هيا في حيره من امرها ساعدوها

انا اكتب قصه صديقتي ومو عارفه كيف ابدا لها سنه فبيت اهلها مشكلتها بدات لمن رجعت من مصر الصبف اللي فات كانت تكتب في منتدي من المنتديات من بدايه زواجها ولم يعلم زوجها كانت تكتب مشاكلها وتفضفض فالمنتدي اللي كانت تكتب في وفي مرا من المرات كتبت انها خرجت مع صديقتتها وخطيب صديقتها واخوهم وكان معاها اخوها والخادمه وزوجها عرف بالصدفه المهم وقرا جميع كتابتها فالمنتدي من ضمن الكتابات اللي كتبتها ان حصل بينها وبين السائق خلاف وضربها . لمن عرف زوجها موضوع خروجها اتغاضي عن الموضوع واتمسك بموضوع ضرب السائق لها وبدا يهدد ويتوعد له وكانت هيا خايفه علي زوجها جدا منو المهم صديقتي عندها ابنه وام صديقتي هيا اللي مربيه الابنه ومتعلقه فيها جدا المهم قرر الزوج انو ياخذ بنتو من ام الزوجه عشان خايف عليها وبدا يقفل الباب علي زوجتوا بالمفتاح واخذ منها الجوال وكانت تقلو لو حصل للبنت شئ ايش اسوي يقلها انا مخبي المفتاح في مكان فالبيت لو حصل شئ كلميني اقلك عليه مع العلم ان عمله علي بعد ساعه وشويا من مكان مسكنهم . حصل بينهم خلاف وتركت البيت واخذ البنت عند احدا اخواته لمده اسبوع وماخلاها تعرف عن بنتها شئ كل دا يبغا يبعدها عن اهلها وام صديقتي رجعت بنتها لزوجها وتاني يوم كانت تتكلم مع زوجها وحصل خلاف بينهم وطلقها طلتين ورا بعض وخالها وامها رجعوها جا اخذها من البيت . المهم واستمر الوضع علي ماهو عليه تقفيل الباب ومنعها من الذهاب لبيت اهلها امك تبغاكي تجيلك انت تروحي لاء المهم الابنه مرضت وقعدت عشره ايام الزوج يرجع من الشغل ينام وهيا جالسه مع ابنتها وام صديقتي تيجي تبات عند بنتها عشان البنت الصغيره المهم ودتها المستشفي اول مرا وطلع عند البنت جفاف مع العلم اللي ودت البنت المستشفي جدتها المهم الوضع ما بيتحسن بعدها بيومين جات الجده وقالت صديقتي لامها نوديها المستشفي ما بتتحسن قومت زوجها قالي ماني رايح وقبلها وداهم المستشفي وتركهم ومشي المهم لمن قالتلو قوم وماوداهم اخدت تاكسي هيا وامها وراحو واتنومت البنت فالمستشفي مع الجده وصديقتي رجعت بليل وتاني يوم راحت بتاكسي وهنا حصل الخلاف الزوج يومين ما يسال عن بنتوا ولمن قالتلو زوجتوا بنتك هتتنوم قالها سو اللي تسوا ان شاء تتنوم شهر وماوصل المستشفي الا بعد ما كلمتوا ام صديقتي قالتوا تعالا طلعنا من المستشفي وما كان راضي وجا فعلا وحصل خلاف كبير بين الام وصديقتي وزوجها وقالها روحه بلا رجعه البنت ما تروح بيت امك وانت روحه بلا رجعه خرجت من المستشفي بملابسها اللي عليها المهم كان الزوج يتصل علي ابو صديقتي يقلو ابغا اشوف بنتي يقلو البنت مع امها يقلو ابنتك مو كفؤ ويرسل رسائل يشتم فيها زوجتوا انها تربيه فاسده وزوجه غير كفؤ وان اهلها جبناء وملتفين ويقلهم نشوفكم فالمحاكم وابو البنت وسط ناس عشان يطلقها الزوج مو راضي واهل البنت رفعوا علي قضيه خلع والزوج نفسو مديون من اهل البنت مبلغ مالي كبير جدا ولم يسدد ومرفوع علي قضيه استرداد للمال المهم لمن رفعوا قضيه الخلع راجت الزوجه الجلسه التانيه الي هيا صلخ ذات البين وماحاولت تطل في طبعا الزوج اعاب فيها امام الشيخ وهيا قالت ما تبغاا زوجها خلاص .. وتقلي صديقتي قبل كم يوم اتصل الزوج بالام واعتذر منها وقالها انا مشتري زوجتي وابغاها واعتذر لام زوجتوا وهيا سامحتوا المشكله الان في ابو البنت وهيا متردده بعد دا كلو يرجعلها مع العلم ان الشيخ حدد موعد حكم من اهل وحكم من اهلها والموعد قريب جدا ورسل مسج اخر لاتروحو المحكمه انا مسافر وماهحضر بما انها جلسه خلع اكيد هيحكموا لصالحها والبنت متردده الام تقلها عمري بيتك وروحي وعيشي حياتك الاب خايف ورافض المبدا ومعطل مصالحوا عشان الموضوع دا وللعلم الزوج ما شاف بنتوا للان له سنه بس كلم بنتوا يوم ما كلم ام زوجتوا تلفوون فقط . وبرضوا الزوج قال انو يبغا يقابل زوجتوا وامها واختو في مكان عام وبصراحه صديقتي فحيره من امرها امها كانت تقلها قبل كدا افتكري عيوبو هتكرهيه ولمن كلمها تقول لبنتها روحي وعمري بيتك ومو عارفه ايش تسوي ترجعلو او تتخلع منو بالله عليكم ساعدوها