بنات ساعدوني شغالتي بتسافر

:'(ما أعرف حد منكم بيلومني وحد منكم بيكون معاي بس يا ناس هذي ترا طبيعة البشر

شغالتي بتسافر وأنا والأولاد متعلقين فيها هي مو من زود زينها بس والله هي انسانة محترمة ويكفي اني معتمده عليها وعارفة شغل البيت ونظامه ويكفي انها ربت لي ولدي الصغير وهذا هو مربط الفرس لأن أولادي الكبار ما أعتقد ان بتكون عندهم مشكلة كبيرة صح بيحزنو لكن عادي هم كبار وفاهمين وانا دائما اخبرهم ان هذي شغاله والشغالة دائما تتغير ما تظل معانا على طول محد يبقى لكم غير ماما وبابا وأهلكم بس الصغير من يوم ما ولدته وهو في أيدها والحين عمره 4 سنوات فما عارفة كيف راح تكون نفسيته أريد طريقة تساعده على ان يتقبل الموضوع هو من وقت وأخر إذا قلنا أن فلانه بتسافر :badly:من يسمع سفر يجلس يقلبها مناحه فأخوانه يضحكوا عليه وعشان انسكته نقوله ان كنا نمزح معاه(وهي حضرتها تفرح:confused:)

قد يلومني بعض الأمهات أن كيف خليت الولد يتعلق بها :!!:بس صدقوني الشغالة انسانه وأنا من طبيعتي احب أعامل الشغالة كأنها فرد من البيت حتى ما أرضى حد من الأولاد يتطاول عليها فصارو محترمينها وهي حبتهم فشورني عليه يالعزيزات شسوي؟؟