اكتبي مشكلة طفلك وابله ليونا حتساعدك

السلام عليكم
صارلي زمان ما دخلت المنتدى وسبحان الله دخلت اعرض مشكلة بنتي
ولقيت هالموضوع ،، وياريت ألقى حل لأني بنفجر ،،
بنتي الله يحفظها كملت 3 سنين و 4 شهور
عنيده عنيده عنيييييييييييييده وراسها يابس بشكل فظيع ،، ومن غير ما شاء الله عليها مزعجه وأي شي تطلبه لاازم تطلبه وهي تصيح ،، تبكي يعني ،، تبغي تنام تصيح تبغي تأكل تصيح تبغي تلعب بأي لعبه كانت تصيح كل تصيح وكأنها ملانه ،، مع ان نأخذها فالشهر مره أو مرتين الألعاب وتلعب. وتفرح لكن بس من نرجع البيت نفس الموال صياح وملل ،، وصراحه نفذ صبري معاها مليت وأنا افهمها ان أي شي تبغيه ممكن تحصل عليه بس بدون صياح مافي فايده

دخلتها الحضانه والحمد لله مستمتعه بس خل اروح أخذها يبدأ الصياح فالسياره تبغي هذا وتبغي هذا وتصيح
وقالولي بتدخل ألحضانه بتتغير شخصيتها وبتصير أهدأ وتسمع الكلام ،، بس أبدا مافي شي تغير ،، مع ان صارلها 3 شهور فالحضانه
تعبت تعبت منها جد وصرت يوم أوصل حدي أصرخ عليها بهستيريا
وإيدها طويله كل تضرب وتصارخ استحي اخذها معاي مكان عشان ما تفشلني.
ابغي حل بلييييييييييز لأني مليت وتعبت منها وحاسه أني بنفجر :'(

شمعة محبة;15789401:
السلام عليكم
صارلي زمان ما دخلت المنتدى وسبحان الله دخلت اعرض مشكلة بنتي
ولقيت هالموضوع ،، وياريت ألقى حل لأني بنفجر ،،
بنتي الله يحفظها كملت 3 سنين و 4 شهور
عنيده عنيده عنيييييييييييييده وراسها يابس بشكل فظيع ،، ومن غير ما شاء الله عليها مزعجه

F:عزيزتي لازم تقوليم ماشاء الله عليها لا يجي لبنتك من غير شر مرض يخليها طايحة قدامك لازم ماشاء الله الله يحفظها لكم F:
عنيدة :العنيد لازم مانعاملة بعناد لالالالالالالا لازم نعاملة بالسياسه والثبات
مثلا تبغى تخرج تلعب وانتي تبغيها تتغدى وجلستي تصرخين
هذا الاسلوب ولى وراح
المفروض تقوليلها انا الان باتفق معاك اول شي ناكل بعدين نلعب
او نلعب شوية بعدين تاكلين واذا وعدتيها لاتكذبي عليها بليييييز لانها بعد كذا حتحط على كلامك اكس

وأي شي تطلبه لاازم تطلبه وهي تصيح ،، تبكي يعني ،، تبغي تنام تصيح تبغي تأكل تصيح تبغي تلعب بأي لعبه كانت تصيح كل تصيح وكأنها ملانه ،، مع ان نأخذها فالشهر مره أو مرتين الألعاب وتلعب. وتفرح لكن بس من نرجع البيت نفس الموال صياح وملل ،، وصراحه نفذ صبري معاها مليت وأنا افهمها ان أي شي تبغيه ممكن تحصل عليه بس بدون صياح مافي فايده

جربت هذا الحل بنفسي :ان اذا تبغى شي وهي تصيح ماتاخذة تسكت وتقول لوسمحتي واذا كانت تبكي بزياده يعني بصرااخ وقلة ادب طنشيها وقوليلها ماما ماتحب اللي يبكي ولا تسمع كلامه اللي يسكت ماما تكلمه
وصدقيني مرة عن مرة عن مرة بتتعلم

دخلتها الحضانه والحمد لله مستمتعه بس خل اروح أخذها يبدأ الصياح فالسياره تبغي هذا وتبغي هذا وتصيح
وقالولي بتدخل ألحضانه بتتغير شخصيتها وبتصير أهدأ وتسمع الكلام ،، بس أبدا مافي شي تغير ،، مع ان صارلها 3 شهور فالحضانه

لازم تستمر بالحضانه وتقولي لمعلمتها عن شخصية بنتك وتاخدي من خبرتها

تعبت تعبت منها جد وصرت يوم أوصل حدي أصرخ عليها بهستيريا
وإيدها طويله كل تضرب وتصارخ استحي اخذها معاي مكان عشان ما تفشلني.

عزيزتي الطفل زي البلونة اللي تنفخي فية حيتعبى
مثلا انتي بتصرخي عليها لما تبغي شي منها هي طبيعي حتردها لك وحتصرخ وتبكي
بلييييز حاولي تتعاملي معاها بهدوء معليش احيانا تصبري وتهدي وتهدي وتهدي بس تنفجري
امسكي نفسك
وعامليها بهدوء خلاص من اليوم اتكلمي معاها بشويش وحتى لما تبغي شي اتكلمي بشويش واطلبي بهدوء ولاتناديها بصوت عالي يفزها كل شي بهدوء انتي اعصابك حتهدا وهي ختهدا كمان
وابو الشباب زوجك :adore:حيشوف نعومه وهدوء يروووقه ويعجبة :adore:
صدقيني حيتفاجاأ من اسلوبك الجديد وحيمدحك

اما عن الصرب
فاذا انتي كنتي تضربينها حتى لو خفيف فما اقلك الا انها اتعلمت منك
يعني انتي ضربتيها على خطء بدون ماتفهميها ولا شي اول ماشفتيها طراااس ضربه
هي اذا شافت من احد الاطفال ان اخطا تضربة حتى لو ماكان خطأ
بس من وجهة نظرها انه خطا لان لسة ماعرفت القوانين والملكيات الخاصة
وتحسب ان كل الدنيا لها وماما وبابا يقدرو على اي شي

ابغي حل بلييييييييييز لأني مليت وتعبت منها وحاسه أني بنفجر :'(

مشكورة حبيبتي وتسلمين
انا والله دايما اسمي عليها واكبّر واقول ماشاء الله

الله يوفقج وينولج اللي في بالج يااارب :L:

طفلي عمره سنتين وشهرين مشكلته الالفاظ السيئه ماني عارفه كيف اتصرف معاه يسب كل الناس ومسبب لي حرج بتعليقاتهم عاقبته بس مافي فايده تكفين ساعديني
مشكلته الثانيه انه عصبي حييييييل يعصب لاتفه الاسباب واذا عصب يشد بنفسه ويضل يبكي والله تعبانه معاه حيييل
ربي يجزاك كل خير على مساعدتك للامهات

اسيره هم;15796874:
طفلي عمره سنتين وشهرين مشكلته الالفاظ السيئه ماني عارفه كيف اتصرف معاه يسب كل الناس ومسبب لي حرج بتعليقاتهم عاقبته بس مافي فايده تكفين ساعديني
مشكلته الثانيه انه عصبي حييييييل يعصب لاتفه الاسباب واذا عصب يشد بنفسه ويضل يبكي والله تعبانه معاه حيييل
ربي يجزاك كل خير على مساعدتك للامهات

زيزو الحالمة;15798062:

السلام عليكم أبله ليونه..انا المشكله في ولد اختى يسب أمه سب مو طبيعي


انتى حيوانه وكلبه وكذابه .........الخ المصيبه كبير مو صغير عمره خمس سنين

وهو الحين في الروضه وماتغير شي واذا زعلت منه وقالت له انا زعلانه منك وانت مو ولدي

يزعل ويضايق و يرجع يسبها واذا زودها تضربه بس نادرا ماتضربه دايم تطول بالها عليه


بليييز ابغي طريقه تمشي عليها مع ولدها ....مووووووفقه

السلام عليكم
حبيبتي انا كتبت عن مشكلة السب والشتم في صفحاتي السابقة بس راجعيها وحارجع اكتبلك نفس الرد اللي فوق
السب لازم يتعاقب
والشي الثاني هل صحيح فعلا اختك تكذب علية ؟؟
يعني تقولة اذا سويت كذا حا شتريلك وماتشتريلة
اذا كان جوابك بنعم قولي لأختك تلتزم الصدق عشان ولدها يتعلم منها وماتفقد احترامها لنفسها امامه
لان هو قدامه الان ان امه هي الصح فلاتلومه اذا كذب عليها وهو كبير فهمتي عليا ياعسل
اما انها تقولة انتى مو ولدي خطأ تقولة انا زعلانه منك وماراح اكلمك عشان تسب امك واللي يسب امه ربنا مايحبة والناس ماتحبة وانا ماراح اكلمك
حيعتذر تفهمو وقتها هي من ايش زعلانه وانه اذا قال هذا الكلام مرة ثانية حيعاقب العقاب يكون مناسب لسنه
يعني حبسة لمدة 10 دقايق في صالة المنزل يعني مو مكان معزول او موحش او شي
وكل ماسب يرجع ينحبس وخليها تاخد منه موقف شديد وتبين انها زعلانه من جد
عشان هو يحس من ردة فعلها ان اللي سواه خطأ كبير
بوركتي يا غالية
دعواتك/اختك ليونا