هاااام ,, طفلي العنيد مااذا افعل معاااه ؟؟

حاولي اتشجعيه واحكيله اذا بتجيب درجات عاليه اجيبلك العبه الي نفسك فيها واذا ما كانت علامتك حلوة ما في لعبه وحاولي اتواصلي مع المدرس يمكن هو شديد عليه ويخليه يعاند
الله يعينا على التربيه

بسم الله الرحمن الرحيم ...,،


حيآآتي .. أقري كلامي زين ... و ان شاء الله اني أفيدج ..,

انتي قلتي ولدج يتجاوب .. معاج زين .. أما في المدرسه ومع الأستاذ لا صح ؟

انا شكيت وقلت هي وحده من الثنتين .. :- يا ان ولدج يكره الأستاذ يمكن الاستاذ يضربه .. أو ان الأستاذ عصبي ..,

عشان كذا يكره يشارك في الفصل ... أو ان ابنج يكون معاج في البيت متجاوب ويفهم كل شيء بس في الفصل لا لأنه خجـــول !! ويستحي من الطلاب !


صدقيني هذا الكلام .. وربي وربي .. ماجبته من عندي .. هذا من أخوي حمودي ^_^

أخوي محمد نفس عمرج ابنج بالضبط .. بس هو بالصف الثاني ... تخيلي لما كنت ادرسه و أقوله يله ردد الآيات معاي .. يروح يرددها

بصوت عالي وحماس .. لما تدخل امي الغرفه ولا خواتي .. يسكت ويوطي صوته ... وانا قلت له شفيك يله قول وراي الآيه

وهو ساكت .. بعدين قلت له شفيك حمود ؟ قالي أستحي من ماما .. وخواتي .., << بعد عمري اخوي خخخخ

أول ما قالي كذا تذكرت نفسي صف اول ... وبعدين قلت له .. : حموود لا يكون انته ماتشارك في الفصل لأنك تستحي

قالي ايوه .. والله انا هنا عصبت .. قهر اخوي شاطر وفهيم .. بس مشكلته يستحي من الأودلاد .. وما يشارك والحين فهمت ليش

الأستاذ كله يعطيه C مايعطيه A .., / بس انتبهي تراني ماعصبت على اخوي قدامه عصبت بيني وبين نفسي .. ترا يا اختي لما الطفل يكون

عنده مشكله وده حد يسمعه .. مو يعصب عليه ولا ترا ماراح يخبر أحد ابدااا .., / وبعدين تدرين شو سويت عشان اشيل من هالخجل ..,

رحت قلت له .. ترا امي وخواتي والاستاذ يحبون الولد الي يتكلم ويعلي صوته ويشارك في الصف .. صدقني لو سويت كذا ماما بتحبك وايد

وبتشتري لك الي تبي .. وفي الصف لما تشارك وتجاوب على سؤال الاستاذ .. الاستاذ بيحبك مووت ويعطيك درجات كبيره .. وبتكون احسن من

باقي الطلاب ... وحتى بعدين في الطابور بيعطوك جائزه لأنك انته ياحمود .. ولد شاطر وتشارك .. لكن اذا كل مره تستحي وتوطي صوتك مابيكون عندك

اصدقاء والاستاذ مارح يحبك .. .

أول ماقلت له هالكلام ما شاء الله عليه استوعب وفهم ... ومع الأيام صار يشارك .. و مؤدب في الصف .. الحمد لله درجاته صارت مابين B و A


في نقطه مهمه حبيت أنبهج عليها يا أختي .. أكرر مهمه جدا ..,

ترا الأولاد غير عن البنات .. مع اني مو متزوجه بس اشوف كيف اخوي حمود واولاد الناس واشوف خواتي وبنات الناس ..

الأولاد لو ايش مايصير معاهم سبحان الله يتكتموا مايخبرو حد ... الا اذا كان شي صعب صعب صعب بالمره هم مايستحملوه .,

والله يا أختي ان الأولاد مايحبون يبينون لأحد ضعفهم أو انهم مش اقوياء مع انهم صغار .. بس سبحان الله كنها فطره ربي فطرهم عليها

انا كنت اقول فنفسي هذا بس لما يكون رجال الواحد يسوي كذا عشان مايحب يبين ضعفه قدام الناس او انه ينهان ... بس سبحانك ياربي

اكتشفت ان هالشيء يكون فيهم من وهم صغار ... لاحظت هالشيء في اخوي .. وأولاد الجيران ..,

مو نفسنا احنا البنات ... شكايات ونحن ونزيد ... لو باعوضه قرصت بنتج .. تجي تشتكي يمه قرصتني باعوضه خخخخ

المهم ..

مره وانا أدرس اخوي حمود .. كنت أمزح معاه فضربته ضربه خفيفه على ظهره .. مزح وحتى ماتوجع حتى هو ضحك .., << سويت كذا بس عشان يسرع في الكتابه

تخيلي شو قالي !!! ...... قال : تعرفين انا الأستاذ ضربني في ظهري ... انا قلت له : شووووووووووووو !

كيف يضربك ولييييييييش ان شاء الله .. ومتى كان الضرب مسموح في الامارات .. هذا وهم مدرسه نموذجيه الي فيها اخوي كيف لو حكومي !!

قلت له: متى صار هالشي قال من زمان .. قلت له : وليش ماتخبرني ... تخيلي سكت !

قلت: حمود قول الصدق حبيبي ولا تخاف الأستاذ ضربك ولا لا وكم مره ولا هي مره وحده بس !

قال : ضربني أكثر من مره في ضهري ... حتى حسيت قلبي يعورني من الضربه .,

أول ماقال كذا انا طيراااااااان على امي .. وامي تقول : وين عبااااااااايتي ... والله لا يشوف جعل لقلبه الوجع ... يوجع قلب ولدي جعله ال .. وجعله ال..

والله لو تشوفي حالتنا ذاك اليوم انا وامي ... ركبنا الشيطان ودنا نذبح الأستاذ من القهر .. والله مارتحنا ليلتها .. كانت قلوبنا محروقه على اخوي

والله حارقنا أكثر ان اخوي ساكت ولا يتكلم ..

انا جيت عنده وقلت ليش ماتتكلم ابا اعرف ولا انت كذاب ؟؟ / قال : لا والله ما أكذب بس اخاف اخبركم بعدين الاستاذ يعصب علي ويضربني مره ثانيه او

يقول اني كذاب ... قلت له : لا مايقدر .... المهم حلينا المشكله والاستاذ الكريه اعتذر وجاب كلام من الي خبري خبرج .. هذا نفس ابني ومدري شو ... خرابيط


المهم الي اريد اوصله لج يا أختي من هالقصه الطويله العريضه .. انه ابنج يمكن من النوعيه الكتومه .. اجلسي معاه قولي له وش فيه !! وش يحس به ؟

قولي له يا ماما .. انت لما تخبرني ايش تسوي كل يوم افرح .. واحبك لأنك ابني اريد اعرف كل شيء عنك .. وعطيه العاب ومن هالكلام ...,،

حاولي تتقربين منه كثيييييير قلت لج الأولاد كتومين مره ... والله ان نحنا نسحب الكلام من اخوي سحب ..,


سوري طولت عليج فديتج بس عشان ابين لج الوضع كيف ...,،

الله يوفقج ويا ابنج ............,،

لا تنسيني من الدعوات الطيبه الله يرضى عليج ......,^____^