ام زوجي و الحل!!!!

سلام بنوتات

بدخل بالمشكلة دايركت..

انا كذا مرة كتبت بهالقسم مشاكلي مع ام زوجي ... و الله قمت ما اعرف الغلط مني و لا منها!!!^o)^o)

بنات انا دايما معروفة في بيت اهلي اني قوية الشخصية و اخذ بحقي..الا في اهل زوجي اصير معدومة الشخصية و على طول اتضايق من روحي:'(

المشكلة انه ام زوجي لسانها سليط شوي و معروفة بين خواتها... انا وايد احترمها و حاطتها بمقام الوالدة ما اقصر عليها بكل مناسبة هدية و بكل سفرة هدية... الله يشهد اني عادتها مثل امي!!
بس هي الله يهداها لسانها سليط معاي شوي و على طول تقط علي كلام مو حلو و انا على طول اسكت و ما اتكلم ما ابي ازعلها و بعدين زوجي يزعل مني.. انا الوحيدة من كناتها الي ما اتكلم و ارد عليها حتى هي تمدحني عند خواتها.. غير عن باقي كناتها الي كل وحدة لسانها طويل و تخاف تتكلم لهم بكلمه او تدوس لهم على طرف و على طول تتكلم قدامهم كأنهم ملكات و كأني انا الخدامة.. بس شالفايدة تمدحني قدام خواتها و هي على طول ماسحة فيني الارض و منزلة من مقامي قدامهم.:thumbs_down::thumbs_down:

المهم انا اتعودتدايما اصلي على النبي و اسكت مو عشان شي بس احتراما لها و احتراما لزوجي.. المهم الحين شوي تطور الامر .. حملت و ولدت و ولدي بعيد الشر عنكم شوي مريض فانا وايد احاسب له..

المهم اول مرة صار لي موقف من بعد ولادتي.. اخذت تقص اظافر البيبي و قصت لحمه و خلت الدم بكل مكان و رب الكعبة ما تكلمت بس قعدت اصيح ما قدرت اشوف الموقف.. و شالت البيبي و قطته علي قالت بس ما ابي المسه مسكي ولدج^o)^o)

و مرة ثانية رحت معاها مجمع نتعشى و قالت جيبي البيبي صوبي و شافت ياهل ما نعرفه رايح راد يطل على ولدي و اخذت يده و خلته يمسح على البيبي و يده وسسسسخة من اللعب و طالعت و انا ساكته و توها دارت وجها و يجي الياهل و يضرب ولدي على راسه و يصرخ ولدي ... قلت لها خالة الياهل ضرب ولدي و قامت تصارخ علي قدام حمواتي يودي ولدج انا قايلة ما بلمسه و انا سكت و بلعتها:(

و مرة ثالثة في بيتهم ولدي استفرغ عليها غص بحليب المرضعة لانه هي مو رافعته شوي على يدها و رجع عليها من فوقها لتحتها و يوم ثاني قالت لي جيبي ارضعه قلت خالة حبيبتي بس رفعي يدج شوي عشان ما يرجع عليج و يوسخج ..و رمت البيبي علي و صارخت تقول انا الي ما اعرف اربي.. انا ما تبيني المس ولدج و سبتني بكلمات جارحة ما احب اقولها و قدام كل العيلة و من الفشيلة قعدت اصيح:'(:'( حتى ايجو لي خالات زوجي يتعذرون لي عن تصرف اختهم لانه كان وايد محرج و كان قدام الكل:(

و على طول من تشوفني لاهية عن البيبي تستغفلني و تسوي اشياء ما ارضاها..امثلة: تطلع صدرها و ترضع ولدي مع انها مافيها حليب.. تأكل ولدي و ولدي اولا عمره ثلاث شهور و ثانيا عنده مشكله بمعدته و يرجع دم و يصيده سهال.. تخليه عند عيال العايلة الصغار يلعبون فيه و كم مرة ترجعه لي و هو فيه رضوض و عضات.. و غيرها كثييييييرررر

المهم انا بدأت دوام من امس و وديت البيبي عندخالة زوجي الا هي اخت ام زوجي.. لانه ماشالله عليها تهتم بالبيبي كأنها انا بالضبط و بيتها قريب على شغلي و لا عندها اطفال صغار بالبيت..
و لما عرفت اني وديته لها اتصلت فيني و زفتني و سبتني بكلام ضايقني حييييييييل:'(:'( و كرهت روحي اني ما تكلمت و رضيت انه ينقال لي هالكلام..

احس دام وصلت لهالمرحلة خلاص انداس فيني بالارض يعني بتقول اي لو اقولها اي شي ما بتزعل عادي ترضى تنهان:'(:'(


بنات شوروا علي شلون اتصرف؟؟؟؟ بليز ساعدوني معاها