوي له اكل بحيث انه ياكل ويشبع بس باقل عدد ممكن من السعرات الحرارية
وفي العشاء مو لازم طبخ حطيله فواكه وسلطة ولبن وخليه يملي بطنة بأكل صحي وطبيعي
وعلى فكرة انا كمان زوجي متين بس ابد مو مضايقه
ولا احس ان هالشي يحرجني
بالعكس افتخر فيه لأنه معاملته لي حلوة وايد يحبني
سيبك من السطحيات ولا تسمعي لرفيقاتك رفيقات السوء

ام مريم وسامي;15641080:
السلام عليكم حبيبتي هذولة الي يحجون على ريلج يغارون منكم وبعدين انت لاتنطيهم مجال يحجون كولي لهم اناوايد سعيدة لوانتو مستانسين مثلي ماحكيتو شىء وبعدين اني انصحج برجيم النقاط هذا الرجيم ياكل فيه كل شىء يحبه بس بحدود شوفي وراح تدعيلي عسى ربي يخليكم لبعض ويدوم السعادة عليكم

ذبـכـنيــۓْ بــرد الأيــآميــۓ;15641230:
اختي بقولج عن مشروب ينحف تخلينه يشربه قبل كل وجبه بربع ساعه ويقلل من الشهيه ويحرق الدهون تاخدين كوب ماي مغلي وتحطين فوقه ملعقه كبيره كمون وملعقه صغيره بودره زنجبيل وشريحتين ليمون بالقشر وتغطي الكاس 5 دقايق وعقب تصفينه وتخلينه يشربه وانتي خففي من الاكل المقلي تقدري تسوي له اشياء مسلوقه وبالفرن بسعرارت حراريه قليله من دون زيوت ويسوي رياضه بالبيت مده ربع ساعه زي هدا جهاز المشي وايد زين وكلام الناس ماعليج منهم ماهم الا التخريب البيوت لا سمعتي لهم ما تتهنين لا شافوا الواحد متين ليه جديه ولا ضعيف ولا ابيض ولا اسمر ولا الي حملت ولا اللي ما حملت ما يخللون احد بحاله طنشي كلامهم ماعليج منهم عليج من زوجج وبس واللي يعيب ردي عليه وسكتيه لا تخلي احد يتمادى بالكلام ولا سكتي عنهم يقولون خلاص انتصرنا عليها ما تعرف ترد والرجال مو بمظهره ولا بوزنه ولا بطوله ولا قصره الجمال يروح بس معدن الانسان هو الاصل الحين وين الواحد يلقى شخص يهتم فيه وترانا كلنا عيوب مااحنا خاللين لا تخلين الامور السطحيه تخرب بيتج وتاثر على نفسيتج ونفسيه زوجج اللي قولون متين ومتين صغار عقل ومتخلفين والناس مالهم الا الظاهر