مدري اللي اسويه صح او لا بس ارجوكم ساعدوني؟؟

السلام عليكم ورحمه الله وبركاته...

اخباركم انا توني جديده فريت ع المنتدى شوي وعجبني وحبيت اطرح مشكلتي واتمني اني القى لها حل بس ان شاء الله ماتخيبون ظني فيكم ياعروسات

انا متزوجه لي سنه بس تمنيت اني ماتزوجت احسن لي والله

مشكلتي ان زوجي بارد باسلوبه وكلامه وطبعه واحس ان نفسي شانت منه كل ماسولفت معاه يسكت ويسمع سوالف ابدا مايسولف وان غصبته سكتني بسالفه واذا قلت له خل نطلع نتمشى قال مب فاضي الحين وماأدري ايش ودوام قلت اوكي بسكت بعذره عشان دوامه طيب اربعاء وخميس وجمعه اجازه ماعنده دوام وفاضي لاقلت له خل نطلع قال رايح عند اخوياه واذا تبين اوديك بيت اهلي وديتك طيب انا كل اسبوع اروح لاهله ومرات اروح لهم اربعاء وخميس وراء بعض طيب انا مليت من اهله الوحده تبي زوجها معاها واللي يقهر اني اتفشل عند اهله مايجي الا 2 و3 الفجر ولارفضت اني اروح لاهله قال اجل اقعدي واقعد لحالي بالبيت ومايجي الا 2 و3 بليل هذي حاااله تكلمت معااه وتفاهمت معه ويرد علي بهالرد انا مو حرمه تمشيني ع كيفها

ماادري وش اسوي مع هالرجال اذبببحه ولا وش اسوي مرات قلت بسفهه وبخليه يروح ويسهر ع راحته مابي ازن عليه ويعاندني قلت يمكن يحس شووي ويرحمني قاعده لحالي بس الله المستعاان لا حياه لمن تنادي مطننش ولا حس وقلت لامه شوفي ولدك دايم سهر ولا يطلعني ولا يمشيني وان طلعني بالغصب لاني ازن عليه

والطلعه اللي طلعني اياه يمسكها علي شهر لاقلت له خل نطلع قال هذاك اليوم طلعنا ومرات يصادف ايام الاسبوع احد او ثلاثاء يطلع ونفس الشي مايرجع الا 2 وان بكر عشان دوامه 1 وعلطول ينام ويسفهني

لا كلام حلوو ولا سوالف زييينه بس انا اللي اهذر عليه

بس انا قررت اني اسفهه وفعلا لي 5 ايام حاقرته ولا اسولف ومطنشته واجهز له اكله وشربه وملابسسسه وخلاص مو زي اول صرت اسوولف واضحك وامزح معااه سافهته ولا اكلمه واللي يقهر انه سافهني ماقال بسالها وش فيها ماتكلمني مدري انا اشوف انه حل مناسب ولا ومرات افكر اقول اخاف يمل مني بس والله تعببببت معااااااااااااااااااااااااااه مايحسسسسسسسسسسسسس هالرررررررررررجال

قولوا لي اسلوبي وتصرفي كذا صحيح اني اسفهه ولا احاكيه

ولا لا انا تعبت ابي حل تكفون

واللي يقهر انه من اسبوع مواعدني نطلع وللحين مانفذ وعده وياما من الوعود اللي وعدها لي بس للاسف مانفذ منها شششي

وعلي فكره ماخليت له شي الا سويته ياما اسوي له اجواء رومانسيه ولا عمري قصرت عنه بشي وياما اهديته هديه قلت بغريه ويقعد بالبيت بس مافيه فايده
وهو من يوم تزوجنا ماعمري شفت منه ورده على قولته الحب مو بالهدايا بالقلب
مو شرط اجيب هديه تعبر لك عن حبي <<<< يقهررر

اتمنى تردون علي بأقرب وقت ارجووكم

اختكم أنفاس الرحيل....