30 مرة نقول يا تري بتعملي الكله دي ازاي؟ مبدعات مصر القمرات شهر ذو القعده 1432

كل شهر وأنتم طيبين

مبروووووووووك على الجزء الجديد

يا بنات أنا عملت كيكة اسفنجية بس وشها احمر اوي شبه اتحرق كده و بقي قشرة شلتها بسهولة ومش عليت كثير مع اني عملتها بطريقة البياض لوحده و الصفار لوحده وضربت لما زهقت ههههههه.. هو الفرن بتاعي حامي أصلا.. ايه التكات اللي اقدر اخليها مظبوطه المرة الجاية

كل شهر و انتوا طيبين

مونى الرز يكون مستوي نص سوا اكنك هتسلقيها

انا باخد كميه الرز و اديها غلوتين على النار و اصفيه
و اجيب بقى بصله مبشوره
و الكبد و القوانص بتاعت الفراخ اقطعها مكعبات صغيره
و معلقه صغيره بهارات و ملح و فلفل
و معلقه كبيره سمنه
و قلب كله مع بعضه و معاهم الرز طبعا و احشي بيه الفرخه و اغطيها بفويل و ادخلها الفرن

~OM-ADAM~;15624782:
يا بنات أنا عملت كيكة اسفنجية بس وشها احمر اوي شبه اتحرق كده و بقي قشرة شلتها بسهولة ومش عليت كثير مع اني عملتها بطريقة البياض لوحده و الصفار لوحده وضربت لما زهقت ههههههه.. هو الفرن بتاعي حامي أصلا.. ايه التكات اللي اقدر اخليها مظبوطه المرة الجاية

أقولك تعملي ايه تحطي الشبكة و عليها الكيكه و تحتها صاجة الفرن يا أم ادم و فيها شويه ميه و كمان انتي غملتي أنهي مقدار و في انهي مقاس؟

نانو ممكن تقوليلى طريقه التورته بالتفصيل الممل وخصوصا الكريمه والتزويق

بصى ياام ادم انا فرنى حامى بحط تحت فى الصاجه صنيه فيها ميخ ونقطه خل


والكيكه على الشبكه وكدا هتبقى مظبوطه ان شاء الله

سالاد وحشااااااااااااانى اوى حاضر هكتب الطريقه على طول

هى طريقه فراشه الايمان ورو بس مش عارفه اوصل للمشاركه فانا هتكب اللى نقلته فى الاجنده بتاعتى

التورته لصنيه مقاس 26
8بيضات وك ونص سكر وك دقيق ونص كاكاو مك خل وم محسن خبز وم فانليا

تحطى البيض والسكر انا طحنت السكر الاول والفانليا والخل ونضربهم بالمضر ربع ساعه لحد ما يكون كريمى ويتضاعف حجمه على اعلى سرعه ونحطى المحسن وتضرب تانى
وتحطى الدقيق معلقتين معلقتين وحطها فى مصفه الشاى وتنخلى وتضربى فى اتجاه واحد هو المفروض تضربى بمعلقه خشب بس انا كسلت وضربتها بالمضرب على ااقل سرعه لحد ماتخلصى الكميه

وتكونى مبطنه الصنيه بورق ذبده ودخايها الفرن ويكون الفرن سخن من قلبها وتظبطى الفرن على 180 درجه ومتفتحيش عليها الا بعد 35 دقيقه وتختبرها
لو طلع فى السكينه عجينه خليها فى الفرن لكن ولو تمام اطفى الفرن وورابى باب الفرن 5 دقايق وطلعيها بعد كدا
اعمليها من بليل وزينها تانى يوم
الكريمه جبت ربع كيلو كريم شانتيه بودر ومعه كيسين دريم ويب وكنت مسقعه ميه وبحط واحد واحده لحد ما تمسك على ااقل سرعه ولما تتقل نضرب 10 دقايق على اعلى سرعه اه وكنت دوبت 3 معلقه نسكويك وحطيتها مع الكريم شانتيه

صوص الشكولا
5م كاكاو و5م ذبده نحط الذبده فى حله ولما تسيح نحط اكاكاو ونحضر اللبن وننزل باللبن زى السرسوب وبنقلب بالايد التانيه بالمضرب السلك
زى البشاميل لحد ما توصلى للقوام المطلوب

وتخليها اخف شويه عشان لما بتبرد بتتقل وتحليهابشربات بتاع الحلويات وتشوفى الطعم عامل ازى وكل شويه تقلبى عشان متعملش قشره فو الوش ولما تبرد تزينى بيها التورته لو جمدت منك خفيفها بلبن
وكمان بتقسمى التورته وبتسقها بميه كمبوت او سفن اب او شربات

واى خدمخ ياسالاد ومتغبيش كدا تانى ياوحشه

أم بودي هي الصينية مقاس ٢٨ ذي الوصفة اللي اتبعتها وعملت ٧ بيضات وكوب و نص سكر وكوب ونص دقيق بس هي طلعت مش ثقيله ذي الصور اللي مشيت علي طريقتها و فعلا ماما قالتلي موضوع صينية الميه دي هجرب ثاني ان شاء الله المهم صوص الشوكولاتة بتاع شيري وهم عملت الكيكة ٣ طبقات بالخيط أول مرة تبقي سهله كده معايا في التقسيم.. نانو متحرمش منك يا قمر هجرب ثاني يوم الجمعة كده بس اخلص علي بتاعت النهارده الأول هههههههه

بنات هو محسن الكيك بيتضاف امتي مع الدقيق ولا مع ضرب البيض؟ وأضيف قد ايه ؟ أنا هعمل ان شاء الله يوم ميلاد آدم ٢ تورتة ربنا يسهل و اقدر أعملهم كويسين و اكلير وميني بيتزا أعمل ايه ثاني بس مش عايزه حاجة في كاسات علشان مش يكفي العدد الجاي عندي وياريت اللي عنده لينك بسبس بتاع يوم ميلاد ياسين يبقي تسلم ايدها و متحرمش منكم ياقمرات

كل شهر وانتو طيبين

مبروك الجزء الجديد محبتش اجى بايدى فاضيه

دا عشايا النهارده
معجنات بالجبن و الزيتون





هى كان المفروض تطلع شكلها احلى من كده بس اللى حصل بقى ههههههههههههه
المهم الطعم كان حلو اوىى


و دا بروفيترول كنت عاملااه قبل كده

حلو اوى يادونى تسلم ايديك
قولى على طريقه المعجنات

كل جزء وانتم بخييييييييييير ويارب دايما كده مع بعض

manafola;15623876:

كنتا عايزة اعمل فرخه محشيه بس عايزة اسويها في الكيس الحراري اسوي الرز كويس و لا نص سوا اكنها هتتسلق و لا نص سوا و يكمل سواه مع الفرخه في الكيس وز لو الطريقه يبقي كتر خيركم بقي

بصي بيتسوى نص سوا بتجيبي حتة زبدة ومعلقة زيت تشوحي البصلة ولما تدبل تحطي الكبدة والقنصة لو عندك مع فص مستكة لو عندك برضه وتشوحي وتكوني بشرة جزراية تنزليها تشوحي معاها بعد ما تشوحي الكبدة والقنصة وتحطي ملح وفلفل وبعدين تحطي الرز، انا بشوح حلقات فلفل حامي معاه عشان جوزي بيحب الفلفل في الاكل مبيحبش الشطة
وبعدين تحطي كباية رز تشوحيها معاه تقليبتين وبعدين تحطي نص كباية مية او نص وحبة كده اقل من الربع وحطي ملح ووطي النار كده تلت ساعة او ربع ساعة وطفي واحشي بقى براحتك

~OM-ADAM~;15624782:
يا بنات أنا عملت كيكة اسفنجية بس وشها احمر اوي شبه اتحرق كده و بقي قشرة شلتها بسهولة ومش عليت كثير مع اني عملتها بطريقة البياض لوحده و الصفار لوحده وضربت لما زهقت ههههههه.. هو الفرن بتاعي حامي أصلا.. ايه التكات اللي اقدر اخليها مظبوطه المرة الجاية

انا معرفش بصراحة لان حتى فرني هنا عجيب غريب فمش عارفة اتعامل :D

~OM-ADAM~;15626326:
بنات هو محسن الكيك بيتضاف امتي مع الدقيق ولا مع ضرب البيض؟ وأضيف قد ايه ؟ أنا هعمل ان شاء الله يوم ميلاد آدم ٢ تورتة ربنا يسهل و اقدر أعملهم كويسين و اكلير وميني بيتزا أعمل ايه ثاني بس مش عايزه حاجة في كاسات علشان مش يكفي العدد الجاي عندي وياريت اللي عنده لينك بسبس بتاع يوم ميلاد ياسين يبقي تسلم ايدها و متحرمش منكم ياقمرات

بصي انا كنت مفكرة المحسن بيتحط مع الدقيق وعملت كده كذا مرة مكنتش بلاقي نتيجة بس احساس اني بحط محسن وخلاص
لكن فراشة بتقول انه بيتحط مع البيض وهو بيتيضرب بعد ما يبقى كريمة تقريبا كده عشان كده بيعمل ماشاء الله نتيجة فعالة معاها

*DONY*;15626403:
مبروك الجزء الجديد محبتش اجى بايدى فاضيه

دا عشايا النهارده
معجنات بالجبن و الزيتون

هى كان المفروض تطلع شكلها احلى من كده بس اللى حصل بقى ههههههههههههه
المهم الطعم كان حلو اوىى


و دا بروفيترول كنت عاملااه قبل كده

ماشاء الله تبارك الله شغلك جميل يا دوني
طيب عايزة طريقة الفطاير ازاي ممكن؟؟

كنت عايزة تتبيلة البوفتيك المقلي حالااااااااااااا

~OM-ADAM~;15626326:
بنات هو محسن الكيك بيتضاف امتي مع الدقيق ولا مع ضرب البيض؟ وأضيف قد ايه ؟ أنا هعمل ان شاء الله يوم ميلاد آدم ٢ تورتة ربنا يسهل و اقدر أعملهم كويسين و اكلير وميني بيتزا أعمل ايه ثاني بس مش عايزه حاجة في كاسات علشان مش يكفي العدد الجاي عندي وياريت اللي عنده لينك بسبس بتاع يوم ميلاد ياسين يبقي تسلم ايدها و متحرمش منكم ياقمرات

محسن الكيك دا اللي زي الفازلين صح
دا بيضاف مع البيض بعد البيض والفانليا وتضربي بقي وهتلاقي قومها تقل شويه بتحطي معلقه صغيره مليانه علي الاخر

~OM-ADAM~;15624782:
يا بنات أنا عملت كيكة اسفنجية بس وشها احمر اوي شبه اتحرق كده و بقي قشرة شلتها بسهولة ومش عليت كثير مع اني عملتها بطريقة البياض لوحده و الصفار لوحده وضربت لما زهقت ههههههه.. هو الفرن بتاعي حامي أصلا.. ايه التكات اللي اقدر اخليها مظبوطه المرة الجاية

انتي ولعي الاول من تحت بس
وبعد لما تحسي انها بدأت في السوا في اخر 10 دقايق بس تولعي من فوق علي اهئ حاجه

بيرق أمل;15627545:
كنت عايزة تتبيلة البوفتيك المقلي حالااااااااااااا

دا احنا اللي المفروض بتسألك يانور مش انتي هههههههههههههه

انا بعمل بصل مبشور وفلفل اخضر مبشور احيانا وعليه بقي ملح وفلفل وتوابل وبس
وفي ناس بتحط مايه البصل بس
انا بحط البصل المبشور وبشيله قبل ما احطه في البيض