نرجس سالتيني عن هده
انا الحق شاريتها من امريكا مش عارفه في ليبيا فيه او لا بس عندي صاحبتي تستعمل في النوعيه هده وتشكر فيها شوفي بالك تلقي منها
وبالنسبه للكهربائيه ردي بالك تشريها ماتنفعش مهما كانت نوعيتها
انا شريت وحده كهربائيه ماركتها كويسه خديتها من امريكا بس طلعت ماتفع جتني كئاااابه نحساب روحي انا
مافياش حليب :( لين صاحبتي قاتلي خودي يدويه وفعلا اليدويه احسن الفين مرررررره
ووننصح كل الحوامل بالشفاطه راهي ضروريه جدا يا بنات
اتحفزززز الصدر لين يبدا ينتج في كميات اكبر من الحليب والعيل يشبع ويرقد وانتم عارفين ان
الغدد الي تصدر في الحليب في الصدر تتلقي في الاوامر من العقل ف قالك لو العيل يرضع اكتر
الغدد تصدر حليب اكتر ولو مارضيعته كوويس يبدا صدرك تدريجيا يجف منه الحليب لان علي قد الرضاعه
يبنتج الحليب ولما تبدي تشفطي بالشفاطه يبدا يجيك الحليب اكتر
تخيلي البيبي راقد وانت مكسده وصدرك فيه حليب ,,, تقعمززي وتشفطيله رضعه وتخليها جاهزه
اول ماينوض ترضعيها ليه يشبع ومايعيطش خير من ينوضلك وانت مش فاضيه ويبدا يرضع بالشويه
قصه بصراحه
انا لما كنت نبي نطلع بعد ساعه متلا والبيبي راقد نقعمز نشفطله رضعه باهيه ونوتي روحي للطلعه
اول ماينوض يلقاها واتيه ومرات لما ينوض انا نكون في السياره او معاي حد مانقدرش نرضع حداه
نعطيه الرضعه ونرتاح
في نفس الوقت خيرلك من حليب البقر :thumbs_down: كدا بيك عيلك يرضه منك ويكتسب مناعه كويسه
ملاحضه ... كان بتستعمليها ايكون بعد اسبوعين من الولده مش من اول مره لان في الاول
الحليب بيكون (الباء) وكميته قليله مافيش داعي للشفاطه مرات تنصدمي تقولي مافياش حليب
لكن هو الباء يكون شوووويه ومغدي وفيه عده مزايا طبعا
