سلام ا عليكم
مشكلتي يابنات اهل زوجي انا ماعتبرها مشكله بس فيها ضيقة خلق وهي اهل زوجي يحترموني ويقدروني والحمد لله لكن احس معاهم بغربه لما اجلس معاهم ماكأني زوجه ولدهم احس برسميه معاهم على اني احب هالنوع من العلااقه مع اهل الزوج باللذات لكن لما اشوف حريم اخوانهم كيف معاهم مثل الاخوات وحتى اذا بسولف احس برهبه مثلا اني اغلط بالكلاام اوأقول كلمة احسهم يعلقون بنظرات عيونهم موبلسانهم بسبب اختلااف اللهجه ومستوى الكلاام وبالنسبه لزوجي علاقته فيهم بعيده شوي لانه انطوائي وانا ابغي اكون قريبه اكثر منهم عشان كده احس بخوف كبير ورهبه وانا شخصيتي قويه ولي هيبه مأمدح نفسي بس هذا الي ينقال عني بمجتمعي واهالفترة في اجتماع عائلي كبير عند اهل زوجي وانا افكر كثير كيف اتعامل عشان اكون مرتاحه ومأحس بغربه بينهم طبعا لو بسوي ميانه كعادتي مع اهلي يمكن تروح هيبتي وافقد احترامهم فشنو تنصحوني
اهل زوجي احترمهم ويحبوني لكن احساس الغربه بينهم
ا
03-10-2011 | 02:29 PM
ن
03-10-2011 | 03:05 PM
امممممم برايي انك تحافظي على رسميتك بس خليكي بادبك باحترامك وكلامك موزون ترى كرتر اللت والعجن يسبب مشاكل احسن ترى لو تطلع كلمه بالغلط يسير كل اللي بينكم زوجتك سوت قالت فعلت ومن الكلام الفاضي اللي راح يعيش معاكي سنيني طويله
كيف يعني اختلاف اللهجه ما فهمت يعني جنسيتك غير؟
وعاد بحدث زي هادا واجتماع كبير لا خليكي رسمية احسن لك ترى ..... بالتوفيق
كيف يعني اختلاف اللهجه ما فهمت يعني جنسيتك غير؟
وعاد بحدث زي هادا واجتماع كبير لا خليكي رسمية احسن لك ترى ..... بالتوفيق
ا
03-10-2011 | 03:16 PM
مشكورة عزيزتي ماقصرتي هو حلو الرسميه بس احس بغربه وعدم ارتياح وبالنسبه للهجه احنا من نفس المنطقه اللهم تفاوت في مستوى الكلام ا يعني كلااممي شوي ارقى وهم كلاامهم في كلمات قديمه او بالعكس على انه كله كلام ا مفهوم
ن
03-10-2011 | 03:32 PM
الوان;15617472:
مشكورة عزيزتي ماقصرتي هو حلو الرسميه بس احس بغربه وعدم ارتياح وبالنسبه للهجه احنا من نفس المنطقه اللهم تفاوت في مستوى الكلام ا يعني كلااممي شوي ارقى وهم كلاامهم في كلمات قديمه او بالعكس على انه كله كلام ا مفهوم
العفو ياقمر
حبيبتي الرسميه مو معناها انك تكوني ما تضحكي ولا تبتسمي او غريبه لا والله ياقلبي معناها انك تروحي باحترامك وتجي باحترامك وعمرو اختلاف مستوى الكلام سبب مشكله بالعكس مره عادي دام انه مفهوم واشوف الاحسن انك تروحي من دون ما تطلع زلة لسان احسن ما انك تطلع كلمة وتجلي طول الوقت تفكري
موفقه ياقلبي:thumbs_up:
ف
03-10-2011 | 03:42 PM
أنا كنت نفسك أحس بغربه بين اهل زوجي مع أنهم طيبين بالمره بس استحي وأخجل منهم وبعد ماجبت بنتي البكر حسيت أن هالحاجز انزال والحين بالعكس صرت أحس أني عايشه بين اهلي وصرت افلها معهم ماله داعي اصير رسميه اهم شي أني اعرف حدودي وهم بعد ودامهم يحترموني وأنا أحترمهم مافيه أشكال لاطاحت بينا الميانه وهذا رايي
ش
03-10-2011 | 04:26 PM
قلبوووووووووووووو امسكي العصا من النص
وتصيري مرحه
وتصيري مرحه
ا
03-10-2011 | 07:15 PM
سولفي بس ما وايد كوني عادية اذا في شي يضحك اضحكي لا تكوني عابسة
وفي الأجتماع لا تدخلي فنقاشاتهم اذا في مشاكل بينهم ولا تبدي رأيج
كوني قريبة شوي منهم ولا تكون مع أحد ضد أحد عشان ما ينقلوا الكلام ومدحي فيهم محلوة يا قمر،حبوبة،....وهيك كلام
بس لا تعطيهم وايد وجه عشان لا يدخلوا فحياتج الخاصة
واذا طلعتي مكان او سافرتي اشتريلهم هدايا او لما تسيري تتسوقي
وفي الأجتماع لا تدخلي فنقاشاتهم اذا في مشاكل بينهم ولا تبدي رأيج
كوني قريبة شوي منهم ولا تكون مع أحد ضد أحد عشان ما ينقلوا الكلام ومدحي فيهم محلوة يا قمر،حبوبة،....وهيك كلام
بس لا تعطيهم وايد وجه عشان لا يدخلوا فحياتج الخاصة
واذا طلعتي مكان او سافرتي اشتريلهم هدايا او لما تسيري تتسوقي
ا
04-10-2011 | 12:02 PM
مشكورات اخواتي انا موعابسه بالعكس على طول مبتسمه بس مأخذ راحتي بالسوالف لاأي احس برسميه وبعدين شنو اخذ لهم هدايا ماشاء الله عددهم كبير وياريت نسمع نصايح اكثر عشان استفيد
م
04-10-2011 | 02:11 PM
والله انا زيك
انا صار لي سنتين وزود متزوجه
لي حد هالوقت وانا اخجل وماخذ راحتي ابد استحي
واحس روحي مب طبيعيه بس اوكي نوعا ما
الادهى لما اروح بيت جدته الكل يسال عني كل مره وانا ما احب اروح هناك احس روحي مقروصه
مع انهم عادي وحبيبته ويسولفون
بس مادري ليه هالاحساس القبيح
اللحين ماشفت الجده الا من العيد والخالات
ماشفتهم فالعيد ولا قبل
اكثر شي اشوفهم بالمناسبات
الصراحه انا مقصره بس ما احب اروح ما ارتاح احس اكون على اعصاااابي
الله يعينا وياك
انا صار لي سنتين وزود متزوجه
لي حد هالوقت وانا اخجل وماخذ راحتي ابد استحي
واحس روحي مب طبيعيه بس اوكي نوعا ما
الادهى لما اروح بيت جدته الكل يسال عني كل مره وانا ما احب اروح هناك احس روحي مقروصه
مع انهم عادي وحبيبته ويسولفون
بس مادري ليه هالاحساس القبيح
اللحين ماشفت الجده الا من العيد والخالات
ماشفتهم فالعيد ولا قبل
اكثر شي اشوفهم بالمناسبات
الصراحه انا مقصره بس ما احب اروح ما ارتاح احس اكون على اعصاااابي
الله يعينا وياك
k
04-10-2011 | 02:51 PM
حبيبتي خذي نصيحه مني ( مجربه )\
ترى طيحت الميانه تفقدك شخصيتك
وخليك مثل ما انتي لان اذا كثرتي روحه لهم بطيحه الميانه ويصير كل شوي يطلبون منك اشياء تخصك مثلا الاب توب
حبيبتي احسن لك والله انا ندمت وصار لي كذا صرت ما ارتاح في البيت كل شوي داقين اطفالهم الباب لاني عطيتهم وجه
وكل شوي راكبين معي لسوق ويسألوني وين رحتي وش اشتريتي ومين جاءك
حتى السفر ما عمري سافرت لحالي الا مره وكرهت السفر بعدها لانهم حسيت انهم زعلانين ويرمون كلاك ماله داااعي
حبيبتي خليك بحالك
عندنا مثل يقول ( ابعد اللحم عن بعض لا يعفن )
يعني لما ما يكون هناك حواجز بين الناس
وناس قريبين من بعض راااح تفسد العلاقه وراح يكون فيه مشاكل
وبالذات مع اخوووات زوجك انتبهي خليك مثل ما انتي عشان ما تخسرين شخصيتك
ترى طيحت الميانه تفقدك شخصيتك
وخليك مثل ما انتي لان اذا كثرتي روحه لهم بطيحه الميانه ويصير كل شوي يطلبون منك اشياء تخصك مثلا الاب توب
حبيبتي احسن لك والله انا ندمت وصار لي كذا صرت ما ارتاح في البيت كل شوي داقين اطفالهم الباب لاني عطيتهم وجه
وكل شوي راكبين معي لسوق ويسألوني وين رحتي وش اشتريتي ومين جاءك
حتى السفر ما عمري سافرت لحالي الا مره وكرهت السفر بعدها لانهم حسيت انهم زعلانين ويرمون كلاك ماله داااعي
حبيبتي خليك بحالك
عندنا مثل يقول ( ابعد اللحم عن بعض لا يعفن )
يعني لما ما يكون هناك حواجز بين الناس
وناس قريبين من بعض راااح تفسد العلاقه وراح يكون فيه مشاكل
وبالذات مع اخوووات زوجك انتبهي خليك مثل ما انتي عشان ما تخسرين شخصيتك
u
05-10-2011 | 10:50 AM
صـبــــر الليـــــالي;15617517:
العفو ياقمر
حبيبتي الرسميه مو معناها انك تكوني ما تضحكي ولا تبتسمي او غريبه لا والله ياقلبي معناها انك تروحي باحترامك وتجي باحترامك وعمرو اختلاف مستوى الكلام سبب مشكله بالعكس مره عادي دام انه مفهوم واشوف الاحسن انك تروحي من دون ما تطلع زلة لسان احسن ما انك تطلع كلمة وتجلي طول الوقت تفكري
موفقه ياقلبي:thumbs_up:
S
05-10-2011 | 12:10 PM
حلو العلاقة الرسمية ابقى للاحترام،،اذا حابة تعمقي علاقتك فيهم عمقيه بس في اطار الرسمية عشان يظل الاحترام و لا تستعجلي بتحسي بالقرب مع الوقت و العشرة الطيبة
أ
05-10-2011 | 12:26 PM
ذوبي الجليد الي بينج وبينهم , وهذي تقدرين عليها وبكل بساطه تعاملي معاهم بشكل
عفوي خليج على طبيعتج , شخصيتج بتطلع وايد احلى خلي الإبتسامه على طول مرسومه
صدقيني الحياة بتكون وايد احلى , بالنسبه لعلاقتج بزوجج وهي اهم بواجد من علاقتج بأهل
زوجج , هل انتي تحتكين بأهل زوجج نظرا لأنه في شئ بينج وبين زوجج :-# نصيحتي
حاولي تقربين زوجج من هله , اثبتي مكانته في بيت هله , يعني يقوم بأدوار مهمه في
البيت , مثل جلب بعض الأغراض , تصليح بعض الأشياء , أن يحضر بعض الهدايا , حق امه
وابوه , العيد على الأبواب , فكري في حاجه حلوه مثلا يجيب صحن بيتفور وصحن حلويات ,
يعطي امه مبلغ من المال حق العيدية , يعني انتي ابتكري اشياء حلوه .
عفوي خليج على طبيعتج , شخصيتج بتطلع وايد احلى خلي الإبتسامه على طول مرسومه
صدقيني الحياة بتكون وايد احلى , بالنسبه لعلاقتج بزوجج وهي اهم بواجد من علاقتج بأهل
زوجج , هل انتي تحتكين بأهل زوجج نظرا لأنه في شئ بينج وبين زوجج :-# نصيحتي
حاولي تقربين زوجج من هله , اثبتي مكانته في بيت هله , يعني يقوم بأدوار مهمه في
البيت , مثل جلب بعض الأغراض , تصليح بعض الأشياء , أن يحضر بعض الهدايا , حق امه
وابوه , العيد على الأبواب , فكري في حاجه حلوه مثلا يجيب صحن بيتفور وصحن حلويات ,
يعطي امه مبلغ من المال حق العيدية , يعني انتي ابتكري اشياء حلوه .
ج
05-10-2011 | 01:23 PM
حبيبتي نصيحة لوجه الله خلج رسمية
والله صدقيني كذا أحسنلج وسألي البنات إللي طيحوا الميانه صارت بينهم وبين اهل زوجها مشاكل
خلج رسمية كذا الكل يحبج ويعملج حساب في نفس الوقت
لاتتكلمي عن اهلج لا بالخير ولا بالشر خلج غامضة من هالناحية
مايمنع انج تشتريلهم أشياء للبيت بتفرح أم زوجج أو بالمناسبات اشتريلها جلابية واذا شفتي شي ناقص على اخوات زوجج اشتريلهم
بس مثل ماقلتلج خلج رسمية ولاتتدخلي في مشاكلهم لا اهم ولا اهلهم
وبعد في نقطة لاتسمحي لاي احد يتكلم فيج او في اهلج خصوصا في اهلج لانه لو تعودوا يتكلموا سواء بالخير او بالشر بيتعودوا وبتضيع هيبت اهلج قدامهم ويمكن يطلعوا عليهم كلام ماحصل
ف احسن خلج بعيد
والله صدقيني كذا أحسنلج وسألي البنات إللي طيحوا الميانه صارت بينهم وبين اهل زوجها مشاكل
خلج رسمية كذا الكل يحبج ويعملج حساب في نفس الوقت
لاتتكلمي عن اهلج لا بالخير ولا بالشر خلج غامضة من هالناحية
مايمنع انج تشتريلهم أشياء للبيت بتفرح أم زوجج أو بالمناسبات اشتريلها جلابية واذا شفتي شي ناقص على اخوات زوجج اشتريلهم
بس مثل ماقلتلج خلج رسمية ولاتتدخلي في مشاكلهم لا اهم ولا اهلهم
وبعد في نقطة لاتسمحي لاي احد يتكلم فيج او في اهلج خصوصا في اهلج لانه لو تعودوا يتكلموا سواء بالخير او بالشر بيتعودوا وبتضيع هيبت اهلج قدامهم ويمكن يطلعوا عليهم كلام ماحصل
ف احسن خلج بعيد
ا
05-10-2011 | 05:46 PM
مشكورات اخواتي جميعا ماقصرتو صراحه افدتوني وشجعتوني اكون على شخصيتي الرسميه المبتسمه الهادئه المحترمه يعني حسستوني ان شخصيتي جدا طبيعيه لاأن على بالي بس انا بالدنيا علااقتي فيهم رسميه الف شكر لكم
ذ
05-10-2011 | 09:41 PM
تعاملي عادي
خلي الاحترم موجود
اضحكي امزحي بس كل شي بحدود
موفقه الغلا
خلي الاحترم موجود
اضحكي امزحي بس كل شي بحدود
موفقه الغلا
م
05-10-2011 | 11:47 PM
خليكي رسميه
ونصيحه قللي كلام انت بعدك جديده
بس لمه تنسالين جاوبي والا ابد لاتتكلمين لكن خلي الابتسامه متفارق محياكي
تره اذا بعتي ميانه والله تخسرين ميبقالك غموض تصيرين مكشوفه ع الكل
انا اشوف طبعك حلو بس تاكدي ووثقي بي اكثر
والي يباوعلك طنشي والي يسالك جاوبي لكن خلي جوابك بجمله صغيره ومفيده
خير الكلام ماقل ودل
وروحي بزودك
وموفقه اختي
ونصيحه قللي كلام انت بعدك جديده
بس لمه تنسالين جاوبي والا ابد لاتتكلمين لكن خلي الابتسامه متفارق محياكي
تره اذا بعتي ميانه والله تخسرين ميبقالك غموض تصيرين مكشوفه ع الكل
انا اشوف طبعك حلو بس تاكدي ووثقي بي اكثر
والي يباوعلك طنشي والي يسالك جاوبي لكن خلي جوابك بجمله صغيره ومفيده
خير الكلام ماقل ودل
وروحي بزودك
وموفقه اختي