برنامجي من خبيرة التغذية لزيادة الوزن

سلام صبايا, عساكم عالقوة
بدخل لكم بالموضوع دغري, السالفة و ما فيها اني بعد تجاربي التي لا تعد:study: واللي منها اللي زودني شوي و منها اللي ما نفع ابد
سمعت عن خبيرة تغذية شكرولي فيها, بس كل اللي راحوا عندها راحو ينقصو, بس قالولي عندها زيادة وزن
قلت اروح و اجرب و فعلا امس رحت
اخذو قياساتي و قالولي اني مفروض ازيد 19 كيلو:|
زاغ عقلي بنات انا لين زدت 3 كيلو اسوي لي حفلة و ما اصدق حالي
فاتحة نفسها 19:mad:
و هي ما عندها رياضة, تعتمد بس على الدايت
و عطتني للاسبوع الاول و قالت مفروض بزيد 2 كيلو اذا مشيت عليه
فيه 6 وجبات ( هي تسميها وجبات بس والله ما فيها شي)
اول شي الصبح شاي حليب مع قطعتين شابورة
و بعد اقل من ساعتين ساندويتش بيض او ممكن تغيري البيض بس بشي فيه بروتين
ال"وجبة" الثالثة عصير فواكه
الرابعة مشروب غازي و قطعة فواكه غير حمضية يعني ممكن موز, مانجو, تفاح او عنب
المغرب كاسة حليب مع ثلاث قطع بسكويت
و قبل لا تنامي تعشي على ذوقك بس لاااااااازم العشاء و صراحة بالعادة انا اكسل عنه
المهم الشي الثاني وصفت لي القرنفل او المسمار ثلاث مرات في اليوم, احط حبتين بفمي و امصهم فترة و حذرتني ما اتناساه و وايد شكرتلي فيه
و بس, ماشيين عليه و بنشوف
مفروض الاسبوع الجاي اروح لها ياخذون القياسات و يعطوني البرنامج الجديد, و المفروض الاسبوع الثاني بزيد اكثر لانها قالت لي الهدف من الاسبوع الاول ضبط السلوك الغذائي
و بس
ها تحسون بينفع؟ و احد على باله يمشي معاي على البرنامج يئازرني؟
و كل اسبوع انزل اللي قالت لي و نشوف مين نفع معاها