أمــــــي ... أسمــــعــــوا وش تـــــقــــولـــــــي ؟؟؟!!!

طنشي يا بنت الحلال

وجيبي التنبيه لامك عن طريق

سوالف تخويفيه ...فيه شغاله اذتها بنتهم بس ترسلها من مكان للثاني

قامت الشغاله سوت لاها سحر انشلت بعدها البنت ......


.؟........وناس اذبحت ولدهم الشغاله من ضغط الشغل ...و,,,و...,...,,,وووو



ووووووومن هالكلام تخاف وتحسن معامتها للشغاله

وتجنبي توجهين امك مباشره ....اذا كانت تزعل


وباايااات

اختي المقهورة الله يسعد مساكي بالرضاء

والله يخليلك أمك ويحفضها لكي

يامقهورة انتي ماتلاحضين ان اكثر المشاكل الي تعرضيها لازم يكون فيها ان احد يذكرك بالزواج سواء امك اواخوكي او صديقاتك


انتي ماتؤمني بالقسمة والنصيب

خلي موضوع الزواج بالنسبة لكي عادي جداً وتذكري ان فيه متزوجات نادمين على اليوم الي تزوجوا فيه

من معاملة ازواجهم لهم وكانوا يضنون ان الزواج كله عسل في عسل طلع بصل في طماطم

حاولي اختي ان موضوع الزواج مايئثر على نفسيتك و ان تكوني اقوى من الضروف التي من حوك

الله يوفقك



اما بالنسبة لموضوع الخادمة انتي معاكي حق في كل الي قلتيه لإمك ولاكن ينقصكي الأسلوب في الحوار مع أمك



ياستي امهاتنا كلهم كبار في السن ولازم مداراتهم وان لا نتحامل عليه في كل كلمة يقولونها بمحمل الجد وانهم يقصدون مضايقتنا




يعني ماشاء الله كلهم متخرجين من جامعة الملك عبد العزيز

أختي مقهوره كلامك صح ماقلتي شي غلط بس حاولي ادشين لامج من باب الدين

يعني مثلا جيبي لها احاديث وقصص اشلون الرسول كان يعامل خدمه

وذكريها بالآيات بطريقه غير مباشره يعني لاتحسسنيها انك تعلمينها يمكن ماترضى

الأم لازم تعصب من بنتها في يوم من الأيام مو كل مره تجليس معها هادئه وكل شئ تبغينه بيصيرك لازم بتجي يوم وأيام كمان بتصير نفس الطريقه

بس امك لمن قالت هذاا لكلام انها تقولك كذا وكذا ماقصدها شئ بس تخويف يعني لازم تعصب شويه وبعدين عادي بترجعلك وتتأسف منك كمان لو حستك انك مضايقه

ولازم نعامل الشغالات بهدؤء زينا زيهم صحيح هم يشتغلون وبراتبهم لكن برضو لهم حقوق ولهم راحه كمان والله العظيم الشغالات لمن تعاملينهم بالطيب مايسولك ولا شئ وكثييييير من عندنا زي كذا عن خالتي وعماتي والله تجلس بالسنين اكثر من 9 سنين



بس لا تخافين زي ماقلتلك امك لمن قالت عنك كذا وكذا .. بس يمكن وقتها طفشانه ومضايقه وكذا ...

والله يحفظلك لك امك إنشالله

الله يعينج ياختي ويهدي لج امج ويهدي امهات الجميع ..انا معاج يااختي مقهوره بكل كلمه تقولينها وانتي ماغلطتي بحق امج بشي وبالعكس قلتي كلام الحق ... وانا صراحتا اعتب على اخوي سكر لانه كان رده قاسي شوي واقوله اللي ايده بالنار مش نفس اللي ايده بالماي..بس لتحطين في بالج اختي ولتضايقين عمرج انا بنت اعيش بنفس معاناتج وامي تعاملني بنفس الاسلوب اللي انتي تعانين منه وبنفس الطريقه لكني اصبر واقول كله اجر وعند الله انشاالله مايضيع الحق ..كل اللي لازم تسوينه انج تقولين الحق وتسكتين واذا امج صرخت او قالت اي شي اسكتي عنها وقولي في نفسك انا بسكت علشان ارضي ربي وصدقيني انج بترتاحين لما تسوين شي لله وادعي لها بالهدايه بصلاتج وانشاالله الله بيعوضج بخير وبيرزقج بولد الحلال اللي يسعدج ياربي آميييييين

new lookاختي حرام عليكي انا متى كان ردي قاسي

المقهورة ليست لي بمثابة الأخت فحسب بل انا اعتبرها اختي والله يعلم

فعندما يخاطب الأخ اختة حتى وان كان هناك قسوة فأنهوا يريد مصلحتها اولا واخيراً


على الرغم إن اسلوبي لم يكن قاسي بل هناك نوع من العتب الذي احملة للمقهورة


الله يوفق الجميع لما فيه الصالح العام ]

ما اتكلمين ابهاذا الموضوع بعدين زي ماقالت اختي تسواهن حاولي اتجيبن قصص عن الخدامات واهم شي عن السحر وافعاله وحاولي انك
مااتفكرين بالزواج وتراه الزواج قسمه ونصيب اهم شي انك تكونين مستعده .




والله قادر على كل شي .

تسواهن ..

شكرا لك حبيبتي وعلى ردك وامي الله يسلمك مايجهلها هالكلام وتدري عنه بس على قولتها احنا موكلين امرنا لله في حاجتنا لهم ولا علينا منهم هم جاين للخدمه وبس واللي نبيه بنخليهم يسوونه وهم ياخذون راتب واي شي نبيه يسونه يسونه غصب عنهم .. تعبت ونا اقولها انهم مثلنا بشر مثل ماحنا نتعب ونتظجر هم بعد ترى يتعبون ويتضجرون حرام علينا نسوي فيهم كذا بس هي خلاص تظن اي كلمه مني اني افضل الخادمه عليها :confused:


<><><><><><><><><><><><><><><><><><><><><


ســـــكر


شكرا لك على الرد واكيد انا مؤمنه بالقسمه والنصيب حتى وان كان رغبتي في هذا شي موجوده بداخلي وان كنت اتناسى هذا الشي واحاول انه مايأثر فيني ولا اعطي هالموضوع اي اهميه ولكن للأسف فيه من يحاول دائما يذكرني بهالشي ويجعله عقده او أثر كبير علي ..

اما بالنسبه لموضوع الخادمه وحواري مع امي بالعكس كنت اكلمها بأسلوب جداً حلو وعادي وكنت احسسها بقيمتها وانها الآمر والناهي بالبيت ولكن لازم نعاملهم برحمه عشان بالنهايه حنا محاسبين عليهم وبنفس الوقت انهم ممكن يقلبون علينا انت عارف الخدم كيف يردون المعامله بالمعامله بالمثل فكنت احذرها مجرد تحذير وبكل أدب واحترام بس هي موراضيه تفهمني ..


<><><><><><><><><><><><><><><><><><><><><


نوره


الف شكرلك على الرد وان شاء الله احاول اغير من الأسلوب يمكن يكون اسلوبي غلط ونا موحاسه بعد :(



<><><><><><><><><><><><><><><><><><><><><


بنت النور


الله يعطيك العافيه على الرد وعموما انا سويت اللي علي وراح احاول اقنعها بأسلوب افضل بهالشي والله عشان خوفي عليها بس واني مابي الخادمه تحمل عليها بقلبها وتسوي لها شي بعد بس هي المشكله مو راضيه تفهمني ونا لما قلت لكم هالكلام لاني تضايقت مره من امي كيف تدعي علي وتقولي هالكلام هذا كله ونا ماسويت لها شي والله كل همي راحتها بس .. بس الله يعين :(


<><><><><><><><><><><><><><><><><><><><><

new l00k


ياهلا والله فيك ومشكوره على الرد والله يعينا جميعاً وبالعكس انا مازعلت من كلام الأخ سكر لأني عارفه انه لازم يكون فيه اختلاف في وجهات النظر وهذا شئ طبيعي ومدري انا حسيت من كلام الأخ سكر ان كلامه كان مجرد توجيه مايقصد الأساءه او غيرها ولكن يبقى صدري رحب لجميع الأراء مهما كانت معي اوضدي لازم اتقبلها لأن بالنهايه انا اللي طرحت الموضوع وطلبت اراء الأخوه والأخوات عشان استفيد منها واصحح أخطائي بالنهايه ..


تعرفين يأخت new l00k بقولك حاجه مره في احد مواضيعي وحده ردت علي برد جداً قاسي وقالت انا بصراحه ماشوف في فايده من ردود الأخوات لك لأنك انتي مو جالسه تغيرين بحالك اي شي وانك انتي سرك محل فاليه الواحد يغلب نفسه ويرد عليك مع كذا بجد مازعلت منها لأنها هي مو عايشه معي وشايفه ظروفي والحاجات اللي تصير لي بالعكس انا شكرتها وانتهى الموضوع :)


<><><><><><><><><><><><><><><><><><><><><


ســــكر

شكرا لك وماحصل الا كل الخير :)



<><><><><><><><><><><><><><><><><><><><><


الزهره


شكرا لك على الرد والله يسهل يارب :)



<><><><><><><><><><><><><><><><><><><><><


وتـــــحــــــــيــــــــــاتــــــــــــي للـــــــــجـــــــــمـــــــــيـــــــــــــــــــــع

والله اختي انا اهنيج على القلب الكبير اللي تحملينه الله يكملج بعقلج ويرزقج اللي يستاهلج ..
واقول لاخوي سكر اسمحلي اذا غلطت بحقك ..وانت ماغلطت يمكن وجهت نظرك تختلف بما انك رجال وصعب عليك تفهم شعور البنت وعالعموم حصل خير واشكرك اخوي انت ماقصرت والسموحه

السلام عليكم ورحمة الله وبركاته

new l00k يعطيك العافيه ... ومشكوره على حضورك حبيبتي :)

اختي العزيزة "مقهورة"

اولا الله يبعد عنج القهر ويخليج راضية على طول قولي آآآآآآمين

الغالية ديري بالج على ها النقطة عدل واللي هي:

[COLOR=crimson]
اكبر اكبر اكبر غلط انج تنصحين وتوجهين اللي اكبر عنج من باب الغلط وخصوصا والديج

انتبهي عدل على ها النقطة،،، يعني ما تحسيينهم انج افهم عنهم لانج بها الطريقة كأنج تهينينهم،،، اسأليني أنا،،، الله يعلم بالمشاكل والخلافات والصريخ والضرب اللي كنت اتعرض له وانا صغيرة ومراهقة والسبة اني ارادد امي في كل شي تقوله واوجها بأسلوب غلط وانتقد تصرفاتها يوم تغلط حتى لو كان بحسن نية وبدون ما انوي الشجار ولتحسين اوضاع سيئة تقوم بها الوالدة،،، الله يعلم اني تميت سنين احس بالظلم من ناحية امي من كثر ما تضاربني طول الوقت وتسيء معاملتي بالنهر وتذكرني دايما باللي تحملته عشاني عند تربيتي وفي المقابل بأني ناكرة لمعروفها وكانت دايما تتهمني اني عاصيتنها وهذة اكبر مصيبة اذا امج نظرتلج بهاي الطريقة لانج بتكونين بالفعل عاقة بوالدتج،،، يعني بالمختصر المفيد اذا امج مب راضية عليج يعني انتي عاقة ابها،،، وحذاري حذاري من عقوق الوالدين لانها من اكبر الكبائر عند رب العالمين،،،

اختي تعرفين اني ما حسيت انه الله باركلي في حياتي سواءا في دراستي او مواقفي الحياتية او زواجي الا يوم احسنت معاملة والدتي،،، والله اني اشعر اني اسعد انسانه يوم احس انه امي راضية عني،،، واتذكري انه ها الرحمة اللي في قلبج على الخدامة ما بتكون عند ربج افضل من عقوق والدتج،،، لانج اذا خسرتي رضا امج معناته انج خسرتي رضا رب العالمين،،،

واتخيلي اني اكتشفت انه السبب الاول والاخير في الخلافات والمشاكل اللي ما كان لها نهاية بيني وبيني والدتي العزيزة هو انا،،، لاني كنت افتقد الاسلوب الذكي في كيفية التعامل مع اللي اكبر مني والاولي بالاحترام من ان يوجه،،،، وانه الموضوع سهل للغاية من غير ما ادرك وكنت اصتصعبة لدرجة اني احس اني كارهة نفسي وحياتي ومشكلتي في الدنيا كنت اعدها امي اللي هي ارحم الناس عليه،،،،

الغالية انتبهي انج ما تركزين على الامور الثانوية مثل الرحمة بالخادمة وفي المقابل تخسرين الشي الاساسي وهو رضا امج،،، لانه ما في توافق بين الاثنين والاولوية عند رب العالمين بالشي الاساسي وهو رضا الوالدين،،،

وعشان تتجنبين ها الشي،،، دايما دايما وها الشي ضروري جدا حتى لو ما عيبج وحتى لو يخالف مبادئك بس ها اللي خلى المشاكل بيني وبين امي تنتهي للابد وترضى عني في النهاية وبالتالي الفور برضا الله عز وجل وهذا اهم من كل مبادئي وقيمي التي لاتعد شي عند رضا الله،،، دايما دايما بيني انج دايرة في صفها طول الوقت حتى لو كانت غلطانة وحتى لو كان رايج مغاير تماما لرايها وبطريقة غير مباشرة تخلينها تقتنع برايج في النهاية بدون ما تشعر،،، مثال على ذلك:
اذا كانت المشكلة في انه امج ما تراعي الخدامة وتلعوزها بالطلبات والطلوع والنزول،،، بيني في البداية مثلا انج تتذمرين من الخدامات وانهن ما يتحملن الشغل وطول الوقت يتذمرون وانكم ابتليتوا مثلا فيهم وخلال ها الشي بيني انج خايفة من ردود افعال الخدامة اذا تعرضت للمعاملة السيئة في انها ممكن انها تشرد من البيت او تحط شي في الاكل او تنتقم منا في الاطفال اللي في البيت يوم ما تكونون متواجدين وياهم وعجب قولي لها والله انه الواحد ما يآمن للخدم واسلم له انه ما يتحرش فيهم وايد ولا يأذيهم عشان نسلم من شرهم والتعرض لكيدهم كنوع من الانتقام،،، وبالتالي هيه بتحاول انها تخف من معاملتها السيئة فيها،،، وفي نفس الوقت صبري الخدامة وقولي لها انه امج وايد طيبة بس شوية عصبية وشوي تحمليها لانها ما تقصد وهيه مع الكل جيه مب بس انتي حتى احنا عيالها ما نسلم من عصبيتها "انا كنت دايما اسوي نفس الطريقة هاي" لدرجة انه الخدامة يوم اتشوف امي تصرخ في وتنهرني على شي تقولي لاتاخذين على امج هي طيبة بس شوي عصبية وانتي سايريها لين ما تهدى،،، بالضبط تقولي نفس الكلام لانه تحس انه حد حاس فيها ومراعنها وبالتالي تصبر،،،،

صدقيني اختي والله والله لو تتبعين ها الاسلوب مع امج والله بتحصلينها تسوي اللي في بالج بدون ما تحس وتخيلي كل ما اتبع نفس الاسلوب مع الوالدة مع التركيز على انج في صفها دايما والله الكلام من امي في نهاية الحديث : "صدقج والله" يعني تشوف انه كلامي هو الصح وتتبعه بدون ما تحس،،،،

وتأكدي من شي واحد اني عشت اتعس ايام حياتي وما توفجت لا في دراستي ولا حياتي والسبة دعواتها عليه وكانت بالفعل تتحقق الا يوم كسبت رضا امي،،،، وانا الحين عايشة احسن واسعد عيشة بفضل دعواتها الطيبة لي،،، تأكدي انه ما في ارحم عليج من امج وانه امج عمرها ما بتدعي عليج وهي قاصدة بس اللي يرد فيك من دعواتها هو من عند الله عشان عقوقج للوالدة،،،

نقطة اخيرة،،، اذا تعرضتي لاساءة من والدتج حتى لو ظلمتج سواء بالنهر او الدعاء السيء او حتى الضرب،،، اصبري،،، اصبري،،، اصبري الصبر الجميل،،، يعني:
1. ما تردين عليها يوم تنهرج،،، وتخلينها تطلع اللي في خاطرها كله،،،
2. تحسسينها من ملامح ويهج انج غلطتي حتى لو ما كنت غلطانة يعني ضحى وتنازلي دايما لامج ولج الاجر العظيم عن اللة عز وجل.
3. تستسمحين منها في النهاية وتوبسين راسها وتقوليلها انج ما تقصدين تعصبيبها وكم انتي تعزينها وهمج الاول والاخير رضاها وتشرحين لها وجهة نظرج بالكلام الطيب،،، والله ما بتحصلين حد احن عليج منها في هييج اللحظة.


يعني الزبدة من ها كله امك ثم امك ثم امك

واي حد ثاني مب بقدر الاهمية عن رضا امج الله يرضى عليج وعلينا اجمعين
[/COLOR][/COLOR]

يا عمري
شوفي بقولك شي ؟

دئماً هذا تصرف ألام العصبيه صدقيني ألام الهادئه ما تسوي كذا
تكون أكثر حلم وبرود


طبعا حبيبتي أنا اتكلم من واقع تجربه
أنا امي نار موقده يعني عصبيه جداً


وتقريبا مثل امك كل شي تقلبه و تفهم غلط

مثال علي ذلك :

كانت امي تتكلم عن ناس نعرفهم وكانت امي تقول مشاء الله عليهم الام وي بناتها باردين مشاء الله عليهم

مو عصبين


انا قلت ي والله يا ليتنا زيهم كنت اسولف عايدي قلت اي انا طالعين عليكم انتي وي ابوي عصبين
وانا كنت اقول لها وانا اضحك


ما دريت الا الي زعلت وقالت انا عصبيه انا موهصبيه انتي بس الي ما تقدرين ولا لو انا عصبيه كان ماصبرت علشانكم وقا مت قلبت الموال
وصياح وزعل لمدة كم يوم000


انا اقول في نفسي مفروض انها اعترفت وأخذت المووضوع من با ب السواليف كان قالت اي والله انا عصبيه يا ليتني موكذا كان ما جاني الضغط والسكر من ها القبيل صح !


المهم مارضت الا بحب رؤس

طبعا ان بعد ها الموقف وعدت نفسي اني ما اتكلم باي شي يخالف رايها لو تقول اطب النار بقول أي1111ّ



والله انا مثلك تخيلوا انا متزوجه وامي ماتدري عني انا حيه ولا ميته

ما اقوله اي شي لانها تفسر الشي علي كيفها وتقلبها مشكله


يا الله صدقيني اختي ما لنا الا دعاء وبس:confused:

السلام عليكم ورحمة الله وبركاته


اختي اوركيد واختي ريشه الف شكر والله على ردودكم واكيد نظرتكم سليمه ويمكن انا غلطت بتوجيهي لها لان فعلا الامهات الكبار مايحبون التوجيه من الأصغر منهم نهائياً بس انا مقدر اشوف الغلط واسكت بس راح احاول امسك اعصابي اما مسألة اني اقول للشغاله ان امي كثيرة طلبات او عصبيه فنا من النوع ارفض نهائياً ان اي احد من البيت يعطي فكره سيئه للخادمه عن أي احد من البيت عشان ماتحمل بقلبها عليه ونكون بدل مانصلح نخرب عموما انا راح احاول بنفسي اصلح الامور واعدل من اسلوبي وهذا يمكن افضل شي اقدر اسويه وشاكره ومقدره تعاونكم معي :)