تعالي احكي لك قصة ولادتي

مرحباً عرااااااايس كيفكم واحشيني كثير خصوصا أني انقطعت عن المنتدى بسبب الولاده وولدي المزعج المهم...جايه احكي لكم قصة ولادتي بالتفصيل الممل ..بسم الله نبدأ....
طبعا أنا بكريه وصار لي تقريبا شهرين والده وانا من تجمع اغسطس كان كله بنات طيوووبات اوجه لهم سلامي لو قروا موضوعي ..المهم أني من دخلت الشهر التاسع ذاك اليوم وانا كل يوم الم غييييير شكل خلصت التاسع ومافي اي بوادر ولاده تذكر وكل يوم اروح امشي لي بمول وقبل ولادتي بأربع ايام اخذنا لنا بفندق قريب من المستشفى لان المستشفى بعييييييد من بيتي و الاثنين تاريخ 8اغسطس يعني 8رمضااان رحت أنا وزوجي امشي بالممشى اللي على جامعه الامير سلطاااان وامشي ستتتتتتته خلال ثلاث ساعات ومن مشيت وانا احس بالم خفيف اسفل بطني بس كان خفيف مرره بس رجولي عورتي مره من وغطت على الم المهم رجعنا الفندق وانا كنت تعبانه حطيت راسي بناااام بس مانمت كويس بسبب الم ببطني ورجوووووووولي والصباح كان عندي موعد متابعه رحت الموعد وقلت للدكتور اللي فيني من الم بطني ورجولي طبعا زفني على الكثير لانه تعبني وقالي للحامل ينشط الدوره الدمويه بس ماله علاقه بالولاده قالي امشي عشرً دقايق وارتاحي وطلب مني انه يفحصني بس أنا رفضت ...المهم رجعت الفندق وأذن وأفطرنا وبعد الفطور حسيت بالم يزييييييد صرت احسب له صار كل ثلث ساعه قالي زوجي نروح المستشفى قلت لا لسى لحد مايقوى الألم والساعه وحده و55 دقيقه الليل كنت قاعده على السرير فجأه كذا حسيت بالم قوييييي لدرجة أني صرررختت وحسيت بشي يتسرب مني استمر معي الألم مده نص او دقيقه كامله حسب لي زوجي وصار كل خمسسسس دقايق على ثالث طلقه رحت التواليت وانتو بكرامه ابدل ملابسي وشفت ملابسي اللي جوا كلها مويه بداتها وطلعت وانا ابكي ركنا للمستشفى اللي مابيننا وبينه اللى 9 دقايق وكأنها 9 ساعات اقوله اسرع بمووووووت ويقولي كيف اسرع الشارع زحمه لأننا برمضااان المهم دخلنا الطوارئ ودايركت على قسم. الولاده كان اغلبه هدووووووووء ماسمعت اللى صوت وحدة تصرخ وانا بس<<<الباقين متخذين ابر ظهر .. اول ما دخلت قالت لي القابلة الفلبينه اللي كلمه عسل شوي عليها هبيبتي سوي بول عشان حطي تحليل وتعطيني العلبه وتقعد عند باب التواليت وقالت لي لا عسكري الباب وضلت عند الباب لحد ماخلصت وودتني للغرفه قبل الولاده وركبوا علي الأجهزة للنبض والطلق والمغذي أنا اصرررخ كشفت لي وقالت خمممممسه وانا ابكي وأقول بااااس خمممسه يارب رحمتك بموووووووووووووت جاني الدكتوره السودانيه كانت أخلاقها زفت قالت تبغي إبرة ظهر قلت مدري وراحت وخلتني أنا ابكي وكل ماصرخت حطت لي القابله كمام اسود عشان أتنفسه وعدتني أبره مع الفخذ تقول تخفف طبعا ماحسيت باي فرق والساعه اربع الفجر فحصتني مره ثاني وقالت ثمااااانيه يله ولااااده ودوني على غرفة الولاده جاني طبيبة امتياز سعوديه تسألني أنا تعباانه تسال من بعايلتكم فيه ظغط او سكر هل فيك امراض قبل قد سويني عمليه قبل أنا اجاوبها وانا شوي واموت بس بالأخير قلت بااااااس اسكتي اطلعي براااا فعلا قامت تطالعني وطلعت فحصتني القابله وقالت يله شوي بوووش تحت سوا سوا تواليت وانا اسوي بووووش بووووش وقعدت نص سااااعه اتعصر قالت يله حبيبتي أنا شوف راااس أقولها خلاص ماقدر بموت وربي بموت مافيني حيييييل خلااااااص شهقت وقالت مدام بوش. بوش بيبي مافي أوكسيجين حاولت أني ادفع وادفع لحد ماسحبته مني
وطلع مني محمد ولدي فجر الاربعاااااا الساعه 5:21 دقيقه كااان لونه بنفسجي وشفاايفه سووودا بس طول ما بكى لانه مختنق
أنا معاناتي تبدا بعد الولاده جتني الدكتوره السودانيه الزفت وخيطتي وانا احس وتهامس تقول ليكي عليم الله ماتتحركي وانا أقولها شلون مااتحرك وانا احس قالت لي القابله تنفسي من الكمام حييت أني دااايخه وهي تخيط وتخيط اقسم لكم أني احس بالإبره وهي تغرزها فيني أنا اون وأبكي وانا مافيني حيل اصرخ او أتحرك بسبب الكمام قعدت ساعتين وهي تخيط بعدها قالت لي أخليك ساعتين تحت الملاحظه وأجي اشييك على الجرح المهم طلعت وجابولي فطور وافطرت وروقت وتبدل شفت القابلات وجاني قابله هنديه بعد كانت ماعليها جت صرت اسولف معها وأقول لها أبغى اكلم زوجي تقول لاممنوع جت الساعه10وجتني الدكتوره كشفت علي أسمعها تقول او ماي قاد هناااااااااا وعزني قلبي حسيت فيني شي قالت لي الجرح ينزف تحتاجي خياطه ثاني أنا أنهرت وقدت ابكيييييي وأصرخ لااااا ماابي ماابي لا تخيطون طبعا خيطوني ثاني والم ومعاناه اكثر من الخياطه الاولى لان هالمره ركبوا لي قسطرة بول وتخطيط قلب واجتمعوا علي دكتورتين واربع قابلات بعدها حطوني بالملاحظه 6ساعات وانا كله ابكي لأني لحالي ونفسيتي زفت والساعه 5العصر جتني دكتوره سعوديه وسالت شاش جوا وشالو القسطره أنا كنت نفسي أولد قيصري ماابي طبيعي بس كنت أخاف بسبب القسطره سبحان الله صار لي كل اللي اخاف منه ..ورحت للغرفة وجاني زوجي وانا ابكي واقوله خلاص ماابي عيال خلاص وهو يقول طيب:|
..
هذي قصة ولادتي بالتفصيل والله يهون على كل حامل ولا يصير
لها مثلي ....ملاحظه أنا ولدت بمستشفى الملك خالد الجامعي بالرياض يعني اعطيه 50بالميه من كل النواحي.....وسلامتكم..دعوتكم ربي يصلح حمووودي المزععععج .....

....قيموني لو تستأهل التقييم....