استفسار

حبيبتي ..

انصحج لا تطولين في الخطووبة .. لان فعلا ممكن تصير مشاكل .. وفترة طويلة ذي يروح وايي عليج وكله طلعات .. يمكن يتملل بسرررعة ..

الخطوبة حلاتها 6 - 8 اشهر من رايي ..

اتمنى اني افدتج وانا مو متزوجة ولا مخطوبة طالبة ليحين بس حبيت افيدج من كلام امي والناس .. ^_^

^^^^^^
كلامها صحيح حلاتها من 6 شهور الى سنه
هذا رائي لانها كل ماطولت المده كل ما ملو من بعض

شكرًا لكم خواتي ع للافاده

الخطوبة مرحلة حلوة واحس سنة ونص زينة
حق الي ما يعرفون بعض بس لين طالت اكثر تبصق

اختي أنا اقصد فتره الخطبه سنه ونص كيف أنا عندي ظروف دراسه وكذا
شي طبيعي مشاكل في كل فتره ومرحله بالحياه فيها مشاكل لابد
بس اقصد لما أطول فتره الخطبه كيف

اين تفاعل الخوات

اذا في ظروف تتطلب تطول فترة الخطبة اعقتد مافي مشكلة

الله يوفقج ويهنييج

لاعادي اختي ’ الله يوفقج ويهنيج

اختي ربي يتمم عليكي بالخير
بس انصحك لاتكثري طلعات معه ولاتعطيه اكثر من حدوده اتوقع فاهمه قصدي

مساء الورد ..
السؤال غريب ، بس فترة سنة ونص ماهي قليلة ولاهي كثيرة .. زينه ..
بتكتشفون بعض أكثر وبتتفاهمون أكثر وبتحبون بعض أكثر ..
وأهم شي التفاهم والاتفاق من البداية بتكون الامور سهلة عقب ..

انا وزوجي حاليا تمينا سنتين ونص مخطوبين " بعقد طبعا " والحمدلله كنا متفاهمين على كل شي لان كنت مرتبطة بدراسة وعقب تريننغ وكان بالعكس يساعدني في الدراسة وكنا طلع ونروح ونجي والامور طيبة . طبعا المشاكل والمشاحنات مابينا لازم بس كنا نسيطر عليها ونتفاهم .. وعقب ماقررنا نتزوج تزوجنا والحمد لله الامور زي العسل ^_^ أهم شي تشوفين شنو طبيعته وطبيعتش وتتثقفين من ناحية التعامل مع الزوج وماتاخدين رأي أي احد قبل رايه هو ..

وبالتووفيق ..